San Juan 21:15 - Bible in Tzotzil de Chenalhó with Deuterocanon

¹⁵ C'alal ilaj yo'ntonic ta ve'ele, li Jesuse jech laj yalbe li Simón Pedroe: —Simón, xnich'onot Juan, ¿me ech'em to jech chac'anun jech chac c'u cha'al li achi'iltac li'i? —xut. Itac'ov li Pedroe: —Jech, Cajval, xana' ono'ox ti lec jc'anojote —xut. Li Jesuse jech laj yalbe: —Mac'linbun me li bic'tal chijetic cu'une —xut.

Tzotzil Zinacantan

¹⁵ Ti cꞌalal laj veꞌiconticotique, jaꞌ yech lic albatuc ti Simon Pedroe: ―Simón, screm Jonás, ¿mi más to acꞌanojon chac cꞌu chaꞌal lachiꞌiltac liꞌi? ―xꞌutat yuꞌun ti Jesuse. ―Cajval, anaꞌoj ti jcꞌanojote ―xut. ―Ti muchꞌutic achꞌ to lic yichꞌicon ta muqꞌue, qꞌuelbon me chac cꞌu chaꞌal tsqꞌuel smimiꞌic li jchabichijetique ―xꞌutat.

Bible in Tzotzil de Chamula

¹⁵ C'alal laj yo'ntonic ta ve'ele, ti Jesuse xi lic sjac'be ti Simón Pedroe: —Simón, xnich'onot ti Jonase, ¿mi yepal no'ox c'ux ta xava'iun ta avo'nton, mi ja' mu sta ti yan le'e? Xi laj stac' ti Pedroe: —Jech, Cajval, ana'oj lec ti c'uxot ta co'ntone. Xi laj yal ti Jesuse: —Mi c'uxun ta avo'ntone, q'uelbun ti cuni jmimitaque.

LEQUIL ACH' C'OP

¹⁵ Ti c'alal laj ve'icuque, ti Jesuse isjac'be ti Simón Pedroe: ―Simón, vo'ot ti scremot Juane, ¿mi más to ac'anojon chac c'u cha'al li yantic li'i? ―X'utat. Itac'av ti Pedroe: ―Cajval, ana'oj ti jc'anojote ―xut. Xi i'albat ti Pedroe: —Chabibon me li cunen c'ox chijtaque—xut.

Tzotzil San Andres

¹⁵ Cꞌalal ilaj coꞌoncutic ta veꞌele, li Jesuse jech laj yalbe li Simón Pedroe: ―Simón, snichꞌonot Jonás, cꞌuxun ta yoꞌonic la achiꞌiltac ta cajchanbalajeltac liꞌi. ¿Mi joꞌot más chital ta scꞌuxul avoꞌon? ―xut. Itacꞌav li Pedroe: ―Cajval, xanaꞌ onoꞌox ti cꞌuxot ta coꞌone ―xut. Li Jesuse jech laj yalbe: ―Alanbo me jcꞌop scotol li buchꞌutic jaꞌ to ta schꞌunic ti joꞌon Yajcoltavanejicune yoꞌ jech acꞌo ayanuc stsatsal yoꞌonic, jech mu xchibaj yoꞌonic ―xut.

Tzotzil de Huixtán

¹⁵ C'alal laj co'nton ve'ucuntutic, ti Jesuse hech laj sjac'be ti Simon Pedroe: ―Simón, snich'onot Jonás, c'ux chiya'yun ti achi'iltac li'to. ¿Mi ech'em c'uxun ti avo'nton ho'oti? ―xchi. Hech itac'av ti Pedroe: ―Cajval, xana' ti c'uxot ti co'ntone ―xchi. Ti Jesuse hech laj yalbe: ―Mac'limbun scotol ti much'utic chixch'umbucun ti jc'ope hech ch-an yip yo'ntonic ―xchi.

San Juan 21:15 Iomraidhean Croise

Génesis 33:13

Itac'ov li Jacobe: —Banquil, lec xana' ti c'unc'un chanovic li ololetique, xchi'uc ti oy ep jchijtac, jvacaxtac ti ja' to no'ox ivoc' yolique. Yu'un me ilubtsajic ta jun no'ox c'ac'ale, xu' chchamic scotol li me' chijetique.

2 Samuel 7:20

Mu'yuc xa c'usi yan chacalbot, yu'un vo'ot li Muc'ul Diosote, xavotquin li avajtunele.

2 Reyes 20:3

“Muc'ul Dios, avocoluc mu me xch'ay ta avo'nton ti jun co'nton litun avu'une, xchi'uc ti scotol co'nton la jpas c'usi chac'ane”, xut. Ep laj yoc'ta sba.

