San Juan 17:3 - Bible in Tzotzil de Chenalhó with Deuterocanon

³ Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

Tzotzil Zinacantan

³ Ti chcuxiic ta sbatel osile, jaꞌ ti xchꞌunojic ti voꞌot Rioxote. Xchꞌunojic noxtoc ti voꞌot atacon tale.

Bible in Tzotzil de Chamula

³ Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

LEQUIL ACH' C'OP

³ Ti chcuxiic ta sbatel osile, ja' ti chayojtiquinic ti atuc no'ox Rioxot ta melele, xchi'uc ti chojtiquinic li Jesucristo ti vo'ot atacoj tale.

Tzotzil San Andres

³ Ti chcuxiic sbatel osile, yuꞌun xayojtaquinic, joꞌot li cuxul Diosote, schiꞌuc xiyojtaquinic eꞌuc, joꞌon li Yajcoltavanejicun ti la atacun talele.

Tzotzil de Huixtán

³ Ja' chcuxiic sbatel osil yu'un xayojtiquinot ti ho'ot no'ox Diosot atuc ti mu'yuc yan, yu'un xiyojtiquinun uc ti ho'on Jcoltavanejun yu'unique ti ho'ot laj atacun talele.

San Juan 17:3 Iomraidhean Croise

1 Crónicas 28:9

Jech ec li vo'ote, jquerem Salomón, otquino me lec li Dios cu'un, vu'un li atotune. Junuc me avo'nton, yutsiluc me avo'nton tunan yu'un. Yu'un xotquin c'usi ta jnoptic; sna' c'usi oy ta co'ntontic. Me oy ta avo'nton chasa'e, chac' sba ta ilel ta atojol. Yan me chavicta comele, j'ech'el chascomtsanot o ec.

2 Crónicas 15:3

Li israeletique ep xa c'ac'al mu'yuquic ta stojol Dios, xchi'uc mu'yuc paleetic yu'unic sventa chchanubtasatic, me jutuc mu'yuc cha'ibeic o smantal li Diose.

Salmos 9:10

Muc'ul Dios, li boch'otic xayotquinicote ja' no'ox spatoj yo'ntonic ta atojol; me jutuc mu'yuc chacomtsan li boch'otic chasa'icote.

Proverbios 8:35

Yu'un li boch'o chistaune ta sta xcuxlejal, xchi'uc lec ch-ilat yu'un li Muc'ul Diose.

Isaías 48:16

Nopajanic tal ta jtojol, a'yo ava'yic: Ta sliquebal ono'ox muc ta muculuc c'usi laj cal; c'alal ic'ot ta pasele, te oyun noxtoc. Ja' yu'un vu'un ta jtac ta jvu'el stsatsal, vu'un li Muc'ul Diosun ti Yajvalun scotole”, xi li Diose.

Isaías 53:11

Ta to xlic yil c'u yepal tsatin li vocol la sts'ique; toj xcuxet no'ox yo'nton ti c'alal chile. Ta sventa li tuq'uil Yajtunel Diose ep boch'otic mu'yuc smul chc'otic, yu'un la xcuchbe scotol li xchopolilique.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Jeremías 10:10

Yan li Muc'ul Diose ja' bats'i Dios o ta melel. Li stuque ja' bats'i cuxul Dios o; ja' Ajvalil ta sbatel osil. C'alal ta x'iline, ta xnic banamil yu'un; li jujun banamile mu xcuch yu'unic li sc'ac'al yo'ntone.

Oseas 6:3

Cac'tic persa yotquinel batel li Muc'ul Diose. Ta ono'ox xtal ta jtojoltic, jech chac c'u cha'al sac osil ti chtal ono'oxe. Ta ono'ox xtal ta jtojoltic, jech chac c'u cha'al vo' ti sob chyal, xchi'uc ti ts'acal chyale.

Marcos 9:37

—Boch'o ta xich' ta muc' junuc olol jech chac c'u cha'al li'i, vu'un ta jventa, jech vu'un chiyich'un o ta muc'. Pero ma'uc no'ox vu'un chiyich'un ta muc'; ja' ta xich' ta muc' li Boch'o la stacun tale —xi li Jesuse.

