San Juan 20:19 - Bible in Tzotzil de Chenalhó with Deuterocanon

¹⁹ C'alal i'ic'ub osil te no'ox ta sba c'ac'al xemunae, te smacoj sbaic ta na yo' bu ono'ox tsobolic li yajchanc'optac Jesuse, yu'un ta xi'ic yu'un li j'abteletic yu'un judioetique. Li Jesuse ta ora no'ox ivinaj ta o'lol yut na ti bu tsobolique, jech laj yal: —Junuc avo'ntonic —xi.

Tzotzil Zinacantan

¹⁹ Cꞌalal icꞌ xaꞌox osil ta primero cꞌacꞌal xemanae, jaꞌ li romincoe, teyoticotic ta yut na, voꞌoticotic ti yajchancꞌopoticotic ti Jesuse. Lec jmacojticotic ti tiꞌnae, yuꞌun xiꞌemoticotic o ti cajmeltsanejcꞌopticotique. Tey icꞌot ti Jesuse. Cꞌalal iquilticotique, tey xa vaꞌal ta oꞌlol yoꞌ bu tsoboloticotique. ―Junuc me avoꞌonic ―xiyutoticotic.

Bible in Tzotzil de Chamula

¹⁹ Ta smalel c'ac'al yu'un ti sliquebal xemunae, bajalic ta jbej na ti stsobolic ti jchanc'opetique, ta scoj xi'el yu'un jpas-mantaletic yu'un ti israeletique. Och batel ti Jesús ti c'ot sva'an sba ta o'lol yu'unic ti xi laj yale: —Tsotsanic, junuc avo'ntonic, mu xaxi'ic.

LEQUIL ACH' C'OP

¹⁹ C'alal ic' xa'ox osil ta primero c'ac'al xemanae, li yajchanc'optac ti Jesuse tey stsoboj sbaic, smacoj sbaic ta na yu'un xi'emic o li yajmeltsanejc'opic li jurioetique. Ti Jesuse i'och ech'el, tey va'al ic'ot ta o'lol yo' bu li yajchanc'optaque, c'ot c'opojuc, ja' yech iyal chac li'i: ―Junuc me avo'onic ―x'utatic.

Tzotzil San Andres

¹⁹ Cꞌalal xtupꞌet xaꞌox osil ta sba cꞌacꞌal xemana, jaꞌ li romincoe, te jlapoj jbacutic ta na, joꞌoncutic li yajchanbalajeltacuncutic li Jesuse. Lec jmacojcutic li tiꞌnae yuꞌun chixiꞌcutic o li jꞌabteletic cuꞌuncutique. Li Jesuse te iyacꞌ sba ta ilel ta oꞌlol yut na li bu tsoboluncutique. Jech laj yalbuncutic: ―Junuc avoꞌonic ―xijyutcutic.

Tzotzil de Huixtán

¹⁹ Mal xa c'ac'al ti sba c'ac'al ti semanae, ja' ti domingoe, jmacoj jbatutic ti na ho'ontutic ti yajchanc'opuntutic ti Jesuse. Yu'un nixi'tutic yu'un ti totiletic cu'untutique, ja' ti co'ol judiountutic xchi'uque, hech yu'un lec jmacojtutic ti sti' jnatutique. Ti ora no'ox ivinaj te ti o'lol yut jnatutic ti Jesuse yo' bu jtsoboj jbatutique. Hech laj yalbuntutic: ―Tal jtoj avo'ntonic ―xiyutuntutic.

San Juan 20:19 Iomraidhean Croise

Salmos 122:8

Ta sventa li cuts' calaltac xchi'uc li jchi'iltaque, jech ta xcal ec: “Junuc avo'nton.

San Mateo 10:13

Me ta melel lec yo'ntonique, ta staic li jun yo'nton chavac'beique; yan me mu'yuc lec yo'ntonique, mu me xavac'beic comel.

San Mateo 18:20

Yu'un ti bu atsoboj abaic chib oxib ta jventae, te oyun ta o'lol avu'unic —xi li Jesuse.

Marcos 16:14

Slajeb xa la yac' sba ta ilel Jesús ta stojol buluchib yajchanc'optac ti c'alal ja'o ta xve'ique. Te tsots ic'opanatic ta sventa ti muc xch'unique, ti tsots yo'ntonique. Yu'un muc xch'unic c'usi i'albatic yu'un li boch'otic laj yilic ti cha'cuxem xa li Jesuse.

