San Juan 19:6 - Bible in Tzotzil de Chenalhó with Deuterocanon

⁶ C'alal laj yilic Jesús li banquilal paleetique xchi'uc li boch'otic ta xchabiic ch'ulnae, tsots i'avanic, jech laj yalic: —¡Joc'ano ta cruz! ¡Joc'ano ta cruz! —xutic. Itac'ov li Pilatoe: —Iq'uic batel li vo'oxuque; bat joc'anic ta cruz. Yu'un li vu'une mu'yuc la jtabe smul —xi.

Tzotzil Zinacantan

⁶ Cꞌalal iyilic ti totil paleetique xchiꞌuc ti jchabiejtemploe, xꞌavlajetic xa tajmec: ―¡Chamuc ta cruz! ¡Chamuc ta cruz! ―xiic. ―Ba milic ta cruz voꞌoxuc cheꞌe. Li voꞌone chꞌabal smul chcaꞌi ―xꞌutatic yuꞌun ti Pilatoe.

Bible in Tzotzil de Chamula

⁶ Xi avanic ti banquilal paleetique xchi'uc ti mayoletic ti c'alal laj yilique: —¡Jipano ta curus! ¡Jipano ta curus! Xi laj yal ti Pilatoe: —Ba jipanic ta curus ti vo'oxuque, yu'un mu jtabe jutebuc smul ti vinic li'e.

LEQUIL ACH' C'OP

⁶ C'alal iyilic ti totil paleetique xchi'uc ti jchabiejtemploetique, x'avlajetic xa liquel: ―¡Joc'ano ta cruz! ¡Joc'ano ta cruz! ―Xiic. Xi i'albatic yu'un ti Pilatoe: ―Iq'uic ech'el, ba milic ta cruz vo'oxuc che'e, li vo'one ch'abal smul chca'i ―x'utatic.

Tzotzil San Andres

⁶ Cꞌalal iyilic Jesús li banquilal paleetique schiꞌuc li yajmayoltaquique, toj tsots la stacꞌbeic li Pilatoe: ―¡Jocꞌano ta cruz! ¡Jocꞌano ta cruz! ―xutic tajmec. Itacꞌav li Pilatoe: ―Iqꞌuic batel li joꞌoxuque, ba jocꞌanic ta cruz. Yuꞌun muc bu jtabe smul maꞌ joꞌone ―xi.

Tzotzil de Huixtán

⁶ C'alal laj yilic ti Jesuse ti totil paleetique xchi'uc ti mayoletique tsots lic yavtaic ti Pilatoe: ―¡Milo ti cruz, milo ti cruz! ―xchiic. Hech itac'av ti Pilatoe: ―Iq'uic batel, milic ti cruz ho'oxuque. Ho'oni mu jtabe smul ―xchi.

San Juan 19:6 Iomraidhean Croise

San Mateo 26:58

Li Pedroe ta nomnomtic ibat ta spat Jesús c'alal to ic'ot ta yamac' li mero banquilal palee. Te i'och batel; te la xchi'in ta chotlej yajmayoltac li mero banquilal palee yu'un tsc'an ta sq'uel c'usi chc'ot ta pasel.

San Mateo 27:22

Jech la sjac' noxtoc li Pilatoe: —¿C'usi chac'anic ta jpasbe li Jesús ti Cristo sbie? —xi. Itac'ov scotolic: —¡Ac'o joc'anatuc ta cruz! —xiic.

San Mateo 27:24

C'alal laj yil Pilato ti mu'yuc c'usi xu' tspase, xchi'uc ti yo'to ech'em chliquic ta vochlajetel li cristianoetique, jech la stsac vo'; la spoc sc'ob ta stojol scotolic, jech laj yal: —Muc vu'cun ta jmul me ta xmal xch'ich'al li vinic li'i; vo'oxuc ta amulic —xi.

San Lucas 23:4

Li Pilatoe jech lic yalbe li banquilal paleetique xchi'uc li epal cristianoetique: —Me jutuc mu'yuc la jtabe smul li vinic li'i —xut.

San Juan 18:3

Ja' yu'un li Judase laj yic' batel soldadoetic xchi'uc mayoletic yu'unic li banquilal paleetique xchi'uc li fariseoetique. Yich'anojic batel stojic xchi'uc slamparaic xchi'uc yespadaic.

San Juan 18:31

Li Pilatoe jech laj yal: —Iq'uic batel, bat chapanic jech chac c'u cha'al chal li mantaletic avu'unique —xut. Li j'abteletic yu'un judioetique jech laj yalbeic li Pilatoe: —Li vu'uncutique mu'yuc quich'ojcutic mantal ti xu' chimilvancutique —xutic.

San Juan 18:38

Li Pilatoe jech laj yalbe li Jesuse: —¿C'usi ti melele? —xut. C'alal laj yal jeche, iloc' batel yo' bu tsobol li judioetique, jech laj yalbe: —Li vu'une me jutuc mu'yuc la jtabe smul li vinique —xut.

San Juan 19:15

Tsots i'avanic yan velta: —¡Ac'o chamuc, ac'o chamuc, ac'o joc'anatuc ta cruz! —xiic. Li Pilatoe jech la sjac': —¿Me chcac' ta joc'anel ta cruz li Ajvalil avu'unique? —xut. Itac'ov li banquilal paleetique: —Mu'yuc yan ajvalil cu'uncutic; ja' no'ox li Cesare —xiic.

San Juan 19:4

Li Pilatoe iloc' tal yan velta, jech laj yal: —A'yo ava'yic, li' chquic' loq'uel tal ta atojolic yu'un jech chana'ic o ti me jutuc mu'yuc la jtabe smule —xi.

Hechos 2:23

Pero i'ac'at ta c'abal jech chac c'u cha'al chapanbil, nopbil ono'ox yu'un Diose. Vo'oxuc laj atsaquic, laj avaq'uic ta joc'anel ta cruz; laj avaq'uic ta milel ta sc'ob li boch'otic mu'yuc yich'ojic ta muc' Diose.

Hechos 7:52

¿Me oy j'alc'opetic mu'yuc la scontrainic li amoltotic ta vo'onee? La smilic scotol li boch'otic laj yalic ti ta to xtal li Boch'o tuc' yo'ntone. Ja' ti laj avaq'uic ta c'abal, ti laj amilic ec li vo'oxuque.