San Juan 18:1 - Bible in Tzotzil de Chenalhó with Deuterocanon

¹ C'alal laj yal jech li Jesuse, iloc' batel xchi'uc li yajchanc'optaque. Ibatic ta jot bevo' Cedrón yo' bu ts'unubaltique. Te i'ochic batel xchi'uc li yajchanc'optaque.

Tzotzil Zinacantan

¹ Ti cꞌalal laj scꞌopon Riox ti Jesuse, lilocꞌoticotic echꞌel xchiꞌuc. Lijelavoticotic ta jech ucꞌum, Cedrón sbi. Tey licꞌototicotic yoꞌ bu tsꞌunbil olivotique.

Bible in Tzotzil de Chamula

¹ C'alal jech laj yal taj une, ti Jesuse loq'uic batel xchi'uc ti yajchanc'optaque yo' ta xbatic ta jot sti'il uc'um Cedrón. Ti bu taje, oy ts'unobaltic ti bu och batel ti Jesuse xchi'uc ti yajchanc'optaque.

LEQUIL ACH' C'OP

¹ Ti c'alal laj yal yech chac taje, ti Jesuse iloc' ech'el xchi'uc li yajchanc'optaque, ibatic ta jech uc'um Cedron sbi. Oy tey ts'unubaltic, tey i'och xchi'uc yajchanc'optac ti Jesuse.

Tzotzil San Andres

¹ Cꞌalal ilaj yoꞌon ta stael ta naꞌel Dios li Jesuse, ilocꞌ batel. Te tijil lijbatcutic eꞌuc, joꞌoncutic li yajchanbalajeltacuncutique. Lijelavcutic batel ta jot ucꞌum, Cedrón sbi. Te lijcꞌotcutic schiꞌuc Jesús ta tsꞌunbal olivatic.

Tzotzil de Huixtán

¹ C'alal laj yo'nton laj sc'opon Dios ti Jesuse, niloc'tutic batel xchi'uc ti Jesuse xchi'uc ti ho'ontutic ti yajchanc'opuntutique. Nijelavtutic batel ti jech uc'um. Cedrón sbi ti uc'ume. Nic'otutic ti bu ts'umbil olivate'etic. Ja' stac' lo'el. Te ni'ochtutic ti yolon ti olivate'etic xchi'uc ti Jesuse.

San Juan 18:1 Iomraidhean Croise

Génesis 2:15

Li Muc'ul Diose te laj yac' ta ts'unubaltic Edén li vinique yu'un ja' ta xchabi, xchi'uc ta xabtelan.

Génesis 3:23

Ja' yu'un li Muc'ul Diose la sloq'ues batel ta ts'unubaltic Edén li vinique. Lic yac' abtejuc ta banamil ti bu ono'ox ilic tal sbec'tale.

2 Samuel 15:23

Scotol li israeletique bats'i tsots i'oq'uic. Li ajvalile ijelovic batel ta jot bevo' Cedrón xchi'uc scotol li xchi'iltaque. Scotol li xchi'iltaque ijelovic batel ta ba'yucbe ta sbelal xocol banamil.

1 Reyes 15:13

Xchi'uc la sloq'ues o ta ajvalilal li Maaca, ja' li syame'e, yu'un laj yac' ta pasel jun dios, Asera sbi. Jech noxtoc laj yulesbe o li sdios syame'e; la xchic' ta c'oc' te ta nopol bevo' Cedrón.

1 Reyes 2:37

Li c'usi c'ac'alil me oy laloc' batele, me ech' atuch' li biq'uit uc'um Cedrone, ta jbel sc'oplal chacham, vo'ot ta amul atuc me lachame —xut.

2 Reyes 23:12

La sjines noxtoc li scajleb matanaletic pasbil yu'un ajvaliletic ta Judá te ta sjol sna Acaze xchi'uc li scajleb matanaletic pasbil yu'un Manasés te ta xcha'jotal yamaq'uil ch'ulnae. La slilin scotol; te bat sjip ta bevo' Cedrón.

2 Reyes 23:4

Li ajvalile lic yalbe mantal li banquilal pale Hilciase, xchi'uc li yantic paleetique, xchi'uc li jchabi ti'naetique, yu'un ac'o sloq'uesic ta xch'ulna Muc'ul Dios scotol li c'usitic chtun yu'unic sventa chich'ic ta muc' li Baale, xchi'uc li Aserae, xchi'uc li c'usitic oy ta vinajele. Te bat xchiq'uic ta spat Jerusalén ta yosilal Cedrón. Li stanile la stsobic; te bat yaq'uic ta Betel.

