San Juan 2:11 - Bible in Tzotzil de Chenalhó with Deuterocanon

¹¹ Le'e ja' sba sq'uelubil stsatsal laj yac' ta ilel Jesús ti c'alal te oy ta Caná ta Galilea banamile. Jech ivinaj o slequilal yutsilal. Jech i'ayin lec xch'unojel yo'ntonic ta stojol li yajchanc'optaque.

Tzotzil Zinacantan

¹¹ Jaꞌ yech ispas tey ta Caná ta estado Galilea ti Jesuse. Jaꞌ sliqueb iyacꞌ iluc slequilal syuꞌelal ti Jesuse. Voꞌoticotic ti yajchancꞌopoticotique ijchꞌunticotic ti jaꞌ Xchꞌamal ti Rioxe.

Bible in Tzotzil de Chamula

¹¹ Ja' sliquebal to ti va'i s'elan laj spas ti Jesús ta jteclum Caná ti oy ta Galileae, ti laj yac' iluc senyail ti oy c'usi ch'ayal c'ot o'ntonal yu'un ta sventa ti slequil yutsilale, ti ich'bil ta muc' ic'ot yu'un ti yajchanc'optaque.

LEQUIL ACH' C'OP

¹¹ Ti c'usi ispas Jesús ta jteclum caná ta Galileae, ja' sliqueb tey iyac' iluc ti slequilal syu'elale; li yajchanc'optaque, ixch'unic ti ja' ti Cajvaltique.

Tzotzil San Andres

¹¹ Jaꞌ jech icꞌot ta pasel te ta jteclum Caná li te ta Galilea balumile. Jaꞌ sba to velta laj yacꞌ ta ilel stsatsal sjuꞌel li Jesuse. Joꞌoncutic li yajchanbalajeltacuncutique la jchꞌuncutic ti jaꞌ Snichꞌon li Diose.

Tzotzil de Huixtán

¹¹ Hech ic'ot ti pasel ti jteclum Caná te ti estado Galilea. Ja' sba vuelta laj yac' svinajeb ti jelaven sp'ijil ti Jesuse. Hech yu'un ti ho'ontutic ti yajchanc'opuntutique laj jch'untutic ti ja' ti Snich'on ti Diose.

San Juan 2:11 Iomraidhean Croise

1 Reyes 17:24

Li me'on antse jech laj yalbe li Eliase: —Li' ta orae laj xa jna' ti vo'ot yaj'alc'opot Dios ta melele, xchi'uc ti ja' chaval c'usi melel yaloj stuc li Muc'ul Diose —xut.

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Salmos 96:3

Puquic ta scotol lumetic li slequilale; albeic scotol cristianoetic li muc'tic sq'uelubiltac spasoje.

Éxodo 14:31

C'alal laj yilic israeletic c'u x'elan svu'el stsatsal Muc'ul Dios la spas ta stojol egiptoetique, laj yich'ic ta muc'. La xch'unic o ti ja' chcoltaatic yu'une, xchi'uc laj yich'beic ta muc' li yajtunele, ja' li Moisese.

Éxodo 4:9

Pero me mu xch'unic, me mu xich'ic o ta muc' c'alal chapas li chib sq'uelubile, bat lupo tal vo' ta uc'um. Malo ta banamil. C'alal chamal ta banamil li vo' ti chalup tal ta uc'ume, ta xc'ataj ta ch'ich' —xi.

Eclesiastés 9:7

Batan me, cuxetuc no'ox avo'nton bat ve'an avot, bat uch'an ya'lel ats'usub, yu'un lec chil Dios li avabtele.

Isaías 40:5

Jech chlic yac' ta ilel slequilal yutsilal li Muc'ul Diose; scotol cristianoetic ta xilic, yu'un jech laj yal stuc li Muc'ul Diose”, xi li boch'o ch-avane.

Malaquías 2:2

Me mu xach'unique, me mu'yuc tsots sc'oplal chava'yic ti tsc'an ich'bil o ta muc' li jbie, j'ech'el chopol chacomic o. Li alequilal ataojique ta jc'atajes ta chopol ta scoj ti mu xanopic leque.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

San Juan 1:43

Ta yoc'omal la snop Jesús ti chbat ta Galilea banamile. C'alal mu'yuc to'ox chbate, te la sta li Felipee, jech laj yalbe: —Ts'aclinun batel —xut.

San Juan 1:50

Li Jesuse jech laj yalbe: —Ta sventa ti laj ach'un c'alal laj calbot ti laj cotquinot te oyot ta yolon higoe, jech ech'em to smuc'tiquil c'usi ta xlic avil batel —xut.

San Juan 10:41

Ep boch'otic te ic'otic ta stojol li Jesuse. Jech laj yalic: —Li Juane mu'yuc bu la spas sq'uelubil stsatsal Dios, pero li c'usitic laj yal ta sventa li jchi'iltic li'i ja' melel scotol —xiic.

San Juan 11:15

Xcuxet no'ox co'nton ta aventaic ti mu'yuc te oyun c'alal ichame, yu'un jech ac'o ach'unicun. Batic, bat jq'ueltic —xi.

San Juan 11:47

Ja' yu'un li banquilal paleetique xchi'uc li fariseoetique la stsobic tal scotol li j'abteletic ta ch'ulnae. Jech laj yalbeic: —¿C'usi me ta jpastic? Yu'un li vinique ep sq'uelubil ta xac' ta ilel ti xu' yu'une.

San Juan 12:18

Jech ep boch'otic ibat snupic tal ta be ta sventa ti laj ya'yic la spas tsots sq'uelubile.

