San Juan 18:31 - Bible in Tzotzil de Chenalhó with Deuterocanon

³¹ Li Pilatoe jech laj yal: —Iq'uic batel, bat chapanic jech chac c'u cha'al chal li mantaletic avu'unique —xut. Li j'abteletic yu'un judioetique jech laj yalbeic li Pilatoe: —Li vu'uncutique mu'yuc quich'ojcutic mantal ti xu' chimilvancutique —xutic.

Tzotzil Zinacantan

³¹ ―Iqꞌuic echꞌel, ba meltsanbeic scꞌoplal ta aley atuquic ―xꞌutatic yuꞌun ti Pilatoe. ―Li voꞌoticotique muc bu avalojboticotic mantal ti xuꞌ ximilvanoticotique. Voꞌot ti cꞌu xachie yuꞌun jaꞌ avabtel ―xutic Pilato ti cajmeltsanejcꞌopticotique.

Bible in Tzotzil de Chamula

³¹ Xi tac'batic yu'un ti Pilatoe: —Iq'uic batel, chapanic atuquic co'ol jech c'u cha'al ta xal ti mantal avu'unique. Xi laj staq'uic ti israeletique: —Ti vu'uncutic israeluncutique, mu'yuc quich'ojcutic mantal ti xu' ta ximilvancutique.

LEQUIL ACH' C'OP

³¹ Itac'av ti Pilatoe: Iq'uic ech'el, ba meltsanbeic sc'oplal ta aley atuquic ―x'utatic. Li yaj meltsanejc'op jurioetique, xi istaq'uique: Vo'oticotic li juriooticotique, mu xu' ximilvanoticotic ―xutic ti Pilatoe.

Tzotzil San Andres

³¹ Li Pilatoe jech laj yal: ―Iqꞌuic batel, ba meltsanbeic scꞌoplal ta sventa la amantal atuquique ―xꞌutatic. Li jꞌabteletique jech laj yalbeic li Pilatoe: ―Li joꞌoncutique muc bu quichꞌojcutic mantal avuꞌunic ti chijmilvancutique. Joꞌot chanop atuc yuꞌun jaꞌ avabtel ―xutic.

Tzotzil de Huixtán

³¹ Ti Pilatoe hech laj yalbe: ―Iq'uic batel ho'oxuque. Ich'bo sc'op yu'un smul ti sventa ti mantaletic avu'unique ―xut. Hech i'albat yu'un ti paleetique: ―Mu xu' chcac'tutic ti milel ho'ontutic. Ja' avabtel ho'oti ―xchiic.

San Juan 18:31 Iomraidhean Croise

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

San Juan 18:30

Itac'ovic: —Ti mu'yucuc tsots smul li vinique, muc xtal cac'cutic ta atojol ti jechuque —xutic.

San Juan 18:32

Ti jech laj yalique yu'un ja' ic'ot o ti laj ono'ox yal Jesús c'u x'elan ta xmilate.

San Juan 19:15

Tsots i'avanic yan velta: —¡Ac'o chamuc, ac'o chamuc, ac'o joc'anatuc ta cruz! —xiic. Li Pilatoe jech la sjac': —¿Me chcac' ta joc'anel ta cruz li Ajvalil avu'unique? —xut. Itac'ov li banquilal paleetique: —Mu'yuc yan ajvalil cu'uncutic; ja' no'ox li Cesare —xiic.