San Juan 20:17 - Bible in Tzotzil de Chenalhó with Deuterocanon

¹⁷ Li Jesuse jech laj yalbe: —Mu me solel ech'em xapicun, yu'un mu'yuc to muyemun batel ta stojol li Jtote. Batan, bat albo ya'yic li jchi'iltaque: ‘Ta xibat ta stojol li Jtote; ja' Atotic ec. Ja' li Dios cu'une; ja' Dios avu'unic ec’, uto c'otel —x'utat.

Tzotzil Zinacantan

¹⁷ ―Mu me xtal apicon yuꞌun chibat xa yoꞌ bu ti Jtote. Batan, ba albo yaꞌiic li jchiꞌiltaque, jaꞌ li muchꞌutic coꞌol quichꞌojtic ta mucꞌ ti Jtotic Riox jchiꞌuctique: “Jaꞌ yech iyal tal li Jesuse: Chibat xa yoꞌ bu ti Jtote, jaꞌ Atotic uc. Jaꞌ Cajval, jaꞌ Avajvalic uc, xi”, xavut me cꞌotel li yantique ―xꞌutat la yuꞌun Jesús ti Maríae.

Bible in Tzotzil de Chamula

¹⁷ Xi laj yal ti Jesuse: —Mu xamacun ta be María, yu'un mu'yuc to muyemun batel bu oy ti Jtote. Batan, ba albo ya'i ti buch'u jun co'ntoncuntic xchi'uque ti ta ximuy batel ta stojol ti Jtote, ti ja' Atotique, ti Dios cu'une, ti ja' Dios avu'unique.

LEQUIL ACH' C'OP

¹⁷ Ti Jesuse, xi iyalbe li antse: ―Mu me xtal apicon yu'un mu to bu batem jta li jtote. Batan, ba albo ya'iic li jchi'iltaque, ti chba jta li Jtote, ti ja' atotic uque, ja' li Jrioxe, ja' Arioxic uc ―x'utat yu'un Jesús ti Maríae.

Tzotzil San Andres

¹⁷ Li Jesuse jech laj yalbe: ―Mu xtal amacun yuꞌun chibat li yoꞌ bu oy li Jtote. Batan, ba albo yaꞌiic li quermanotactique, jaꞌ li buchꞌutic coꞌol quichꞌojtic ta mucꞌ li Jtotic Diose: “Chibat ta stojol li Jtote, jaꞌ Atotic eꞌuc. Jaꞌ li Dios cuꞌune, jaꞌ li Dios avuꞌunic eꞌuque, xiyut”, uto me cꞌotel li yanetique ―xꞌutat li Maríae.

Tzotzil de Huixtán

¹⁷ Ti Jesuse hech laj yalbe: ―Mu me xapajesun yu'un ta ono'ox xibat ti stojol ti Jtote. Batan, ba albo ya'yic ti quermanotique: Chibat ti stojol ti Jtote, ti Atotic uque. Ja' ti stojol ti Dios cu'une, ti Dios avu'unic uque, xiyutun, xavut me ti yantique ―xchi.

San Juan 20:17 Iomraidhean Croise

2 Reyes 4:29

Li Eliseoe jech laj yalbe li Giezie: —Chapano aba. Batan ta sna li antse; ich'o batel li jnamte'e. Me oy boch'o laj anup ta bee, mu xac'opan comel. Me oy boch'o ch-ech' sc'opanote, mu xatac'be. Xc'ot ametsanbe ta sat querem li jnamte'e —xut.

2 Reyes 7:9

Jech lic yalbe sbaic: —Mu'yuc lec li c'usi ta jpastique. Ti jechuque ja' yorail ta xquich'tic batel lec a'yej, pero tana ch'an no'ox xijchi. Yu'un me ja' to oc'om chbat caltique, xu' chalic ti oy jmultique. Ja' lec batic ta spasubmantal li ajvalile, bat calbetic ya'ay —xiic.

Salmos 22:22

Ta to xcalbe ya'yic ac'oplal li jchi'iltac ta voq'uele; ta to xaquich'ot ta muc' te ti bu tsobolique.

Salmos 43:4

Jech xu' chi'och te yo' bu scajleb amotone; te ta jq'uejinta alequilal ta arpa, Dios cu'un, vo'ot li Diosot ti chavac' xcuxet co'ntoncutic, ti chavac' xitse'incutic no'oxe.

Salmos 48:14

Yu'un li Diose ja' Dios cu'untic o sbatel osil; ja' jtojobtasvanej cu'untic o sbatel osil.

Salmos 68:18

Dios, lamuy batel ta toyol, laj achuc batel li boch'otic laj atsale, laj avich' li amoton yu'un cristianoetique; c'alal ta jtoybaetic, laj yac' sbaic ta atojol, Muc'ul Dios.

Salmos 89:26

Jech chlic yalbun: ‘Vo'ot jtotot, vo'ot Diosot cu'un; vo'ot tsatsal tonot, vo'ot jcoltavanejot’, xi chlic yal ta jtojol.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Jeremías 32:38

Ja' jteclumal chc'otic o, vu'un Diosun yu'unic ta xc'ot ec.

Ezequiel 36:28

Te chanaquiic o ta banamil ti bu laj ono'ox cac'beic li atot ame'ic ta vo'onee. Vo'oxuc jteclumaloxuc chac'otic o, vu'un Diosun avu'unic chic'ot.

Ezequiel 37:27

Te chinaqui o ta stojolic; vu'un Diosun yu'unic chic'ot, ja' jteclumal chc'otic o ec.

