San Juan 17:25 - Bible in Tzotzil de Chenalhó with Deuterocanon

²⁵ Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

Tzotzil Zinacantan

²⁵ Tot, li voꞌote lec cꞌusi chapas, muc bu chavacꞌ ochuc ta cꞌocꞌ ti muchꞌutic liyichꞌic xa ta muqꞌue. Li yan crixchanoetique muc bu yilojic cꞌu xꞌelan avoꞌon. Li voꞌone quiloj cꞌu xꞌelan avoꞌon. Li jayvoꞌ liꞌique ixchꞌunic xa ti voꞌot atacon tale.

Bible in Tzotzil de Chamula

²⁵ Jch'ul Tot, ti oy alequilal avutsilale, ti buch'utic sventainojic ti sba banomile mu xayojtiquinic. Ti vu'une xacojtiquin. Ti jayib li' oyique laj xa sna'ic ti vo'ot laj atacun talele.

LEQUIL ACH' C'OP

²⁵ Tot, li vo'ote lec c'usi chapas, ac'u mi mu xa yojtiquinic li crixchanoetic li' ta sba balamile, pero li vo'one xa cojtiquin, ti jayvo' avac'bon xae, sna'ojic xa ti vo'ot atacon tale.

Tzotzil San Andres

²⁵ Tata, joꞌot ti tucꞌ avoꞌone, muc bu xavacꞌ xchꞌay li buchꞌutic xayojtaquinic xae. Li crixchanoetique mu xayojtaquinic. Li joꞌone xacojtaquin. Li jayvoꞌ li liꞌ oyique ischꞌunic xa ti joꞌot la atacun talele.

Tzotzil de Huixtán

²⁵ Toj avo'nton, tote. Ti crixchanoetique mu xayojtiquinot. Ho'oni xacojtiquin. Ti jayvo' li'to xayojtiquinot uc yu'un xch'unojic xa ti ho'ot laj atacun talele.

San Juan 17:25 Iomraidhean Croise

Isaías 45:21

Ac'o tal yalic, ac'o tal spojic li sdiosique; ac'o sa'ic lec c'u x'elan chc'opoj scotolic. ¿Boch'o laj yal ta sliquebal ti jech chc'ot ta pasel jech chac c'u cha'al laj cale? ¿Me oy boch'o laj ono'ox yal ta vo'one? ¿Me muc vu'cun no'ox jtuc laj cal?, vu'un li Muc'ul Diosune. Mu'yuc yan Dios jech chac c'u cha'al vu'un; jtuc no'ox Diosun ti tuc' co'ntone, ti xu' cu'un chicoltavane; mu'yuc boch'o yan jech chac c'u cha'al vu'un.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Mateo 16:16

Itac'ov li Simón Pedroe: —Vo'ot Cristoot, Vo'ot Xnich'onot li cuxul Diose —xut.

San Lucas 10:22

Li Jesuse lic sc'opan yan velta li cristianoetique, jech laj yal: —Scotol li c'usitic oye, yac'ojbun ta jc'ob li Jtote. Mu'yuc boch'o sna'bun c'u x'elan co'nton vu'un li Nich'onilune. Ja' no'ox sna' stuc li Jtote. Ja' no'ox jech ec li Jtote mu'yuc boch'o sna'be c'u x'elan yo'nton. Vu'un no'ox jna', xchi'uc ta sna'ic ec li boch'otic ta xcac'be sna'ique —xi li Jesuse.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 10:15

Jech chac c'u cha'al xiyotquinun li jtote, jech xcotquin ec. Ja' yu'un ta xcac' jba ta milel yu'unic scotol li chijetique.

San Juan 15:21

Ti jech ta spasboxuque vu'un ta jcoj, yu'un mu xotquinic li Boch'o la stacun tale.

San Juan 16:27

Yu'un li Jtotic Diose lec sc'anojoxuc, yu'un lec ac'anojicun ec, xchi'uc laj ach'unic ti te liquemun tal ta stojole.

San Juan 16:3

Jech tspasic, yu'un mu xotquinic li Jtote, xchi'uc mu xiyotquinicun ec li vu'une.

