San Juan 2:15 - Bible in Tzotzil de Chenalhó with Deuterocanon

¹⁵ Li Jesuse lic sts'ot lec ch'ojon, ja' la sloq'ues o scotol te ta ch'ulna. La sloq'ues c'alal ta chijetic, ta vacaxetic. La sbutq'uinbe xmexaic noxtoc li jeltaq'uinetique; te la stanibe comel li staq'uinique.

Tzotzil Zinacantan

¹⁵ Ti Jesuse ixchuquilan chꞌojon coꞌol xchiꞌuc arsial. Jaꞌ isibtas o loqꞌuel scotol ti jchonchijetique xchiꞌuc ti jchonvacaxetique ti tey ta xchonolajic ta tiꞌ mucꞌta temploe. Ti jchoncꞌusiticuque sibtasbil iloqꞌuic echꞌel xchiꞌuc ti xchijique xchiꞌuc ti svacaxique. Ti Jesuse isbutqꞌuinbe smexaic ti jeltaqꞌuinetique, itanij ti staqꞌuinique.

Bible in Tzotzil de Chamula

¹⁵ Ti jech laj yile, ti Jesuse lic smochilan ch'ojon. Laj snutsan loq'uel ti jchonolajeletique xchi'uc ti xvacaxique, ti xchijique. Laj stanibe ta banomil ti staq'uinique. Laj svalc'unanbe xmexaic ti jel-taq'uinetique.

LEQUIL ACH' C'OP

¹⁵ Ti c'alal iyil ti Jesuse, ists'otilan ch'ojon ispas ta yarsial, ja' isibtas o loq'uel scotol li jchon chijetique, xchi'uc li jchon vacaxetic ti tey ch-chonolajic ta ti' temploe. Isbutq'uinbe smexaic li jeltaq'uinetique, istanibe li staq'uinique.

Tzotzil San Andres

¹⁵ Li Jesuse la schapulan chꞌojon sventa stsitsob. Jaꞌ la sibtesan o loqꞌuel scotol li jchonchijetique, schiꞌuc li jchonvacaxetic li te oyic ta yamaqꞌuil li mucꞌta chꞌulnae. Li jchoncꞌusticuque sibtesbilic iloqꞌuic batel schiꞌuc li schijique schiꞌuc li svacaxique. Li Jesuse la svalcꞌunbe smexaic li jeltaqꞌuinetique, itanij yalel li staqꞌuinique.

Tzotzil de Huixtán

¹⁵ Hech yu'un ti lazo laj spas yacial ti Jesuse. Laj snuts loq'uel scotol ti jchoncarneroetique xchi'uc ti jchonvacaxetique ti te oyic ti yamaq'uil ti temploe. Hech nutsbilic iloq'uic batel xchi'uc scarneroic xchi'uc xvacaxic. Ti Jesuse laj sbut'q'uimbe smesaic ti jeltaq'uinetique hech ibusq'uij batel ti staq'uinic ti jeltaq'uinetique.

San Juan 2:15 Iomraidhean Croise

Zacarías 4:6

Ja' yu'un te lic yalbun: “Li Muc'ul Diose ja' jech chalbe li Zorobabele: ‘Muc ta sventauc soldadoetic, muc ta stsatsaluc cristiano; ja' no'ox ta sventa jvu'el jtuc’, xi li Muc'ul Dios ti tspas ta mantal scotol te ta vinajele.

San Mateo 21:12

Li Jesuse i'och ta ch'ulna ta Jerusalén. Te lic sloq'ues scotol li boch'otic ta xchonolajic, ta xmanulajic ta ch'ulnae. La sbutq'uinbe xmexaic li jeltaq'uinetique. La sbutq'uinbe xilaic li jchonpalomaetique.

San Juan 18:6

C'alal laj yal Jesús ti “Vu'un” xie, ta nacalchac ibatic; te iyalic ta lum.

San Juan 2:14

Te oyic ta ch'ulna c'ot sta jchonvacaxetic, jchonchijetic, xchi'uc jchonpalomaetic. Te chotajtic noxtoc jeltaq'uinetic.

San Juan 2:16

Jech laj yalbe li jchonpalomaetique: —Loq'uesic batel scotol li'i. Mu xapasic ta snail ch'ivit li sna Jtote —xut.

Hechos 27:32

C'alal laj ya'yic li soldadoetique, la xtuch'beic yaq'uil li biq'uit canovae, jech te icom o ta nab.

2 Corintios 10:4

Li cabtejebcutic sventa ta jpascutic o c'ope ma'uc sventa cristiano; ja' ta sventa svu'el li Diose. Yu'un jech xu' ta jlilincutic, ta jlajesbecutic sc'oplal sbijilic, srazonic li boch'otic bij scuyoj sbaique.