San Juan 19:40 - Bible in Tzotzil de Chenalhó with Deuterocanon

⁴⁰ Jech laj yich'beic batel li sbec'tale; la xpixic lec ta saquil manta. Te capal la xpixic li muil poxiletique, yu'un ja' jech stalel ta smuc sbaic li judioetique.

Tzotzil Zinacantan

⁴⁰ Iscꞌamulanic ta saquil pocꞌ ti ánima Jesuse. Tey capal iscꞌamic ti mirrae xchiꞌuc ti aloee, jaꞌ yoꞌ mu xtuib oe. Yuꞌun jaꞌ yech jtalelticotic ti cꞌalal ta jmuc jbaticotic voꞌoticotic li juriooticotique.

Bible in Tzotzil de Chamula

⁴⁰ Ti Josee xchi'uc ti Nicodemoe laj spoyic batel sbec'tal ti Jesuse, xchi'uc laj slilinic ta sba manta ti muil momoletique. Laj xpixic ta manta sbec'tal ti Jesuse jech c'u cha'al stalelic ta smuc sbaic ti israeletique.

LEQUIL ACH' C'OP

⁴⁰ Ti Josee xchi'uc ti Nicodemoe iyic'beic ech'el sbec'tal stacupal ti Jesuse, isc'amulanic ta saquil poc', tey capal isc'amic ti mirrae xchi'uc ti aloee, yu'un ja' yech stalelic ti c'alal tsmuc sbaic li jurioetique.

Tzotzil San Andres

⁴⁰ La spixic lec ta saquil pocꞌ li Jesuse. Te capal la spixic comel li chaꞌchop muil vomoletique ti yoꞌ mu xtuib oe. Yuꞌun jech onoꞌox jtalelcutic li cꞌalal ta jmuc jbacutic, joꞌoncutic li jꞌisraeluncutique.

Tzotzil de Huixtán

⁴⁰ Laj yich'beic batel ti stacopal ti Jesuse. Laj sbech'ic batel ti saquil poc'. Te laj stic'beic batel uc ti mirrae xchi'uc ti aloetique yu'un hech mu xvinaj yic'. Ja' jtaleltutic ti jmuc jbatutic, ho'ontutic ti judiountutique.

San Juan 19:40 Iomraidhean Croise

Génesis 50:2

Jech lic yalbe mantal li jpoxtavanejetic te ch-abtejic yu'une, yu'un ac'o xpoxtabeic sbec'tal li anima stote, yu'un jech mu xc'a'.

2 Crónicas 16:14

Te bat yich' muquel ta smuquinal ti yac'oj xa'ox ta pasel te ta Lum yu'un Davide. La stiq'uic batel ta cajón, noj ta perfumeetic xchi'uc ta c'usitic yantic lec muic yic', bats'i lec chapanbil. Ts'acal lic spasic muc'ta c'oc' sventa chich'ic ta muc'.

San Mateo 26:12

Ti jech la smalbun muil poxil li antse ja' sventa ti ta to xquich' muquele.

Marcos 14:8

Li antse laj xa spas li c'usi xu' yu'une; cac xa la smuibtasbun jbec'tal sventa ta xquich' muquel.

San Lucas 24:12

Yan li Pedroe ilic, ibat ta anil ta smuquinal li Jesuse. La scujan sba, la xnach'ta ochel li yut ch'ene. Laj yil ti ja' xa no'ox te oy li saquil poq'ue. Jech isut batel; ep ilo'ilaj yo'nton ta sventa li c'usi ic'ot ta pasele.

San Juan 11:44

Li animae iloc' tal. Lec ts'otbil ta poc'. Li sjole pixbil ta panyo. Li Jesuse jech laj yal: —Titunic, ac'o batuc —xut.

San Juan 12:7

Li Jesuse jech laj yalbe li Judase: —Mu xavuts'inta li antse, yu'un li muil poxil snac'ojbune ja' sventa ti c'alal ta xquich' muquele.

Hechos 5:6

Iliquic jayibuc queremetic. La xpixbeic sbec'tal; la xcuchic loq'uel, bat smuquic.