San Juan 21:22 - Bible in Tzotzil de Chenalhó with Deuterocanon

²² Itac'ov li Jesuse: —Me ta jc'an ti li' oy o c'alal ta xitale, mu aventauc. Li vo'ote j'ech'el me ts'aclinun o —xut.

Tzotzil Zinacantan

²² ―Mi scꞌan coꞌon ti cuxul chul jta ti cꞌalal xichaꞌsut tale, mu acuentauc. Li voꞌote ichꞌon o me ta mucꞌ ―xꞌutat.

Bible in Tzotzil de Chamula

²² —Mi ta jc'an cuxul ta jta c'alal ta xicha'sut talele, ¿c'usi aventa? Tsacliun no'ox batel ti vo'ote.

LEQUIL ACH' C'OP

²² Itac'av ti Jesuse: —Mi sc'an co'on ti cuxul chul jta ti c'alal xi sutale, ¿mu c'usi acuenta o li vo'ote? Li vo'ote, nap'letaon no'ox me. ―X'utat.

Tzotzil San Andres

²² Itacꞌav li Jesuse: ―Mi ta jcꞌan ti cuxul to chjul jta li cꞌalal chichaꞌtal nojtoque, mu aventauc. Li joꞌote ichꞌun o me ta mucꞌ ―xꞌutat.

Tzotzil de Huixtán

²² Ti Jesuse hech laj yalbe: ―Mi ti jc'an ti cuxul chul jtae, mu aventauc. Ho'oti ts'aclinun ―x'utat.

San Juan 21:22 Iomraidhean Croise

San Mateo 16:24

Li Jesuse jech laj yalbe: —Li boch'o tsc'an chists'aclinune tsc'an mu tsotsuc sc'oplal cha'ay sba stuc. Ac'o xq'uech scruz, ac'o sts'aclinun batel.

San Mateo 24:27

Yu'un c'alal chital vu'un ti Xnich'on cristiano lic'ote, ja' jech chac c'u cha'al sacsevul ti xleblej loq'uel ta sloq'ueb c'ac'ale, chvinaj batel c'alal to ta smaleb c'ac'al.

San Mateo 24:3

C'alal te xa'ox chotol ta vits Olivatic li Jesuse, te inopajic batel ta stojol li yajchanc'optaque, jech laj yalbeic li Jesuse: —Albun ca'icutic c'usi ora ta xc'ot ta pasel li c'usi laj avale, xchi'uc ¿c'usi senyail chavac' quilcutic ti c'alal chacha'tale? ¿C'usi sq'uelubil ti c'alal po'ot xa slajebal c'ac'ale? —xutic.

San Mateo 24:44

Ja' yu'un li vo'oxuque, tsc'an ti lec chapaloxuque. Yu'un ti c'alal mu'yuc anopoj chamalaicune, ja'o chital, vu'un ti Xnich'on cristiano lic'ote.

San Mateo 25:31

Jech laj yal noxtoc li Jesuse: “C'alal chital jchi'uc jxojobal, vu'un ti Xnich'on cristiano lic'ote, ta jchi'in tal scotol li ch'ul j'almantaletique; ja'o chlic chotlicun ta jchotleb ti jun yutsil slequile.

San Mateo 8:22

Itac'ov li Jesuse: —Ts'aclinun batel. Li boch'otic chamenique te ac'o smuc stuquic li boch'otic chcham yu'unique —xi li Jesuse.

Marcos 9:1

Jech laj yal noxtoc li Jesuse: —Melel li c'usi chacalboxuque; oy boch'o avu'unic li'i ti mu'yuc to ta xchamique ja' to me laj yilic chvul xchi'uc stsatsal li ventainel yu'un Diose —xi li Jesuse.

San Juan 21:19

Ti jech laj yal li Jesuse ja' laj yac'be sna' c'u x'elan ta xcham li Pedroe, yu'un jech ch-ich'at ta muc' li Diose. Li Jesuse jech laj yalbe yan velta li Pedroe: —J'ech'el me ts'aclinun o —xut.

San Juan 21:21

C'alal laj yil li Pedroe, jech la sjac'be li Jesuse: —Cajval, ¿c'u x'elan sc'oplal ec li jchi'il li'i? —xut.

1 Corintios 11:26

Ja' yu'un c'alal chave'ic jujun velta li pane, c'alal chavuch'ic jujun velta li ya'lel ts'usube, ja' chavaq'uic ta ilel ti vo'oxuc ta acojic icham li Cajvaltique. Ja' to chlaj sc'oplal ta pasel c'alal me ital li Cajvaltique.

1 Corintios 4:5

Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

1 Tesalonicenses 2:19

Yu'un vo'oxuc no'ox smuc'uloxuc co'nton; vo'oxuc xcuxeteloxuc co'nton, xchi'uc vo'oxuc no'ox ta aventaic ti mu'yuc c'usi jtaoj chca'ye. Vo'oxuc jcoronaoxuc chca'ay c'alal tsta yorail chtal li Cajvaltic Jesucristoe.

Santiago 5:7

Ja' yu'un quermanotac, ts'iquic me, oyuc me smuc'ul avo'ntonic o c'alal to chtal li Cajvaltique. Q'uelavilic c'u x'elan li boch'o ta x'abteje, jun yo'nton ta smala chloc' li c'usi ta sts'un li' ta banamile. Jun yo'nton ta smala c'usi ora chyal li vo'e.

Santiago 5:8

Ja'uc me jechoxuc ec li vo'oxuque, oyuc me smuc'ul avo'ntonic, junuc avo'ntonic, yu'un jutuc xa sc'an xcha'sut tal li Cajvaltique.

Apocalipsis 1:7

A'yo ava'yic, li Cristoe ta xyal tal ta toc. Scotol cristianoetic ta xil ta satic, xchi'uc ta xilic ec li boch'otic la smilique. Scotol jnaclumetic ta banamil ta x'oq'uic yu'un. Ta melel jech chc'ot ta pasel. Jechuc.

Apocalipsis 2:25

Ja' no'ox chacalboxuc, li c'usi ach'unojique ja' me ch'unic o c'alal to chital.

Apocalipsis 22:20

Li boch'o laj yac'bun jna' scotol li a'yej li'i, jech chal: “Ta melel po'ot xa chital”, xi. Toj lec ti jech chc'ot ta pasele. “La' me, Cajval Jesús”, chicutic.

Apocalipsis 22:7

Li Cajvaltique jech chal: “A'yo ava'yic, po'ot xa chital. Xcuxet no'ox yo'nton li boch'otic ta xch'un li c'usitic li' ts'ibabil ta vun ti po'ot xa chc'ot ta pasele”, xiyutun.

Apocalipsis 3:11

A'yo ava'yic, po'ot xa chital. Junuc me avo'nton tsaquic o li c'usi ataojique, yu'un jech mu xbat ta yan li amotonique.