San Juan 2:9 - Bible in Tzotzil de Chenalhó with Deuterocanon

⁹ Li boch'o sventainoj q'uine la spas ya'ay li vo' ti ic'ataj ta pasem ya'lel ts'usube, pero mu sna' bu ital. Yan li j'ac've'liletique lec sna'ic ti vo' la slupic loq'uele. Li boch'o sventainoj q'uine laj yic' li boch'o ta xnupine,

Tzotzil Zinacantan

⁹ Ti muchꞌu scuentainoj ti veꞌlile, iyaꞌi ti más to leque, ora istac ta iqꞌuel ti jnupunel creme yuꞌun mu snaꞌ bu ital, yuꞌun voꞌ noꞌox ti ipas ta yaꞌlel uvae. Stuc snaꞌojic ti jcholveꞌliletique ti voꞌ noꞌox ispulic echꞌele.

Bible in Tzotzil de Chamula

⁹ Ti jpas-mantal yu'un ti q'uine, laj spas preva ti vo' ti joybijem xa ta vinoe. Mi ja'uc sna' bu tal. Ja' no'ox sna'ic ti jtuneletic bu laj slupic loq'uele. Jech o xal ti jpas-mantal yu'un ti q'uine, laj yic' talel ti jnupunele,

LEQUIL ACH' C'OP

⁹ Ti much'u scuentainoj li ve'elile, ispas proval li vo' ti c'atajem xa ta ya'lel uvae, pero mu sna' bu ital; ja' no'ox sna'ojic ti much'utic scuentainojic li ya'lel uvae, sna'ojic ti vo' no'ox spulojic loq'uele. Ti much'u scuentainoj li ve'lile, istac ta iq'uel li jnupunel creme

Tzotzil San Andres

⁹ Li buchꞌu yichꞌoj ta venta sqꞌuelel scotol li veꞌlile, cꞌalal laj yaꞌi ti más to leque, mu snaꞌ bu ital yuꞌun batsꞌi joꞌ noꞌox ti ipas ta yaꞌlel tsꞌusube. Stuc noꞌox snaꞌojic li jꞌacꞌveꞌliletic ti batsꞌi joꞌ li cꞌalal la slupic batele. Li buchꞌu yichꞌoj ta venta sqꞌuelel scotol li veꞌlile, laj yicꞌ talel li jnupunel quereme.

Tzotzil de Huixtán

⁹ Ti much'u sventainoj scotol sq'uelel ti ve'elile, c'alal laj ya'i ti más chi' to nixtoc ti ho' yu'un c'atajesbil ti ya'lel sat uvate'e, mu sna' bu talem ti ya'lel sat uvate'e. Stuc no'ox sna'ojic ti mozoetique ti puru ho' ti c'alal laj slupic loq'uele. Hech yu'un ti much'u sventainoj scotol sq'uelele laj yic' talel ti jnupunele.

San Juan 2:9 Iomraidhean Croise

Salmos 119:100

Vu'un xa ep la jna' jech chac c'u cha'al li moletique, yu'un ja' la jch'un li mantaletic avu'une.

San Mateo 27:34

te c'ot yac'beic yuch' pajal ya'lel ts'usub capal ta ch'ail poxil. La spas ya'ay li Jesuse, pero muc sc'an xuch'.

San Mateo 9:15

Itac'ov li Jesuse: —C'alal yorail nupinele, ¿me smelol ta xictaic ixim li yuts' yalaltac malalil ti c'alal te to xchi'uquic li malalile? Ta melel ta ono'ox sta yorail ta xpojbatic loq'uel li malalile, ja' to xu' ta xictaic ixim.

San Juan 2:8

Li Jesuse jech laj yalbe: —Lupic batel, bat ac'beic li boch'o sventainoj q'uine —xut. Jech la slupic batel.

San Juan 4:46

Li Jesuse ibat yan velta ta lum Caná ta Galilea banamil yo' bu la sc'atajes ta pasem ya'lel ts'usub li vo'e. Te ta lum Capernaum oy jun xchi'il ta abtel ajvalil, ip cha'ay xnich'on.

San Juan 7:17

Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.