San Juan 2:16 - Bible in Tzotzil de Chenalhó with Deuterocanon

¹⁶ Jech laj yalbe li jchonpalomaetique: —Loq'uesic batel scotol li'i. Mu xapasic ta snail ch'ivit li sna Jtote —xut.

Tzotzil Zinacantan

¹⁶ ―Iqꞌuic loqꞌuel lapalomaique. Mu xapasic ta chꞌivit li stiꞌ sna Jtote ―xut ti jchonpalomaetique.

Bible in Tzotzil de Chamula

¹⁶ Xi laj yalbe ti jchon-palomaetique: —¡Loq'uesic batel li'e! ¡Mu xapasic ta jun ch'ivit sna ti Jtote!

LEQUIL ACH' C'OP

¹⁶ Li jchon palomaetique, ja yech iyalbe chac li'i: ¡Loq'uesic scotol li'i! ¡Mu xa pasic ta ch'ivit li sna Jtote! —Xut.

Tzotzil San Andres

¹⁶ Jech laj yalbe li jchonjculajteꞌetique: ―Iqꞌuic loqꞌuel la amutique. Li sna Jtote mu me xapasic ta nail chꞌivit ―xut.

Tzotzil de Huixtán

¹⁶ Hech laj yalbe ti jchonculajteetique: ―Iq'uic loq'uel ti amute. Ti sna ti Jtote mu me xac'atajesic ti plaza ―xut.

San Juan 2:16 Iomraidhean Croise

Jeremías 7:11

¿Me ja' snailch'en j'eleq'uetic chavilic li ch'ulna bu chquich' ich'el ta muq'ue? Lec oy, laj xa quil scotol, vu'un jtuc li Muc'ul Diosune.

San Mateo 21:12

Li Jesuse i'och ta ch'ulna ta Jerusalén. Te lic sloq'ues scotol li boch'otic ta xchonolajic, ta xmanulajic ta ch'ulnae. La sbutq'uinbe xmexaic li jeltaq'uinetique. La sbutq'uinbe xilaic li jchonpalomaetique.

San Mateo 21:13

Jech laj yalbe: —Jech ts'ibabil ta sc'op Dios: ‘Li jnae ja' snail sc'opanubil Dios’, xi li Diose. Pero li vo'oxuque apasojic xa ta snailch'en j'eleq'uetic —xi.

San Mateo 22:5

Pero muc xich'ic ta muc'; ta jujuntal ibat ta yabtelic. Li june bat sq'uel c'usitic sts'unoj. Li yane bat bolomajuc.

Marcos 11:17

Te lic chanubtasvanuc li Jesuse, jech laj yal: —¿Me mu xana'ic ti jech ts'ibabile?: ‘Li jnae ja' snail sc'opanbil Dios yu'un scotol cristianoetic’, xi yaloj li Diose. Pero li vo'oxuque apasojic ta snailch'en j'eleq'uetic —x'utatic yu'un li Jesuse.

San Lucas 2:49

Itac'ov li Jesuse: —¿C'u yu'un laj asa'ilanicun? ¿Me mu xana'ic ti tsc'an li' oyun ta sna li Jtote? —xi.

San Juan 10:29

Yu'un li Jtot ti laj yac'bun ta jc'obe, ja' toj ech'em smuc'ul ta scotol. Mu'yuc boch'o xu' yu'un ta spojbe loq'uel ta sc'ob li Jtote.

San Juan 2:15

Li Jesuse lic sts'ot lec ch'ojon, ja' la sloq'ues o scotol te ta ch'ulna. La sloq'ues c'alal ta chijetic, ta vacaxetic. La sbutq'uinbe xmexaic noxtoc li jeltaq'uinetique; te la stanibe comel li staq'uinique.

San Juan 20:17

Li Jesuse jech laj yalbe: —Mu me solel ech'em xapicun, yu'un mu'yuc to muyemun batel ta stojol li Jtote. Batan, bat albo ya'yic li jchi'iltaque: ‘Ta xibat ta stojol li Jtote; ja' Atotic ec. Ja' li Dios cu'une; ja' Dios avu'unic ec’, uto c'otel —x'utat.

San Juan 5:17

Li Jesuse jech laj yalbe li j'abteletic yu'un judioetique: —Li Jtote ta to x'abtej. Jech ta xi'abtej ec li vu'une —xut.

San Juan 8:49

Itac'ov li Jesuse: —Mu'yuc ochem pucuj ta co'nton. Ja' ta xquich' ta muc' li Jtote. Li vo'oxuque mu xavich'icun ta muc'.

1 Timoteo 6:5

Te tstsaquilan sbaic o ta c'op xchi'uc li boch'o co'ol soquem sjolic xchi'uque, ta scoj ti mu'yuc xch'unojic li sc'op Dios ti ja' melele, ti ja' no'ox oy ta yo'ntonic tsc'an tspasic ta jc'ulej ta sventa li sc'op Dios jch'unojtique.

2 Pedro 2:3

Ta scoj xpich'etel yo'ntonic yu'un taq'uin ti jech ta slo'laoxuc ta sventa sc'opique, ja' yu'un li stojol mulil ti chapal ono'ox chich'ique mu xa jaluc sc'an. Li cha'yel sbatel osile te xa malabilic yu'un.