San Mateo 12:50

Yu'un scotol li boch'o ja' ta spasic c'usi tsc'an yo'nton li Jtot te oy ta vinajele, ja' quits'inab, ja' quixlaltac, xchi'uc ja' jme' chc'otic —xi li Jesuse.

San Mateo 25:40

Vu'un li muc'ta Ajvalilune jech ta jtac'beic: ‘Melel li c'usi chacalboxuque, ta sventa ti jech laj apasbeic li jchi'iltac ti biq'uit ch-ilatique vu'un laj apasbicun o ic'ot’, chcut.

San Mateo 28:7

Batanic ta ora, jech xbat avalbeic li yajchanc'optaque: ‘Icha'cuxi xa loq'uel ta smuquinal li Jesuse. Ja' ba'yuc ta xc'ot avu'unic ta Galilea; te ta xc'ot avilic’, utic. Laj xa ava'yic li c'usi laj calboxuque —x'utatic.

Marcos 12:26

Ti jech mu'yuc ach'unojic ta xcha'cuxiic animaetique, ¿me yu'un mu'yuc aq'uelojic ta svun Moisés ti bu chal ti c'alal ic'opanat yu'un Dios te ta jtec' biq'uit ch'ixe? Jech i'albat yu'un li Diose: ‘Vu'un Diosun yu'un Abraham, Diosun yu'un Isaac, Diosun yu'un Jacob’, x'utat.

Marcos 16:19

C'alal ilaj yo'nton ta sc'opanel yajchanc'optac li Cajvaltic Jesuse, i'ic'at muyel ta vinajel. Te c'ot chotluc ta sbats'ic'ob Dios.

San Lucas 10:4

Mu me xavich' batel anuti'ic, me yavil ataq'uinic, me axonobic. Mu me boch'o xalo'ilaj achi'uquic ta be.

San Juan 13:1

C'alal yu'un xa ta xlic li q'uin Coltaele, li Jesuse sna'oj ti ja' xa yorail ta scomtsan li banamile ti ta sut batel ta stojol li Stote. Ti c'u x'elan sc'anoj li yu'untac ta sliquebe, ja' jech sc'anoj o c'alal ta slajeb.

San Juan 13:3

Li Jesuse sna'oj ti i'ac'bat xa ta sc'ob scotol yu'un li Dios Totile, xchi'uc sna'oj ti te liquem tal ta stojol li Diose, xchi'uc ti te ta sut batel noxtoque.

San Juan 14:2

Te ta sna li Jtote, ep ta c'ol na te oy. Ti manchuc jech quiloje, mu jechuc ta xcalboxuc ti jechuque. Ja' yu'un ba'yuc chibat, chbat jchapan bu chac'otic li vo'oxuque.

San Juan 14:28

Laj xa ava'yic ti jech laj calboxuque: ‘Ta xibat, pero ta to xtal jchi'inoxuc. Me ac'anojicune, xcuxet no'ox avo'ntonic ti chibate. Yu'un ja' te chisut batel ta stojol li Jtote. Yu'un ja' ech'em smuc'ul jech chac c'u cha'al li vu'une’, xacutoxuc.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 16:28

Te lilic tal ta stojol Jtotic Dios ti liyal tal li' ta banamile. Li' ta orae ta jcomtsan noxtoc li banamile; ta xa xisut batel ta stojol li Jtotic Diose —xi li Jesuse.

San Juan 17:11

“Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

San Juan 17:5

Ja' yu'un Tati, ac'bun xa yan velta jlequilal cutsilal te ta atojol jech chac c'u cha'al jlequilal cutsilal te ta atojol ti c'alal mu'yuc to'ox li banamile.

San Juan 20:27

Li Jesuse jech laj yalbe li Tomase: —Q'uelavil li jc'obe, ac'o ac'ob li'i. Tic'o ac'ob noxtoc li' ta jxocone. Mu me xapas ta tsots avo'nton; paso aba ta mero jch'unolajel —x'utat.

San Juan 7:33

Li Jesuse jech laj yal: —Li' to oyun ta atojolic jayibuc c'ac'al. Ts'acal ta xibat yo' bu oy li Boch'o la stacun tale.

Romanos 8:29

Yu'un li boch'otic vo'one ono'ox yotquinoje, vo'one st'ujoj noxtoc. Snopoj ti co'ol chc'otic jech chac c'u cha'al li Xnich'one. Ja' yu'un li Xnich'one ja' ba banquilal chc'ot yu'un scotol li jch'unolajeletique.

2 Corintios 6:18

Jech vu'un Atoticun chic'ot; vo'oxuc jquerem jtseb chac'otic o ec, xi li Cajvaltic ti ech'em svu'ele.”

Gálatas 3:26

Ja' yu'un li vo'oxuque acotolic xnich'naboxuc xa Dios lac'otic ta sventa ti ja' laj ach'unic li Cristo Jesuse.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 8:10

Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque; ta jts'ibabe ta yo'ntonic. Vu'un Diosun yu'unic chic'ot; ja' jteclumal chc'otic o ec.

1 Pedro 1:3

Coliyalbutic li Diose, ja' li Stot Cajvaltic Jesucristoe, yu'un toj ep la xc'uxubinutic, laj yac' cha'voc'cutic ta ach' ta sventa ti la xcha'cuxes ta smuquinal li Cajvaltic Jesucristoe. Jech la jta spatubil co'ntontic ti mu xlaj sc'oplale.

1 Juan 3:2

Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.