San Lucas 9:48

Jech laj yalbe li yajchanc'optaque: —Li boch'o chich' ta muc' li jun olol li'i, ti vu'un ta jventa tspase, ja' vu'un chiyich'un o ta muc'. Li boch'o chiyich'un ta muq'ue, ja' chich' o ta muc' li Jtot ti la stacun tale. Ja' yu'un li boch'o biq'uit ta xac' sba avu'unique, ja' banquilal ta xc'ot —xi li Jesuse.

San Juan 10:36

Pero li boch'o t'ujbil yu'un Dios, xchi'uc ti tacbil tal yu'un Dios li' ta banamile ¿c'u yu'un chavalic ti tstoy sba ta stojol Dios c'alal chal ti ja' Xnich'on Diose?

San Juan 11:42

Li vu'une ta jna' ti scotol c'ac'al chava'ibun jc'ope. Ti jech ta xcalbote, ja' ta scoj li epal cristianoetic li' setelique, yu'un jech ac'o xch'unic ti vo'ot laj atacun tale —xi.

San Juan 14:26

Yan li Jpojvanej ta stacboxuc tal ta jventa li Jtote, ja' li Ch'ul Espiritue. Ja' ta xac'boxuc ana'ic scotol; ja' ta xchanubtasoxuc. Ja' ta svulesboxuc ta ajolic scotol li c'usi laj calboxuque.

San Juan 17:18

Jech chac c'u cha'al laj atacun tal li' ta banamile, ja' no'ox jech ta jtaquic batel ta stojol cristianoetic li' ta banamil ec.

San Juan 17:21

Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

San Juan 17:23

Li vu'une jun c'otemun jchi'uquic. Li vo'ote junutic no'ox, jech jun ac'o c'oticuc o ec. Jech ta sna'ic o scotol cristianoetic ta banamil ti vo'ot laj atacun tale, xchi'uc ti lec ac'anoj li boch'otic jun c'otemun jchi'uque jech chac c'u cha'al lec ac'anojun li vu'une.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 3:34

Yu'un li boch'o ja' tacbil tal yu'un Diose ja' sc'op Dios ta xal, yu'un muc bisbiluc no'ox i'ac'bat li Ch'ul Espiritue.

San Juan 5:44

Mu xu' avu'un chach'unic, yu'un ja' no'ox chac'anic ti lec ac'oplalic yu'un li cristianoetique. Mu ja'uc chac'anic ti lecuc ac'oplalic yu'un li Dios ti jun no'oxe.

San Juan 6:57

Li Jtot ti la stacun tale cuxul o sbatel osil. Jech ec li vu'une cuxulun o sbatel osil ta sventa li Jtote. Ja' no'ox jech ec li boch'otic ta sve'une, ta xcuxiic o sbatel osil ta jventa.

San Juan 7:29

Li vu'une xcotquin, yu'un ja' te liquemun tal ta stojol. Ja' stuc la stacun tal li'i —xi li Jesuse.

San Juan 8:19

Jech laj yalbeic li Jesuse: —¿Bu oy li atot chavale? —xutic. Itac'ov li Jesuse: —Yu'un mu xavotquinicun li vu'une, jech mu xavotquinic ec li Jtote. Ti avotquinicucune, xavotquinic xa Jtot ec ti jechuque —xut.

1 Corintios 15:34

Jech tsc'an chaq'uel abaic lec; mu me xasa' amulic ta stojol Dios. Yu'un oy to jayibuc avu'unic ti mu xotquinic Diose, jech chacalboxuc yu'un ac'o q'uexovanic.

1 Corintios 8:4

Ta sventa ti chajaq'uic me xu' chati'ic li smoton c'usitic cuybilic ta diose, pero xana'ic xa ti mu'yuc c'usi stu o li c'usitic cuybilic ta dios li' ta banamile; xana'ic ti jun no'ox Dios oye.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

Filipenses 3:10

Jech ta jc'an chcotquin o batel li Cristoe, xchi'uc ta jc'an chcotquinbe svu'el li Dios ti la xcha'cuxes li Cristoe. Xchi'uc oy ta co'nton ti xu' chquich' vocol jech chac c'u cha'al laj yich' li Cristoe, xchi'uc ti xu' co'ol chicham jchi'uque.

