San Juan 20:1 - Bible in Tzotzil de Chenalhó with Deuterocanon

¹ Ta sob ta sba c'ac'al xemuna, ic' to ibat ta smuquinal Jesús li María liquem tal ta Magdalae. Ja' to laj yil ti balch'unbil xa loq'uel li ton ti macbil o sti' ch'ene.

Tzotzil Zinacantan

¹ Sob ta rominco, jaꞌ li primero cꞌacꞌal xemanae, icꞌ toꞌox la ibat ta muquenal ti María liquem tal ta Magdalae. Ti cꞌalal icꞌote, iyil ti setetinbil xaꞌox la loqꞌuel li smac stiꞌil chꞌene.

Bible in Tzotzil de Chamula

¹ Yamal to, mu to ta sacub talel ti osil ta sliquebal c'ac'al yu'un ti xemunae, ti María Magdalenae bat ta muquinal, laj sta ta ilel ti loq'uesbil xa ti ton smac ti ti' muquinale.

LEQUIL ACH' C'OP

¹ Sob, ta primero c'ac'al xemanae, ic' to'ox ibat ta muquenal ti María liquem tal ta Magdalae; ti c'alal ic'ote, iyil ti loq'uesbil xa'ox li smac sti'il ch'ene.

Tzotzil San Andres

¹ Sob ta rominco, jaꞌ li sba cꞌacꞌal xemanae, icꞌ to ibat ta smuquenal Jesús li María li liquem talel ta Magdalae. Iyil ti tselelinbil xa loqꞌuel li ton li macbil toꞌox o stiꞌ li chꞌene.

Tzotzil de Huixtán

¹ Ti sba c'ac'al ti semanae, ja' ti domingoe, ic' to ic'ot ti ch'en yo' bu mucul ti Jesuse ti Maríae, ja' ti liquem tal ti Magdalae. Laj yil balch'umbil xa loq'uel ti tone ja' ti smac sti' ti ch'ene.

San Juan 20:1 Iomraidhean Croise

San Mateo 27:56

Te oy noxtoc li María liquem tal ta Magdalae, xchi'uc li yan Mariae, ja' li sme'ic Santiago xchi'uc Josee, xchi'uc li sme'ic xnich'nab Zebedeoe.

San Mateo 27:60

Bat smuc ta smuquinal stuc ta vombil ton. La xbalch'un tal muc'ta ton ta sti' li ch'ene; la smac lec comel, jech ibat.

San Mateo 27:64

Ja' lec alo mantal ti ac'o bat yich' chabibel lec oxibuc c'ac'al li smuquinale, yu'un naca me tal loq'uesbatuc sbec'tal ta ac'ubaltic yu'un li yajchanc'optaque. Xu' jech chlic yalbeic li cristianoetique: ‘Icha'cuxi xa loq'uel ta smuquinal’, xu' xutic. Jech ech'em to xu' chlajic ta lo'lael li cristianoetic jech chac c'u cha'al c'alal cuxul to'oxe —xutic li Pilatoe.

San Mateo 27:66

Jech ibatic, bat smeltsanbeic lec li smuquinale. La spaq'uic lec comel li muc'ta tone; laj yac'beic lec comel senyail. Te laj yac'beic comel xchabiic li soldadoetique.

San Mateo 28:1

C'alal i'ech' xa'ox li sc'ac'alil cuxub-o'ntonale, po'ot xa tsacub ta sba sc'ac'alil xemuna, ibatic ta smuquinal Jesús li María liquem ta Magdalae xchi'uc li yan Mariae.

San Mateo 28:2

Ital tsots niquel, yu'un iyal tal ta vinajel jun yaj'almantal Cajvaltic Dios. Vul xbalch'un loq'uel li muc'ta ton ti macbil o sti' ch'ene, te ichoti ta sba.

Marcos 15:46

Li Josee la sman jun lequil poc'. La syales ta cruz li Jesuse; la xpix ta lequil poc', bat smuc ta vombil ton. La xbalch'un tal jbej muc' ta ton; ja' la smacbe o comel sti' li ch'ene.

Marcos 16:9

[C'alal cha'cuxem xa'ox Jesús ta sob ta sba sc'ac'alil xemunae, ja' ba'yuc laj yac' sba ta ilel ta stojol li María liquem tal ta Magdalae, ja' ti iloq'uesbat vucub pucuj ta yo'ntone.

San Juan 11:38

C'alal ibat ta smuquinal Lázaro li Jesuse, tsots lic yat yo'nton yan velta. Li smuquinal Lazaroe ja' vombil ton. Macbil ta ton li sti'e.

San Juan 11:41

Jech la sloq'uesic li ton ti smacojbeic o sti' smuquinal Lazaroe. Li Jesuse la stoy muyel sat ta toyol, jech laj yal: —Tati, colaval ti chava'ibun jc'ope.

San Juan 19:25

Li sme' Jesuse te nopol va'alic ta yolon cruz xchi'uc li smuque, ja' li María sbi noxtoque, ja' li yajnil Cleofase. Te oy noxtoc li yan María liquem tal ta Magdalae.

San Juan 20:26

C'alal iloc' vaxquib c'ac'ale, te tsobolic yan velta ta na li yajchanc'optac Jesuse. Te xa'ox xchi'uquic li Tomase. Lec macal yu'unic li ti'nae. Ta ora no'ox te ivinaj ta o'lol yut na li Jesuse. Jech laj yal: —Junuc avo'ntonic —xi.

Hechos 20:7

Ta sliquebal xemuna, ja' li domingoe, la jtsob jbacutic xchi'uc jch'unolajeletic sventa ta jvoc'cutic pan. Li Pabloe ichanubtasvan c'alal to ta o'lol ac'ubal, yu'un ta yoc'omal xa ta xbat.

1 Corintios 16:2

Ta jujun domingo, ja' li sba c'ac'al xemunae, voq'uic c'uuc yepal xu' avu'unic jujunoxuc, ja' ti c'u yepal chapasic canale. Te xanaq'uic, yu'un mu ja'uc to chatsobic ta anil ti c'alal chic'ot ta atojolique.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.