San Juan 21:16 - Bible in Tzotzil de Chenalhó with Deuterocanon

¹⁶ Jech lic sjac'be xchibal velta: —Simón, xnich'onot Jonás, ¿me lec chac'anun? —xut. Itac'ov li Pedroe: —Lec, Cajval, xana' ono'ox ti lec jc'anojote —xut. Li Jesuse jech laj yalbe: —Chabibun me lec li muc'tic chijetic cu'une —xut.

Tzotzil Zinacantan

¹⁶ ―Simón, screm Jonás, ¿mi acꞌanojon? ―xꞌutat noxtoc. ―Cajval, anaꞌoj ti jcꞌanojote ―xut. ―Ti muchꞌutic voꞌne xa lic yichꞌicon ta muqꞌue, chabibon me chac cꞌu chaꞌal ta xchabi xchijic li jchabichijetique ―xꞌutat.

Bible in Tzotzil de Chamula

¹⁶ Xi laj yal no'ox xtoc ti Jesuse: —Simón, xnich'onot ti Jonase, ¿mi c'ux ta xava'iun ta avo'nton? Xi laj stac' ti Pedroe: —Jech, Cajval, ana'oj lec ti c'uxot ta co'ntone. Xi laj yal ti Jesuse: —Mi jech c'uxun ta avo'ntone, q'uelbun tuc'ulanbun ti jchijtaque.

LEQUIL ACH' C'OP

¹⁶ Ixcha' jac'be noxtoc: —Simón, vo'ot scremot ti Juane, ¿mi ac'anojon? ―Xut. ―Cajval, ana'oj ti jc'anojote ―xi. Xi i'albat yu'un ti Jesuse: —Chabibon me li jchijtaque. ―X'utat.

Tzotzil San Andres

¹⁶ Li Jesuse jech la sjacꞌbe schibal velta: ―Simón, snichꞌonot Jonás, ¿mi cꞌuxun ta avoꞌon? ―xut. Itacꞌav li Pedroe: ―Cajval, xanaꞌ onoꞌox ti cꞌuxot ta coꞌone ―xut. Li Jesuse jech laj yalbe: ―Chabibun me scotol li buchꞌutic schꞌunojic xa ti joꞌon Yajcoltavanejicune ―xut.

Tzotzil de Huixtán

¹⁶ Ti Jesuse hech laj xcha'jac'be nixtoc: ―Simón, snich'onot Jonás, ¿mi c'uxun ti avo'nton? ―xchi. Hech itac'av ti Pedroe: ―Cajval, xana' ti c'uxot ti co'ntone ―xchi. Ti Jesuse hech laj yalbe: ―Chabibun scotol ti much'utic chixch'umbucun ti jc'ope ―xchi.

San Juan 21:16 Iomraidhean Croise

Salmos 100:3

C'otuc ta avo'ntonic ti ja' Dios ta melel li Muc'ul Diose. Ja' la spasutic, muc jechuc no'ox lij'ayin jtuctic; vu'utic steclumalutic, sts'unub xchij c'otemutic.

Salmos 95:7

Yu'un li Diose ja' Dios cu'untic. Li vu'utique steclumal c'otemutic, xchij c'otemutic; te lamalutic ta yaxal jobeltic yu'un. Me chava'yic chasc'opanoxuc Dios li' ta orae:

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

San Mateo 2:6

‘Vo'ot Belén, te ta yosilal Judá; mu'yuc biq'uitot ta stojol li muc'tic lumetic ta Judae. Yu'un ja' te ta xloc' ta atojol jun Ajvalil; ja' ta xlic sventainoxuc vo'oxuc li israeloxuque’, xi ono'ox li Diose —xiic li paleetique.

San Mateo 25:32

Ta stsob sbaic tal ta jtojol scotol li cristianoetic ta sbejel banamile. Ta xlic jvoc'an jech chac c'u cha'al jchabichij ti slecoj ta xac' li xchije xchi'uc li stentsune.

San Mateo 26:72

Li Pedroe la st'abbe sbi Dios, jech laj yal: —Yiloj Dios, mu xcotquin li vinic chavale —xi.

San Lucas 19:10

Vu'un ti Xnich'on cristiano lic'ote ja' tal jcolta, ja' tal jsa' li boch'otic ch'ayemique —xi li Jesuse.

San Juan 18:17

Li quiara te chchabi ti'nae, jech laj yalbe li Pedroe: —¿Me mu vo'ocot yajchanc'opot ec li vinic le'e? —xut. Itac'ov li Pedroe: —Muc vu'cun —xi.

San Juan 18:25

C'alal te va'al ta xc'atin li Pedroe, jech ijac'bat: —¿Me mu vo'ocot yajchanc'opot li vinique? —x'utat. Li Pedroe la smuc ta yo'nton, jech laj yal: —Muc vu'cun —xi.

San Juan 21:17

Li Jesuse jech la sjac'be yoxibal velta: —Simón, xnich'onot Jonás, ¿me lec chac'anun? —xut. Li Pedroe lic yat yo'nton, yu'un yoxibal xa velta ijac'bat ti “¿Me lec chac'anun?” x'utate. Itac'ov: —Cajval, li vo'ote scotol xana'. Xana' ti lec jc'anojote —xut. Li Jesuse jech laj yalbe: —Mac'linbun me lec li muc'tic chijetic cu'une.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

Hebreos 13:20

Li Dios ti chac' jun o'ntonale, ti la xcha'cuxes loq'uel ta smuquinal li Cajvaltic Jesucristoe, ja' li Banquilal Jchabichij cu'untique, ti ja' ta sventa xch'ich'al laj yac' c'otuc o ta pasel sbatel osil li c'usi chapanbil yu'une,

1 Pedro 2:25

Yu'un li vo'oxuque ja' to'ox jechoxuc jech chac c'u cha'al ch'ayemal chijetic, pero li' ta orae lasutic tal ta stojol li Jchabivaneje. Ja' xa ta xchabioxuc jech chac c'u cha'al jchabichij, ja' xchabioj li acuxlejalique.

1 Pedro 5:2

Chabiic me li xchijtac Dios ti ac'bil aventainique. Mu me ta sujeluc xapasic; yutsiluc me avo'nton xapasic jech chac c'u cha'al tsc'an li Diose. Mu me ja'uc ta scoj ti xpich'et avo'ntonic yu'un taq'uine. Scotoluc avo'nton xapasic li avabtelique.

Apocalipsis 7:17

Yu'un ja' chabibilic o yu'un li Ch'ium Chij te oy ta o'lol yo' bu chotol li Diose; ja' ch-ic'atic batel ta nio' sventa cuxlejal. Tscusbat ya'lel satic yu'un li Diose”, xiyutun.