Filipenses 3:8

Ja' jech mu'yuc xa stu chquil o scotol c'usitic yan ta sventa ti laj xa quil ti ja' toj ech'em slequil c'alal laj cotquin li Cristo Jesuse, ja' li Cajvale. Ta sventa ti ja' xa jc'anoj o li Cristoe, jech la jip o comel scotol li c'usitic jch'unoj to'oxe. Ja' xa jech chquil jech chac c'u cha'al c'a'ep, yu'un jech ja' la jta li c'usi jtunel cu'une, ja' li Cristoe.

1 Tesalonicenses 1:9

Yu'un stuquic xa chalic c'u x'elan laj avich'uncutic ta muc' ti c'alal lic'otcutic te ta atojolique, xchi'uc ti laj acomtsanic yich'el ta muc' li c'usitic cuybilic ta diose, ti ja' latalic ta stojol li bats'i cuxul Diose, ti ja' xa chatunic yu'une.

2 Tesalonicenses 1:8

Ta xyal tal xchi'uc natiquil yat c'oc', yu'un ja' chtal yac'be stoj smul li boch'otic mu xotquinic Diose, ti mu sc'an xch'unic li Lequil A'yej yu'un Cajvaltic Jesucristoe.

Hebreos 3:1

Ja' yu'un, jchi'iltac, vo'oxuc ti lecubtasbiloxuc xae, ti ic'biloxuc xa sventa cha'ochic ta vinajel eq'ue, ja' me xanopilanic li Jesús ti itacat tale, ja' li Banquilal Pale cu'untique, ja' li boch'o jch'unojtique.

2 Pedro 1:2

Ac'o ataic ep c'uxubinel, xchi'uc ac'o junuc o avo'ntonic ta sventa ti laj xa avotquinic li Diose xchi'uc li Cajvaltic Jesucristoe.

2 Pedro 1:3

Ta sventa ti laj xa cotquintic li Dios ti laj yic'utic ta svu'el stsatsale, jech laj xa yac'butic scotol c'usitic ta xtun cu'untic sventa chijcuxiutic, xchi'uc sventa chquich'tic ta muc'.

2 Pedro 1:8

Me laj xa ataic scotol jech chac le'e, me ch-epaj batel avu'unique, oy atuic, jech chvinaj ta avabtelic ti ta melel mu alticuc laj avotquinic li Cajvaltic Jesucristoe.

1 Juan 1:2

Li Cuxlejale laj xa yac' sba ta otquinel; laj quilcutic li vu'uncutique, ja' yu'un ta xcalbecutic sc'oplal. Ta xcalcutic ava'yic c'u x'elan li Boch'o sventainoj cuxlejal sbatel osile. Te ono'ox xchi'uc sbaic xchi'uc li Jtotic Diose. Laj xa yac' sba ta ilel ta jtojolcutic.

1 Juan 1:3

Jech ta xcalcutic ava'yic li c'usi laj quilcutique xchi'uc li c'usi laj ca'icutique, yu'un jech chijpasutic ta jun, jech chac c'u cha'al jun oyuncutic xchi'uc li Jtotic Diose xchi'uc li Xnich'one, ja' li Jesucristoe.

1 Juan 2:23

Li boch'o chalic ti mu ja'uc Xnich'on Dios li Jesuse, mu xich'ic ta muc' noxtoc li Totile. Yan li boch'o jamal chal ti ja' Xnich'on Dios li Jesuse, yu'un yich'ojic ta muc' noxtoc li Totile.

1 Juan 4:6

Yan li vu'utique xnich'nabutic xa li Diose. Li boch'otic xotquinic Diose ta xa'ibutic li jc'optique. Yan li boch'o mu xotquinic Diose mu xich'ic ta muc' li jc'optique. Ja' jech ta xcotquintic li boch'otic ja' ventainbilic yu'un li Espíritu ti ja' melele. Jech ta xcotquintic noxtoc li boch'otic ja' ventainbilic yu'un jlo'lavaneje.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.