San Juan 19:11 - Bible in Tzotzil de Chenalhó with Deuterocanon

¹¹ Itac'ov li Jesuse: —Ti manchuc ac'bilot tal avabtel ta toyole, mu'yuc c'usi xu' avu'un chapasbun ti jechuque. Ja' yu'un li boch'o laj yaq'uicun ta ac'obe ja' toj ech'em smulic —xut.

Tzotzil Zinacantan

¹¹ ―Mu cꞌu xuꞌ xachaꞌleon; jaꞌ noꞌox ti cꞌusi chacꞌ apas ti Riox ta vinajele yuꞌun jaꞌ layacꞌbe lavabtele. Li voꞌote jutuc amul. Jaꞌ más tsots smul li totil palee ti liyicꞌ tale ―xi ti Jesuse.

Bible in Tzotzil de Chamula

¹¹ Xi laj stac' ti Jesuse: —Mu'yuc c'usi xu' avu'un ta jtojol ti manchuc laj yac'bot avabtel ti Diose. Ja'uc ti buch'u tal yac'un ta avoc ac'obe, ech'em smulic, ja' mu sta ti vo'ote.

LEQUIL ACH' C'OP

¹¹ Itac'av ti Jesuse: —Mu c'u xu' xacha'leon ti manchuc yac'ojbot permiso ti Rioxe; yech'o un, li much'u li yac' entrucal ta atojole, ja' más tsots smul chac c'ucha'al li vo'ote ―x'utat.

Tzotzil San Andres

¹¹ Itacꞌav li Jesuse: ―Mu cꞌusi xuꞌ chapasbun, jaꞌ noꞌox li cꞌusi chacꞌ apas li Dios ta vinajele yuꞌun jaꞌ yacꞌojbot avabtel. Li joꞌote mu másuc amul. Jaꞌ más ep smul li banquilal pale ti laj yacꞌun ta acꞌobe ―xut.

Tzotzil de Huixtán

¹¹ Hech itac'av ti Jesuse: ―Ti manchuc yac'ojbot avabtel ti Diose ti te oy ti vinajele, mu'yuc avabtel ti jtojol. Hech yu'un ja' más tsots smulic ti totiletic ti laj yac'ucun ti ac'obe ―xchi.

San Juan 19:11 Iomraidhean Croise

1 Crónicas 29:11

Vo'ot no'ox atuc oy ta aventa ich'el ta muc'; albel alequilal. Vo'ot no'ox oy atsatsal, oy avu'el; aventainoj scotol. Yu'un ja' avu'un scotol li c'usitic oy ta vinajel xchi'uc ta banamile. Vo'ot chapas ta mantal scotol, yu'un vo'ot no'ox banquilalot atuc.

Salmos 39:9

“Vu'une la jmac que, mu'yuc c'usi laj cal; vo'ot no'ox atuc laj apas scotol.

Salmos 62:11

Oy ic'opoj jun velta li Diose; chib velta laj ca'ay laj yal ti ja' no'ox stuc oy svu'ele,

Lamentaciones 3:37

¿Boch'o xu' yu'un oy c'usi chac' c'otuc ta pasel me mu'yuc chal mantal stuc li Diose?

Daniel 4:17

Ja' jech stojol mulil chalic li jq'uelvanej j'almantaletique. Ja' jech iloc' ta yeic li ch'ul j'almantaletique, yu'un jech ac'o sna'ic scotol cristianoetic ti ja' sventainojbe yabtel scotol ajvaliletic li Boch'o te oy ta vinajele. Ja' chac'be yabtel li boch'o tsc'an chac'bee; xu' yu'un chac'be tsots yabtel li boch'o biq'uit ch-ilat yu'un cristianoetique’, xi li boch'o iyal tal ta vinajele.

Daniel 4:25

Chavich' loq'uesel batel ta stojol li cristianoetique; ja' chbat achi'in ta naclej li chonbolometique. Ts'i'lal chlic alo' jech chac c'u cha'al vacaxetic, xchi'uc te cha'ach' o ta job osil. Vucub jabil te chacom, ja' to me laj avil ja' sventainojbe yabtel ajvaliletic li Boch'o te oy ta vinajele, xchi'uc ti ja' chac'be yabtel li boch'o tsc'an chac'bee.

Daniel 4:32

Chavich' jipel loq'uel ta stojol li cristianoetique; ja' chbat achi'in ta naclej li chonbolometique. Ts'i'lal chlic alo' jech chac c'u cha'al vacaxetic. Vucub jabil te chacom o, ja' to me laj avil ti ja' sventainojbe yabtel ajvaliletic li Boch'o te oy ta vinajele, xchi'uc ti ja' chac'be yabtel li boch'o tsc'an chac'bee”, xi.