2 Reyes 23:6

La sloq'ues noxtoc li sloc'obal Asera te oy ta xch'ulna Muc'ul Diose; te bat xchic' ta stenlejaltic Cedrón, ja' to ti c'alal ipas ta tan yu'une. Li stanile te bat svijic comel ta muquinaltic yu'un li me'onetique.

2 Crónicas 15:16

Li Asae la sloq'ues ta pasmantal noxtoc li syame'e, ja' li Maacae, yu'un ja' laj yal mantal ti ac'o yich' pasbel sloc'obal li sjalalme'ic Aserae. Li Asae la sloq'ues batel noxtoc li sloc'obal Aserae. La slilin o ta j'ech'el; te bat xchic' ta nopol bevo' Cedrón.

2 Crónicas 29:16

Ts'acal i'och ta yut ch'ulna li paleetique. La xch'ubaic, la sloq'uesic scotol li c'usitic mu xtun te oye; laj yaq'uic te ta yamaq'uil. Ja' xa levietic laj yich'ic batel c'alal ta bevo' Cedrón.

2 Crónicas 30:14

Jech lic sloq'uesic scotol li scajleb matanaletic, xchi'uc li scajleb xchic'ubil pom te oy ta Jerusalene. Bat xch'ayic ta bevo' Cedrón.

Nehemías 2:15

Ac'ubaltic to ti c'alal limuy batel ta bevo' Cedrone, te la jquil c'u x'elan li coraltone. Ts'acal lisut batel ta ti'coralton ti Soplejaltic sbie.

Jeremías 31:40

Scotol li stenlejaltic bu muquinaltic xchi'uc bu xch'ayubil tane, xchi'uc scotol li soplejaltic c'alal to ta bevo'tic Cedrone, xchi'uc c'alal to ta chiquin ti'coralton bu yocheb ca'etic te ta stuq'uil sloq'ueb c'ac'ale, ts'u'iltasbil ta xcom o cu'un. Ta scotol le'e mu'yuc bu chich' jinesel o; mu'yuc bu chich' soquesel o yan velta”, xi li Muc'ul Diose.

Levítico 2:6

Voq'uilanic ta jayvoc'. Vijic ta aceite yu'un ja' jmoton sventa atrigoic xchi'uc c'usitic yan jech chac c'u cha'al trigo.

San Mateo 26:30

C'alal la sq'uejintaic jun q'ueoje, iloq'uic batel; ibatic ta vits Olivatic.

San Mateo 26:36

Li Jesús xchi'uc yajchanc'optaque te ibatic yo' bu Getsemaní sbie. Jech laj yalbe li yajchanc'optaque: —Chotlanic li'i, yu'un ta xbat jc'opan Dios le'e —xut.

Marcos 14:26

C'alal la sq'uejintaic jun sq'ueoj Diose, iloq'uic batel. Ibatic ta vits Olivatic.

Marcos 14:32

Li Jesuse te ibatic yo' bu Getsemaní sbie. Jech laj yalbe li yajchanc'optaque: —Comanic li'i, yu'un chbat jc'opan Dios le'e —xut.

Marcos 14:42

Licanic, batic. Q'uelo avilic, le' xa xtal li boch'o chiyac'un ta c'abale —xi li Jesuse.

San Juan 14:31

Ja' no'ox sventa ac'o yilic scotol cristianoetic ti lec jc'anoj li Jtote, ti ja' ta jch'unbe smantale. “Licanic, loc'cutic xa batel —xi li Jesuse.

San Juan 18:26

Li Pedroe jech i'albat noxtoc yu'un jun smozo li banquilal palee, ja' yuts' yalal li boch'o ibojbat xchiquin yu'un li Pedroe: —¿Me muc vo'ocot ti laj quilot te achi'uc li vinic te ta ts'unubaltique? —xut.

Hechos 21:11

Te ic'ot sc'opanuncutic. I'ich'bat xchuc li Pabloe; lic xchuc yoc sc'ob stuc. Jech laj yal: —Li Ch'ul Espiritue laj yalbun ti ja' jech ta xc'ot yich' chuquel yu'un judioetic te ta Jerusalén li yajval chuquil li'i. Ta x'ac'at ta sc'ob yanlum cristianoetic ti mu xotquinic Diose —xi li Agaboe.