San Juan 14:27

“Ta xcac'boxuc comel jun avo'ntonic. Li jun o'ntonal oy cu'une ja' ta xcac'boxuc comel. Li jun o'ntonal chcaq'ue mu jechuc jech chac c'u cha'al chac' li cristianoetique. Ja' yu'un mu me xlo'ilaj avo'ntonic; mu me xaxi'ic.

San Juan 16:22

Ja' no'ox jech ec li vo'oxuque, li' ta orae chavat avo'ntonic, pero ta to xajq'ueloxuc. Jech xcuxet no'ox avo'nton chava'yic; mu'yuc boch'o xu' chaspojboxuc o li xcuxetel avo'ntonique.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

San Juan 20:21

Li Jesuse jech laj yalbe yan velta: —Junuc avo'ntonic. Jech chac c'u cha'al la stacun tal li Jtote, ja' jech ta jtacoxuc batel ec —xut.

San Juan 20:26

C'alal iloc' vaxquib c'ac'ale, te tsobolic yan velta ta na li yajchanc'optac Jesuse. Te xa'ox xchi'uquic li Tomase. Lec macal yu'unic li ti'nae. Ta ora no'ox te ivinaj ta o'lol yut na li Jesuse. Jech laj yal: —Junuc avo'ntonic —xi.

San Juan 21:1

C'alal jech ic'ot ta pasele, li Jesuse laj yac' sba ta ilel yan velta ta stojol li yajchanc'optac ti c'alal te oyic ta ti'nab Tiberiase. Ja' jech laj yac' sba ta ilel chac li'i:

San Juan 21:14

Ja' yoxibal xa velta te laj yac' sba ta ilel ta stojol yajchanc'optac li Jesús ti c'alal cha'cuxem xa'oxe.

San Juan 7:13

Pero me junuc mu'yuc boch'o tsots laj yal, yu'un ta xi'ic yu'un li j'abteletic yu'un judioetique.

Hechos 1:3

Ja'o ti c'alal cuxul xa laj yac' sba ta ilel ta stojolic ti c'alal i'ech' xa'ox yu'un li vocole. Ep laj yac' ta ilel sq'uelubil ti ta melel cha'cuxeme. Cha'vinic (40) c'ac'al laj yaq'uilan sba ta ilel ta stojolic. Laj yalbe ya'yic c'u x'elan chventainvan li Diose.

Romanos 15:33

Te ac'o xchi'inoxuc acotolic li Dios ti chispasbutic ta jun co'ntontique. Jechuc.

1 Corintios 15:5

Xchi'uc laj calboxuc noxtoc ti ja' ba'yuc laj yac' sba ta ilel ta stojol li Pedroe. Ts'acal laj yac' sba ta ilel ta stojol xlajchabalic.

Efesios 2:14

Yu'un li stuque ja' jco'lajesej o'ntonal cu'untic. Li chib lum ti voc'ol to'oxe, ja' la spas ta jun. Ja' la sjines li c'usi smacoj ta o'lol ti jech voc'olutic to'ox yu'une.

Efesios 6:23

Li Diose ja' li Totile xchi'uc li Cajvaltic Jesucristoe ac'o spasbe ta jun yo'nton li jch'unolajeletique, xchi'uc ac'o yac' c'anvanicuc, xchi'uc ac'o oyuc lec xch'unojel yo'ntonic.

Filipenses 1:2

Ac'o xc'uxubinoxuc, ac'o spasboxuc ta jun avo'ntonic li Diose, ja' li Jtotique xchi'uc li Cajvaltic Jesucristoe.

2 Tesalonicenses 3:16

Ja' stuc Yajval jun o'ntonal ac'o spasboxuc ta jun avo'ntonic ta scotol ora. Ac'o xchi'inoxuc acotolic li Cajvaltique.

Hebreos 7:2

Ja' laj yich' li jujun ta lajlajuneb c'usitic la spoj sutel tal li Abrahame. Li sbie oy lec smelol. Li sbae “ajvalil yu'un tuq'uil chapanel”, xi smelol. Li yane “ajvalil ta Salem”, xi. Ja' smelol “ajvalil yu'un jun o'ntonal”.

3 Juan 1:14

Yu'un ta jc'an chtal jq'uelot ta ora, jech xu' ta jc'opan jbatic lec.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,