San Juan 19:30 - Bible in Tzotzil de Chenalhó with Deuterocanon

³⁰ C'alal la sts'uts' ya'lel ts'usub li Jesuse, jech laj yal: —Ivu' xa cu'un scotol —xi. La snijan sba, jech iloc' o xch'ulel.

Tzotzil Zinacantan

³⁰ Cꞌalal istsꞌutsꞌ ti Jesuse ―Itoj xa cuꞌun smul scotol li crixchanoetique ―xi. Isnijan sba, jaꞌo ilocꞌ xchꞌulel.

Bible in Tzotzil de Chamula

³⁰ Xi laj yal Jesús ti c'alal laj yuch' ti ch'ail poxe: —Cuch xa cu'un scotol. Nijbuj yalel, cham.

LEQUIL ACH' C'OP

³⁰ Ti c'alal ists'uts' binagre ti Jesuse ja' o yech iyal chac li'i: —Ic'ot xa ta pasel scotol. ―Xi. Ja' o isnijan sba, iloc' xch'ulel.

Tzotzil San Andres

³⁰ Cꞌalal la stsꞌuꞌ li pajal yaꞌlel tsꞌusub li Jesuse, jech laj yal: ―Ijuꞌ xa cuꞌun li cabtele ―xi. La stsꞌuyan yalel li sjole, jaꞌ o ilocꞌ schꞌulel.

Tzotzil de Huixtán

³⁰ Ti Jesuse laj sts'uts'un ti vinagree. Hech laj yal: ―Ihu' xa cu'un ―xchi. Laj snijan sba. Hech iloc' ti xch'ulele.

San Juan 19:30 Iomraidhean Croise

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Salmos 22:15

Li jtsatsale itaquij xa jech chac c'u cha'al ti'bin; li coq'ue la spac' xa sba ta jpac'o. Ta xa xicham avu'un chca'ay.

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Isaías 53:12

Ja' yu'un li Diose ta xac' ich'atuc lec ta muc' jech chac c'u cha'al li boch'o tspas canal ta pleitoe, ti oy c'usi ep tspojbe li boch'otic tsots svu'elique. Yu'un laj yac' ta milel sbec'tal; laj yich' co'oltsanel jech chac c'u cha'al jpasmuliletic. Jech ep boch'otic la xcuchbe smulic, xchi'uc ja' chc'opoj ta stojol Dios ta sventa li jpasmuliletique.

Daniel 9:24

‘Ja' lajuneb xchanvinic (70) xemuna chapanbil ti jech chc'ot ta pasel ta stojol li achi'iltaque xchi'uc li ach'ul lumale, yu'un jech chich' lajesbel sc'oplal o li c'usi chopole xchi'uc li muliletic chich' pasele. Jech ch'aybil chcom o li c'usitic mu'yuc lec pasbile; ja' chlic yich' pasel o li c'usitic tuc' ti mu'yuc slajebale. Jech chc'ot o ta pasel li c'usi laj avil ta ach'ulele xchi'uc li c'usitic laj ava'ibe sc'oplale; jech ts'u'iltasbil chcom o yan velta li ch'ulnae.

Daniel 9:26

C'alal me i'ech' xa'ox li chib xchanvinic (62) xemunae, ta xlic smilic li Boch'o t'ujbil yu'un Diose. Li Jerusalén xchi'uc ch'ulnae ta xtal sjines jun ajvalil xchi'uc svinictac. Li slajebale ja' jech chc'ot ta pasel jech chac c'u cha'al pulel ta vo'; li milel chamesele mu xlaj sc'oplal o. Jech tspasic o batel c'alal to ta slajebal, jech chac c'u cha'al chapanbil sc'oplale.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Mateo 27:50

Li Jesuse tsots i'avan yan velta, jech iloc' xch'ulel.

San Mateo 3:15

Itac'ov li Jesuse: —Ja' lec ac'bun quich' vo', yu'un tsc'an ac'o jpastic scotol c'usi tsc'an li Diose —xi. Jech te laj yac'be yich' vo' li Jesuse.

Marcos 15:37

Pero li Jesuse tsots i'avan yan velta, jech iloc' o xch'ulel.

San Lucas 22:37

Yu'un ta xa xc'ot ta pasel li jc'oplal ts'ibabil jech chac li'i: ‘Ta xcuyat jech chac c'u cha'al jpasmuliletic’, xi ts'ibabil. Li jc'oplal ts'ibabile ta xa jtabe slajeb —xi li Jesuse.

San Lucas 23:46

Li Jesuse tsots i'avan, jech laj yal: —Tati, chcac' ta ac'ob li jch'ulele —xi. C'alal laj yal jeche, iloc' xch'ulel.

San Juan 10:11

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

San Juan 10:18

Mu'yuc boch'o xu' yu'un chismilun. Slequil co'nton jtuc ta xcac' jba ta milel. Xu' cu'un ta xcac' jba ta milel. Xu' cu'un chicha'cuxi noxtoc, yu'un ja' jech smantal li Jtote —xi.

San Juan 17:4

“Li vu'une laj xa cac'ot ta ich'el ta muc' li' ta banamil, yu'un laj xa jpas li cabtel laj avac'bun jpase.

San Juan 19:28

C'alal jech ic'ot ta pasele, li Jesuse la sna' ti chvu' xa yu'un scotole, ti chc'ot xa ta pasel scotol li sc'oplal ts'ibabil comele, jech laj yal: —Taquin co'nton chca'ay —xi.

San Juan 4:34

Li Jesuse jech laj yal: —Li jve'ele ja' ti ta jpasbe c'usi tsc'an li Boch'o la stacun tale, xchi'uc ti ac'o jvu'esbe li yabtele.

Romanos 10:4

Yu'un li sts'aquieb mantaletique ja' stuc li Cristoe; ja' ta sventa tuc' yo'nton ch-ilatic yu'un Dios li boch'otic ta xch'unique.

Romanos 3:25

Yu'un li Diose ja' laj yac'be smal xch'ich'al li Jesucristoe, jech ic'ot ta jch'aymulil ta sventa li boch'otic ta xch'unique. Jech ivinaj ti tuc' yo'nton li Diose, yu'un te la sts'icbe smul li cristianoetic ta poco' vo'onee,

1 Corintios 5:7

Ja' lec loq'uesic li poco' svolesubil xch'ut pan te oy ta atojolique, yu'un jech ac'o c'otanic jech chac c'u cha'al ach' pan pasbil ta ach' arina ti mu'yuc xa yich'oj svolesubile. Yu'un li Chij chtun cu'untic ta sventa q'uin Coltaele ja' li Cristoe, yu'un ja' laj yac' sba ta milel ta jventatic.

Filipenses 2:8

Pero c'alal laj yich' sbec'tal jech chac c'u cha'al cristianoe, ech'em to la sbic'tajes sba. La xch'un mantal, la xch'un milel noxtoc. La xch'un li milel ta cruz ti toj q'uexlal sbae.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

Hebreos 9:22

Ta xal ta mantaletic ti jutuc mu scotoluc chlecub ta sventa ch'ich'e. Ta xal noxtoc ti manchuc persa chich' malel ch'ich'e, mu'yuc perdón yu'un mulil ti jechuque.