San Juan 2:3 - Bible in Tzotzil de Chenalhó with Deuterocanon

³ C'alal te oyic ta q'uine, ilaj li ya'lel ts'usub yu'unique. Li Jesuse jech i'albat yu'un li sme'e: —Ilaj li ya'lel ts'usub yu'unique —x'utat.

Tzotzil Zinacantan

³ Ti cꞌalal teyoticotique, ilaj ti yuchꞌbolique, jaꞌ li yaꞌlel uvae. ―Ilaj xa li yuchꞌbolique ―xꞌutat yuꞌun smeꞌ ti Jesuse.

Bible in Tzotzil de Chamula

³ Laj ti vinoe. Jech o xal xi laj yal sme' ti Jesuse: —Mu'yuc xa vino yu'unic.

LEQUIL ACH' C'OP

³ Ti c'alal teyic ta q'uine, ilaj li yuch'bolic ja' li ya'lel uvae, ti Jesuse i'albat yu'un li sme'e: Ilaj xa li yuch'bolique —xut.

Tzotzil San Andres

³ Cꞌalal te oyuncutic ta qꞌuine, ilaj li yuchꞌobique, jaꞌ li yaꞌlel tsꞌusube. Jech iꞌalbat Jesús yuꞌun li smeꞌe: ―Ilaj xa yuꞌunic li yuchꞌobique ―xi li smeꞌ li Jesuse.

Tzotzil de Huixtán

³ C'alal te oyuntutic ti q'uin nupunel, ilaj ti ya'lel sat uvate' yu'unique. Ti sme' ti Jesuse tal yalbe ti yole: ―Ilaj xa ti ya'lel sat uvate' yu'unique ―xchi hulel.

San Juan 2:3 Iomraidhean Croise

Salmos 104:15

Ja' li ve'lil sventa tsta o stsatsalique, xchi'uc li ya'lel ts'usub sventa xcuxet no'ox yo'nton c'alal chuch'ique, xchi'uc li aceite sventa ch-ach'ub o lec sat yelovic yu'une, xchi'uc scotol li ve'liletic ti ch-ac'bat lec stsatsalic oe.

Eclesiastés 10:19

Li ve'el uch' vo'e sc'upinel no'ox; li pasem ya'lel ts'usube ja' no'ox sventa xcuxet yo'nton cristianoetic yu'un. Yan li taq'uine ja' chtun ta sventa scotol.

Isaías 24:11

Oy oq'uel avanel ta xoraltic ta scoj ti mu'yuc xa li ya'lel ts'usube; chlaj sc'oplal o li tse'ej lo'ile; chich' loq'uesel o li' ta banamil li xcuxetel o'ntonale.

San Mateo 26:28

Li'i ja' jch'ich'al sventa chc'ot ta pasel li c'usi chapanbil ono'oxe. Yu'un ta xmal ta sventa ep cristianoetic, jech ep boch'o tsta perdón yu'un smulic.

San Juan 11:3

Li yixlaltac Lazaroe la staquic ta iq'uel li Jesuse, jech laj yalbeic: —Cajval, ip cha'ay li Lazaroe, ja' ti lec ac'anoj aba achi'uque —xutic c'otel.

San Juan 2:2

Li Jesús xchi'uc yajchanc'optaque i'ic'atic ta sq'uelel nupinel ec.

San Juan 2:4

Li Jesuse jech laj yalbe: —Ants, ¿c'u yu'un ti vu'un tal avalbune? yu'un mu'yuc to ta sta sc'ac'alil chcac' ta ilel li jvu'ele —xut.

Filipenses 4:6

Mu me c'usi xlo'ilaj avo'ntonic yu'un. Me oy c'usi sc'an avu'un chava'yique, c'anbeic Dios, vocoletanic ta stojol, xchi'uc tojbeic ta vocol.