San Juan 17:8 - Bible in Tzotzil de Chenalhó with Deuterocanon

⁸ Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

Tzotzil Zinacantan

⁸ Icalbeic xa ti cꞌusitic avalbone. Ixchꞌunic xa ti tey liquemon tal ta vinajele, ti voꞌot atacon tale.

Bible in Tzotzil de Chamula

⁸ Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

LEQUIL ACH' C'OP

⁸ Icalbeic xa ti c'usitic avalbone, ixch'unic xa. Iyaq'uic xa cuenta ti ta melel tey liquemon tal ta atojole, xchi'uc ixch'unic xa ti vo'ot atacon tale.

Tzotzil San Andres

⁸ Laj xa calbe yaꞌiic la acꞌope. Snaꞌic xa ti ta melel te liquemun talel ta atojole. Ischꞌunic xa ti joꞌot la atacun talele.

Tzotzil de Huixtán

⁸ Laj xa calbe ya'yic scotol ti ac'ope ti laj avalbune. Laj xa sna'ic ti melel ti niloc' tal ti atojole. Xch'unojic xa ti ho'ot laj atacun talele.

San Juan 17:8 Iomraidhean Croise

Proverbios 1:23

La' a'yo ava'yic li taq'uiel cu'une. Ta jbusanboxuc li sbijil jol co'ntone; ta xcac'boxuc ana'ic li c'usi oy ta co'ntone.

Proverbios 1:3

chac' jna'tic lequil tojobtasel, tuq'uibtasel, sventa chquich' lec jmelol jamtic.

Proverbios 2:1

Jnich'on, me chavich' ta muc' li c'usi chcale, me chachabi ta avo'nton li jmantaltaque,

Proverbios 4:10

Jnich'on, a'yo me, ch'amo lec ava'ay li c'usi chacalbote, jech ta xnatub lec avorail.

Proverbios 8:10

Ja' c'anic li chanubtasel cu'une, yu'un ja' mu tsotsuc sc'oplal li saquil taq'uine; ja' sa'ic li bijubtasel cu'une, yu'un ja' mu tsotsuc sc'oplal li c'anal taq'uine”, xi.

San Mateo 13:11

Itac'ov li Jesuse: —Yu'un li vo'oxuque ac'biloxuc xa ana'ic c'u x'elan chventainvan li Diose, ja' ti mu'yuc to'ox boch'o sna'e, pero li yantique mu x'ac'bat sna'ic.

San Juan 12:49

Yu'un ma'uc laj cal c'usi oy ta co'nton jtuc. Ja' Jtot laj yalbun mantal c'usi xu' chcal, xchi'uc c'u x'elan chic'opoj, ja' li boch'o la stacun tale.

San Juan 14:10

¿Me mu xach'un ti vu'un jun oyuncutic jchi'uc li Jtote? Li c'usi ta xcalboxuc ava'yique mu jc'opuc jtuc. Ja' sc'op li Jtot ti li' jchi'uque. Ja' stuc tspas li abteletic ta jpase.

San Juan 15:15

Li vo'oxuque muc xa no'ox caj'abtelucoxuc chca'ay, yu'un li boch'o j'abtel no'oxe mu sna' c'usitic tspas li yajvale. Bats'i jchi'iloxuc xa, yu'un laj xa calboxuc ava'yic scotol li c'usitic ca'yoj tal ta stojol Jtote.

San Juan 16:27

Yu'un li Jtotic Diose lec sc'anojoxuc, yu'un lec ac'anojicun ec, xchi'uc laj ach'unic ti te liquemun tal ta stojole.

San Juan 16:30

Laj xa jna'cutic ti oy ta aba ta asat scotole. Muc persauc oy boch'o chayalbot. Jech la jch'uncutic o ti te liquemot tal ta stojol li Diose —xutic.

San Juan 17:14

Laj xa calbe ya'yic li ac'ope, pero chopol ta x'ilatic yu'un li cristianoetic ti oyic ta sventa banamile. Yu'un li stuquique mu'yuquic xa ta sventa banamil, jech chac c'u cha'al vu'un ti mu'yucun ta sventa banamile.

San Juan 17:18

Jech chac c'u cha'al laj atacun tal li' ta banamile, ja' no'ox jech ta jtaquic batel ta stojol cristianoetic li' ta banamil ec.

San Juan 17:21

Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

San Juan 17:23

Li vu'une jun c'otemun jchi'uquic. Li vo'ote junutic no'ox, jech jun ac'o c'oticuc o ec. Jech ta sna'ic o scotol cristianoetic ta banamil ti vo'ot laj atacun tale, xchi'uc ti lec ac'anoj li boch'otic jun c'otemun jchi'uque jech chac c'u cha'al lec ac'anojun li vu'une.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 3:33

Yan li boch'otic ta xich'beic ta muc' c'usi chale, ja' chaq'uic ta ilel ti ja' melel c'usi yaloj li Diose.

San Juan 6:68

Itac'ov li Simón Pedroe: —Cajval, ¿boch'o yan chbat jchi'incutic? Vo'ot no'ox chavalbuncutic li c'op sventa cuxlejal sbatel osile.

San Juan 8:42

Li Jesuse jech laj yalbe: —Ti ja'uc atotic li Diose, chac'anicun ti jechuque. Yu'un li vu'une te liquemun tal ta stojol li Diose. Muc ta co'ntonuc jtuc ti litale. Ja' la stacun tal li Diose.

1 Corintios 11:23

Yu'un ti c'u x'elan la jchanubtasoxuque, ja' jech la xchanubtasun ec li Cajvaltique. C'alal yorail xa ch-ac'at ta c'abal ta ac'ubaltic li Cajvaltic Jesuse, la stsac jun pan;

1 Corintios 15:1

Quermanotac, ta jvulesboxuc ta ajolic li Lequil A'yej la jcholboxuc ava'yique, ja' ti laj avich'ic ta muq'ue, ti staoj yav jun avo'nton ach'unojic oe.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.

1 Tesalonicenses 2:13

Ja' yu'un mu xlaj co'ntoncutic o stojbel ta vocol li Diose. Yu'un c'alal laj ava'yic li sc'op Dios la jcholcutic ava'yique, lec laj avich'ic ta muc'. Muc xanopic ti ya'yej no'ox cristianoe. Laj ach'unic ti ja' sc'op Diose, ti ja' melele, jech te ch-abtej o ta avo'ntonic vo'oxuc ti ach'unojique.

1 Tesalonicenses 4:1

Quermanotac, oy to c'usi chacalboxuc tal. Ta jc'anboxuc vocol ta atojolic, ta jtaq'uioxuc ta sventa li Cajvaltic Jesuse, jech me xapasic o batel jech chac c'u cha'al laj achanic ta jventacutique, yu'un ja' no'ox jech tsc'an chapasic o, jech lec chil li Diose. Ech'em to jech tsc'an chapasic batel.

1 Juan 4:14

Li vu'uncutique laj quil jtuccutic ti la stac tal Xnich'on li Jtotic Diose sventa tal scolta li cristianoetic li' ta banamile.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.