San Juan 12:37

Ac'o me ep sq'uelubil stsatsal la spas li Jesuse, pero muc ono'ox xch'unic ti ja' Jcoltavaneje.

San Juan 12:41

C'alal jech laj yal li Isaiase, ja'o ti c'alal laj yilbe slequilal yutsilale, ja' yu'un jech laj yalbe sc'oplal.

San Juan 14:13

Scotol c'usiuc chac'anbeic ta jbi li Totile, vu'un ta xcac'boxuc, yu'un jech ich'bil ta muc' ac'o c'otuc ta jventa li Totile.

San Juan 16:27

Yu'un li Jtotic Diose lec sc'anojoxuc, yu'un lec ac'anojicun ec, xchi'uc laj ach'unic ti te liquemun tal ta stojole.

San Juan 16:30

Laj xa jna'cutic ti oy ta aba ta asat scotole. Muc persauc oy boch'o chayalbot. Jech la jch'uncutic o ti te liquemot tal ta stojol li Diose —xutic.

San Juan 2:1

Ta yoxibal c'ac'al, la spasic q'uin nupinel ta lum Caná te ta Galilea banamil. Te oy ec li sme' Jesuse.

San Juan 2:23

C'alal te oy ta Jerusalén ta yorail q'uin Coltael li Jesuse, ep boch'otic la xch'unic, laj yich'ic ta muc', yu'un laj yilic ti ep sq'uelubil stsatsal la spase.

San Juan 3:2

Li Nicodemoe i'ay sc'opan ta ac'ubaltic li Jesuse, jech laj yalbe: —Jchanubtasvanej, ta jna'cutic ti ta sventa Dios talemot, yu'un tal achanubtasuncutique. Yu'un li boch'o mu'yuc chi'inbil yu'un Diose, mu xu' yu'un tspas sq'uelubiltac stsatsal jech chac c'u cha'al chapase —xut.

San Juan 4:3

Ja' yu'un li Jesuse iloc' batel ta Judea; ibat yan velta ta Galilea banamil.

San Juan 4:46

Li Jesuse ibat yan velta ta lum Caná ta Galilea banamil yo' bu la sc'atajes ta pasem ya'lel ts'usub li vo'e. Te ta lum Capernaum oy jun xchi'il ta abtel ajvalil, ip cha'ay xnich'on.

San Juan 4:54

Le'e ja' xchibal velta laj yac' ta ilel sq'uelubil stsatsal Jesús ti c'alal iloc' tal ta Judea, ital ta Galilea banamile.

San Juan 5:23

Yu'un jech ac'o ich'atcun ta muc', jech chac c'u cha'al ich'bil ta muc' li Jtote. Li boch'otic mu xiyich'icun ta muc' vu'un li xnich'onune ja' mu xich'ic o ta muc' li Jtot ti la stacun tale.

San Juan 6:14

C'alal laj yilic sq'uelubil stsatsal Jesús li cristianoetique, jech laj yalbe sbaic: —Ta melel ja' li j'alc'op ti sc'oplal ono'ox chtal li' ta banamile —xut sbaic.

San Juan 6:2

Bats'i ep cristianoetic la sts'aclin batel li Jesuse, yu'un laj yilic ti ep sq'uelubil stsatsal la spas ta stojol jchameletique.

San Juan 6:26

Itac'ov li Jesuse: —Jamal chacalboxuc ava'yic. Ti tal asa'icune, ma'uc ta sventa yu'un ic'ot ta avo'ntonic li sq'uelubil jtsatsal la jpase. Ja' no'ox ta sventa yu'un lec ta ve'el ava'yic li pane, xchi'uc ti lec inoj ach'utic oe.

San Juan 6:30

Jech la sjaq'uic yan velta: —¿C'usi sq'uelubil chavac'bun quilcutic ti ta melel tacbilot tal yu'un Diose, yu'un jech xu' ta jch'uncutic? ¿C'usi abtelal chavac'bun quilcutic?

San Juan 7:31

Oy ono'ox ep cristianoetic la xch'unic li Jesuse, jech laj yalic: —C'alal ta xtal li Cristoe, ¿me yu'un ech'em to jech ta spas sq'uelubil stsatsal jech chac c'u cha'al ta spas li'i? —xiic.

San Juan 9:16

Oy jayibuc fariseoetic jech laj yalic: —Muc tacbiluc tal yu'un Dios li vinic chavale, yu'un mu xchabi sc'ac'alil ta jcux co'ntontic —xutic. Oy yantic jech laj yalic: —Pero ¿c'u x'elan xu' yu'un ta spas sq'uelubil stsatsal Dios li jun jpasmulile? —xiic. Jech cha'oxvoc' ic'otic li fariseoetique.

2 Corintios 3:18

Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.

2 Corintios 4:17

Yu'un li vocol li' chquich'cutic ti jliquel no'oxe ja' chich' tal li jlequilalcutic ti mu'yuc slajebe, ti toj ech'em yutsile.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

Deuteronomio 5:24

Jech laj avalbicun: ‘Ta melel, li Muc'ul Dios cu'untique laj xa yac'butic quiltic c'u x'elan li slequilale xchi'uc li svu'ele. Laj xa ca'ibetic li sc'op ti iloc' tal ta o'lol yat c'oq'ue. Laj xa jna'tic ti xu' chc'opanat yu'un Muc'ul Dios li cristianoe pero mu'yuc ta xcham.

1 Juan 5:13

Vo'oxuc ti ach'unojic xa li Xnich'on Diose, la jts'ibaboxuc tal li'i, yu'un jech ac'o ana'ic ti oy xa acuxlejalic sventa sbatel osile.