Daniel 4:35

Scotol li jnaclumetic li' ta banamile mu'yuc c'usi xu' yu'un ch-ilatic. Li stuque ta spas c'usi tsc'an ta stojol li boch'otic te oy ta vinajele xchi'uc li jnaclumetic li' ta banamile. Mu'yuc boch'o xu' yu'un tspajes; mu'yuc boch'o xu' yu'un jech chalbe: ¿C'u yu'un jech chapas? mu'yuc boch'o xu' xut.’

Daniel 5:21

Laj yich' nutsel loq'uel ta stojol li cristianoetique; ja' laj yich'be sjol yo'nton chonbolometic. Ja' xchi'il ta naclej ic'ot li te'tical buroetique; ts'i'laletic lic slo' jech chac c'u cha'al vacaxetic, te i'ach' o ta job osil. Ja' to ti c'alal laj yotquin ti ja' sventainojbe yabtel ajvaliletic li Dios te oy ta vinajele, xchi'uc ti ja' stuc chac'be yabtel li boch'o tsc'an yo'nton chac'bee.

San Mateo 26:65

Li banquilal palee la sli' sc'u', jech laj yal: —¡Ichopolc'opoj xa ta stojol li Diose! ¿C'u yu'un ta jc'antic yan testigo? Laj xa ava'yic ti chopol ic'opoj ta stojol Diose.

San Mateo 27:2

C'alal la xchuquique, laj yiq'uic batel ta stojol li ajvalil Pilatoe.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

Marcos 14:44

Li j'ac'vanej ta c'abale yaloj xa'ox c'u x'elan ta xac' ta ilel li Jesuse. “Boch'o ta jts'uts'e ja' svinajeb ti ja' xae. Tsaquic, lec xachabiic batel”, xut ono'ox.

San Lucas 22:53

Jujun c'ac'al te oyun ta atojolic ta yamaq'uil ch'ulna, muc xatsaquicun. Pero li' ta orae ic'ot xa sc'ac'alil avu'unic, xchi'uc ic'ot xa sc'ac'alil yu'un li yajval ic'al osile —xut.

San Juan 18:13

Ba'yuc te laj yiq'uic batel ta stojol li Anase, yu'un ja' smuni' li Caifás ti ja'o sjabilal ochem ta mero banquilal palee.

San Juan 18:3

Ja' yu'un li Judase laj yic' batel soldadoetic xchi'uc mayoletic yu'unic li banquilal paleetique xchi'uc li fariseoetique. Yich'anojic batel stojic xchi'uc slamparaic xchi'uc yespadaic.

San Juan 19:10

Li Pilatoe jech laj yalbe li Jesuse: —¿C'u yu'un mu xatac'bun? ¿Me mu xana' ti xu' cu'un ta xcac'ot ta joc'anel ta cruze, xchi'uc ti xu' cu'un ta jcoltaot batele? —xut.

San Juan 3:27

Itac'ov li Juane: —Mu xu' chich' yabtel jun cristiano me muc ac'biluc yu'un li boch'o oy ta toyole.

San Juan 7:30

Jech tsc'an ox tstsaquic ta ora li Jesuse, pero mu'yuc boch'o ivu' yu'un laj yac' sc'ob, yu'un muc to yorailuc.

San Juan 9:41

Itac'ov li Jesuse: —Ti ma'satucoxuque, mu'yuc amulic ti jechuque. Pero ta sventa chavalic ti jamal asatique, jech te acuchoj o amulic —xut.

Hechos 2:23

Pero i'ac'at ta c'abal jech chac c'u cha'al chapanbil, nopbil ono'ox yu'un Diose. Vo'oxuc laj atsaquic, laj avaq'uic ta joc'anel ta cruz; laj avaq'uic ta milel ta sc'ob li boch'otic mu'yuc yich'ojic ta muc' Diose.

Hechos 3:13

Li Dios yu'un Abraham, yu'un Isaac, yu'un Jacobe, laj xa yac' ta ich'el ta muc' li Yajtunele, ja' li Jesuse. Ja' ti laj avaq'uic ta c'abal ta stojol Pilatoe. C'alal ta ox sc'an scolta li Pilatoe, li vo'oxuque muc xac'anic.

Hechos 4:28

Ja' la spasic li c'usi nopbil ono'ox, li c'usi chapanbil ono'ox avu'un ta vo'one ti jech ta xc'ot ta pasele.

Romanos 11:36

Yu'un ja' yu'un, ja' la spas; ja' yajval scotol li c'usitic oye. Stuc ac'o ich'atuc o ta muc' sbatel osil. Jechuc.

Romanos 13:1

Scotol cristiano tsc'an ac'o xch'unbeic smantal li ajvaliletique. Yu'un li ajvaliletique muc sva'anojuc sba stuquic; ja' va'anbilic yu'un li Diose. Li ajvaliletic ti oy yabtelique, Dios laj yac'be yabtel.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.

Santiago 4:17

Li boch'o sna' c'usi lec ta pasel, me mu spase, ja' mulil.