San Juan 20:9 - Bible in Tzotzil de Chenalhó with Deuterocanon

⁹ Mu'yuc c'otem lec ta yo'ntonic me jech ono'ox ts'ibabil ta sc'op Dios ti ta persa ta xcha'cuxi loq'uel ta smuquinale.

Tzotzil Zinacantan

⁹ Mu toꞌox jnaꞌbeticotic smelol ti tsꞌibabil onox ta scꞌop Riox ti persa ta xchaꞌcuxi loqꞌuel ta smuquenal ti Cajvaltic Jesuse.

Bible in Tzotzil de Chamula

⁹ Yu'un mu'yuc to laj ya'ibeic smelol ti ta xal ti ch'ul c'op ti tsots sc'oplal ta xcha'cuxi ti Jesuse.

LEQUIL ACH' C'OP

⁹ Mu to'ox xa'ibeic smelol ti c'usi yaloj li sc'op Rioxe ti persa ono'ox ta xcha'cuxi loq'uel ta smuquenale.

Tzotzil San Andres

⁹ Pero muc toꞌox bu caꞌiojbecutic smelol li cꞌusi tsꞌibabil ta scꞌop Dios ti persa ta xchaꞌcuxi loqꞌuel ta smuquenal li Cajvaltique.

Tzotzil de Huixtán

⁹ Ja'to lic ca'ibetutic sjam hech chaj c'u che'el ts'ibabil comel ti sc'op ti Diose ti persa chcha'cuxi loq'uel ti ch'en ti Cajvaltique.

San Juan 20:9 Iomraidhean Croise

Salmos 16:10

Yu'un muc teuc chacomtsanun o ta jmuquinal; mu'yuc chavac'be yil c'u x'elan c'a'el li ach'ulnich'one.

Salmos 22:15

Li jtsatsale itaquij xa jech chac c'u cha'al ti'bin; li coq'ue la spac' xa sba ta jpac'o. Ta xa xicham avu'un chca'ay.

Isaías 25:8

Jech noxtoc j'ech'el ta slajesbe o sc'oplal li lajele; ta scusbe loq'uel ya'lel sat scotolic; ta stu'pbe o sc'oplal li' ta banamil li c'usi la soquesbe sc'oplal li steclumale. Ja' jech yaloj stuc li Muc'ul Diose.

Isaías 26:19

Yan li avu'untac ti chamenique ta xcha'cuxiic; li sbec'talique ta xlic cuxiuc. Li boch'otic vayemic ta pucuctique ta xlic julovicuc; ta xq'uejinic yu'un toj xcuxet no'ox yo'ntonic. Yu'un vo'ot chatacbe tal luz ta stojolic jech chac c'u cha'al sjob osil chyal ta ts'unubaltic; ja' yu'un li boch'otic chamenique chlic voq'uicuc li' ta banamil yan velta.

Oseas 13:14

“¿Me ta jpoj loq'uel ta sc'ob li yavil animaetique? ¿Me ta jcolta ta sventa li lajele? Lajel, ¿bu oy li avu'el atsatsale? Yavil animaetic, ¿bu oy li lajel avu'une? La' me achi'uc, yu'un mu'yuc xa c'uxubinel ta co'nton.

San Mateo 22:29

Itac'ov li Jesuse: —Ch'ayemoxuc. Mu xach'unic c'usi chal li sc'op Diose, xchi'uc mu xach'unic c'u x'elan stsatsal li Diose.

San Lucas 24:26

¿Me mu jechuc ts'ibabil ti ta persa chich' vocol li Cristoe, ti ts'acal ta sta slequilale? —x'utatic.

San Lucas 9:45

Li yajchanc'optaque muc xa'ibeic smelol li c'usi laj yale, yu'un mu to x'ac'bat ya'yic c'usi smelol. Pero ixi'ic ta sjac'bel smelol noxtoc.

San Juan 2:22

Ja' yu'un c'alal icha'cuxi ta yoxibal c'ac'al li Jesuse, li yajchanc'optaque ja' to te ivul ta sjolic ti jech ono'ox laj yale. Jech te la xch'unic o ti jech ono'ox ts'ibabil ta sc'op Diose, xchi'uc ti ja' melel li c'usi laj yale.

Hechos 17:3

Laj yac'be yil, laj yac'be lec sna'ic ti jech ono'ox ts'ibabil ta sc'op Dios ti ta persa ta xich' vocol li Cristoe, xchi'uc ti ta persa ta xcha'cuxie. Jech laj yalbe: —Ja' li Jesús ti li' chacalboxuc sc'oplale, ja' li Cristoe —xut.

Hechos 2:24

Pero icha'cuxesat yu'un Dios, jech icol o loq'uel ta sventa lajel, yu'un mu xu' ti tsalbil chcom yu'un li lajele.

1 Corintios 15:4

xchi'uc ti imucate, ti icha'cuxi ta yoxibal c'ac'al jech chac c'u cha'al ts'ibabil ta sc'op Diose.