Isaías 40:11

Ta xtal jech chac c'u cha'al jun jchabichij ti lec ta xchabi xchije; ta spet liquel ta sc'ob li ch'ium chijetique, ta spatan batel ta sna yo'nton; lec ta sq'uel ta stuc'ulan ti bu ja' to chvoq'uique.

Jeremías 23:4

Ta jva'anbe jchabivanejetic yu'unic, yu'un ac'o chabiaticuc, jech mu'yuc xa xi'el cha'yic, xchi'uc jech mu xa xch'ayic junuc”, xi li Muc'ul Diose.

Jeremías 3:15

Ta xcac'boxuc jpasmantaletic avu'unic ti ja' tspasic jech chac c'u cha'al tsc'an co'ntone; ja' chlic sventainoxuc lec ta sventa sbijilic.

Ezequiel 34:23

Ta xcac' licuc jun smomnich'on cajtunel David; ja' jchabivanej ta xc'ot yu'unic. Ja' ta xac'be lec sve'elic; ja' ta xchabi.

Ezequiel 46:24

Jech laj yalbun: “Li'i ja' panub ve'liletic ta sventa li boch'otic li' chtunic o ta ch'ulnae; ja' li' tspanic li milbil matanaletic chaq'uic achi'iltaquique”, xiyutun.

San Mateo 10:37

“Li boch'o toj tsots sc'oplal cha'ay stot sme' ti ja' mu tsotsuc lec jc'oplal cha'ay li vu'une, mu xu' yu'un chists'aclinun. Li boch'o toj tsots sc'oplal cha'ay squerem, o me stseb, ti ja' mu'yuc lec tsots jc'oplal cha'ay li vu'une, mu xu' yu'un chists'aclinun noxtoc.

San Mateo 16:17

Itac'ov li Jesuse: —Toj jun avutsil, Simón, xnich'on Jonás. Muc ja'uc laj yac'bot ana' li boch'o oy sbec'tal oy xch'ich'ale. Ja' laj yac'bot ana' li Jtot te oy ta vinajele.

San Mateo 18:10

“Q'uelo me abaic, mu me mu'yucuc stu chavilic junuc li ololetic li'i. Chacalboxuc ava'yic, li j'almantaletic yu'unic te ta vinajele scotol ora te chilbeic o sat li Jtot te oy ta vinajele.,

San Mateo 26:33

Itac'ov li Pedroe: —Ac'o me chlaj stsatsal yo'nton scotolic, pero li vu'une mu'yuc ono'ox chlaj stsatsal co'nton ta atojol —xi.

San Mateo 26:35

Itac'ov li Pedroe: —Ac'o me co'ol chijchamutic, mu'yuc ono'ox chajmucot o ta co'nton —xi. Ja' no'ox jech laj yalic ec li yantique.

Marcos 14:29

Itac'ov li Pedroe: —Ac'o me chlaj stsatsal yo'nton scotolic li yantique, pero li vu'une mu'yuc ono'ox ta xlaj stsatsal co'nton —xi.

San Lucas 12:32

“Ac'o me mu'yuc epoxuc, cunin chijtac, pero mu me xaxi'ic. Yu'un li Jtotic Diose slequil yo'nton laj yac'boxuc li ventainel yu'une.

San Lucas 22:32

Pero laj xa jc'opanbot Dios ta atojol, yu'un jech mu me xch'ay o li xch'unojel avo'ntone. C'alal ta xlic asutes avo'ntone, vo'ot chatsatsubtasbe yo'nton li achi'iltaque —xut.

San Juan 1:42

Jech laj yic' tal ta stojol Jesús li sbanquile. Li Jesuse la sq'uel lec li Simone, jech laj yalbe: —Vo'ot Simón, xnich'onot Jonás. Cefas ta xc'ot abi —xut. Ja' Pedro smelol ta griego c'op.

San Juan 13:37

Itac'ov li Pedroe: —Cajval, ¿c'u yu'un ti mu xu' ta jchi'inot batel ta orae? Xu' ta xcac' jba ta milel ta aventa —xut.

San Juan 16:27

Yu'un li Jtotic Diose lec sc'anojoxuc, yu'un lec ac'anojicun ec, xchi'uc laj ach'unic ti te liquemun tal ta stojole.

San Juan 21:12

Li Jesuse jech laj yalbe: —La' ve'anic —xut. Me junuc yajchanc'op, mu'yuc boch'o la sjac'be ti boch'oe, yu'un laj xa sna'ic ti ja' Cajvaltique.

San Juan 21:7

Li yajchanc'op Jesús ti lec sc'anoj sba xchi'uque, jech laj yalbe li Pedroe: —¡Le'e, ja' li Cajvaltique! —xut. C'alal laj ya'ay Simón Pedro ti “ja' Cajvaltic” xi sc'oplale, ta ora la xchuquin sc'u', yu'un sloc'oj. La sjip sba ochel ta nab, bat sta li Jesuse.

San Juan 8:42

Li Jesuse jech laj yalbe: —Ti ja'uc atotic li Diose, chac'anicun ti jechuque. Yu'un li vu'une te liquemun tal ta stojol li Diose. Muc ta co'ntonuc jtuc ti litale. Ja' la stacun tal li Diose.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

Hechos 20:29

Yu'un c'alal batemun xa'oxe, jna'oj ti chtal jti'val oq'uiletic ta atojolique, chtal smil li chijetique.

Romanos 14:1

Iq'uic me li boch'otic mu'yuc to stsatsal yo'ntonic ta stojol Diose, pero mu me c'usi xavalilanbeic.

Romanos 15:1

Vu'utic ti oy xa stsatsal co'ntontique, ac'o jts'ictic c'u x'elanic ec li boch'otic mu'yuc to stsatsal yo'ntonique. Mu me ja'uc no'ox jpastic li c'usi lec chca'itic jtuctique.

1 Corintios 8:11

Ta sventa ti vo'ot xana'be xa smelole, jech xu' chch'ay ta be avu'un li jch'unolajel ti mu'yuc to stsatsal yo'nton ta stojol Diose. Pero li Cristoe laj yac' sba ta milel ta scoj.

Gálatas 5:6

Yu'un ta stojol Cristoe, ma'uc tsots sc'oplal me quich'ojtic circuncisión, me muc quich'ojticuc circuncisión. Ja' tsots sc'oplal li xch'unojel co'ntontique, yu'un jech xu' cu'un chijc'anvanutic.

Efesios 4:14

Jech muc xa co'oluticuc jech chac c'u cha'al ololetic ti talbat no'ox yo'ntonique, ti c'usiuc no'ox svontolch'unic jech chac c'u cha'al c'usi cuchbil no'ox ta iq'ue. Jech mu xcac' jbatic ta lo'lael yu'un li boch'otic lec sna'ic c'u x'elan chlo'lavanique, ti ch'ayemic ta bee.

Efesios 6:24

Ac'o c'uxubinaticuc yu'un Dios scotol li boch'otic sc'anojic o ta scotol yo'ntonic li Cajvaltic Jesucristoe.

Hebreos 13:20

Li Dios ti chac' jun o'ntonale, ti la xcha'cuxes loq'uel ta smuquinal li Cajvaltic Jesucristoe, ja' li Banquilal Jchabichij cu'untique, ti ja' ta sventa xch'ich'al laj yac' c'otuc o ta pasel sbatel osil li c'usi chapanbil yu'une,

Hebreos 4:13

Yu'un mu'yuc c'usi pasbil ti xu' nac'al chcom ta stojole. Scotol chajal ta sba ta sat stuc li Boch'o tsta yorail chc'ot calbetic c'usi la jpastique.

1 Pedro 1:8

Li vo'oxuque ac'anojic xa li Cajvaltic Jesucristoe, ac'o me mu'yuc to avilojic. Li' ta orae ach'unojic xa, pero mu'yuc to chavilic. Ja' yu'un toj xcuxet no'ox avo'ntonic, toj yan sba yutsil chava'yic, mu xa xana' c'usi chavalic.

1 Pedro 2:2

Ja'uc jechoxuc jech chac c'u cha'al ololetic ti naca to chvoq'uique, ti tsa'ilan xchu'ique. Ja'uc jechoxuc ta sa'ilanbel sve'el avo'ntonic li vo'oxuque, yu'un jech chach'iic ta sventa li sc'op Dios ti ja' melele, jech chacolic.

1 Pedro 2:25

Yu'un li vo'oxuque ja' to'ox jechoxuc jech chac c'u cha'al ch'ayemal chijetic, pero li' ta orae lasutic tal ta stojol li Jchabivaneje. Ja' xa ta xchabioxuc jech chac c'u cha'al jchabichij, ja' xchabioj li acuxlejalique.

1 Juan 4:19

Li vu'utique jc'anojtic xa li Diose, yu'un ba'yuc la sc'anutic.

1 Juan 5:1

Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.

Apocalipsis 2:23

Yan li mero yalabtac stuc li antse, ta jmilic o. Yu'un jech tsna'ic o scotol cu'untac ta jujutsob ti vu'un jna'ojbe, ti vu'un xcotquinbe yo'nton li cristianoetique, xchi'uc ti vu'un ta xcac'be stojol ti c'u x'elan yabtelique.