San Juan 16:30

Laj xa jna'cutic ti oy ta aba ta asat scotole. Muc persauc oy boch'o chayalbot. Jech la jch'uncutic o ti te liquemot tal ta stojol li Diose —xutic.

San Juan 17:11

“Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

San Juan 17:18

Jech chac c'u cha'al laj atacun tal li' ta banamile, ja' no'ox jech ta jtaquic batel ta stojol cristianoetic li' ta banamil ec.

San Juan 17:21

Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

San Juan 17:23

Li vu'une jun c'otemun jchi'uquic. Li vo'ote junutic no'ox, jech jun ac'o c'oticuc o ec. Jech ta sna'ic o scotol cristianoetic ta banamil ti vo'ot laj atacun tale, xchi'uc ti lec ac'anoj li boch'otic jun c'otemun jchi'uque jech chac c'u cha'al lec ac'anojun li vu'une.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 6:19

C'alal oy xa van o'loluc xchibal reva ixanovic batel ta ba nabe, ja' to laj yilic te ta xanov tal ta yacan ta ba nab li Jesuse. Te inoch'aj tal yo' bu oy li canovae; ep ixi'ic.

San Juan 7:29

Li vu'une xcotquin, yu'un ja' te liquemun tal ta stojol. Ja' stuc la stacun tal li'i —xi li Jesuse.

San Juan 8:19

Jech laj yalbeic li Jesuse: —¿Bu oy li atot chavale? —xutic. Itac'ov li Jesuse: —Yu'un mu xavotquinicun li vu'une, jech mu xavotquinic ec li Jtote. Ti avotquinicucune, xavotquinic xa Jtot ec ti jechuque —xut.

San Juan 8:55

Pero li vo'oxuque mu xavotquinic. Li vu'une xcotquin. Me ta xcal ti mu xcotquine, j'epalc'op chic'ot ec jech chac c'u cha'al vo'oxuque. Pero ta melel xcotquin li Diose; ta jch'unbe li c'usitic chiyalbune.

Hechos 17:23

Yu'un c'alal lixanov li' ta alumalique, laj quil ti ep c'usitic chavich'ic ta muq'ue. Laj quil noxtoc jun scajleb matanal, jech ts'ibabil chac li'i: ‘JA' SCAJLEB SMOTON LI DIOS TI MU XCOTQUINTIQUE’, xi ts'ibabil. Li Dios ti chavac'beic smoton ti mu xavotquinique, ja' chacalboxuc ava'yic sc'oplal li vu'une.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

Romanos 1:28

Ta sventa ti muc xich'ic ta muc' c'u x'elan xu' chcotquintic o li Diose, jech i'ac'bat snopic o yu'un Dios li c'usitic mu'yuc stue, yu'un jech ac'o spasic o li c'usi mu jechuc sc'oplal ta pasele.

Romanos 3:11

Me junuc mu'yuc boch'o sna'be smelol, me junuc mu'yuc boch'o tsa' li Diose.

Romanos 3:26

yu'un toj ep smuc'ul yo'nton. Ivinaj xa ti toj tuc' yo'ntone, xchi'uc ti jech tuc' yo'nton chil ec li boch'otic ta xch'unic li Jesuse.

1 Corintios 1:21

Li Diose ta sventa sbijil muc xac' ti ac'o yotquinic Dios ta sventa sbijil stuquic li cristianoetique. Yu'un snopoj ono'ox ti ja' te chac' colicuc o ta sventa li Lequil A'yeje, ja' li Lequil A'yej ti bol lo'il no'ox chich' a'yel c'alal ta jcholcutique.

1 Corintios 15:34

Jech tsc'an chaq'uel abaic lec; mu me xasa' amulic ta stojol Dios. Yu'un oy to jayibuc avu'unic ti mu xotquinic Diose, jech chacalboxuc yu'un ac'o q'uexovanic.

2 Corintios 4:4

Ti jech mu xch'unique, yu'un ja' macbil yo'ntonic yu'un li yajval banamile. Yu'un jech mu x'och xojobal ta stojolic li Lequil A'yej ta sventa li Jesucristo ti jun oyic xchi'uc Diose.

2 Tesalonicenses 1:8

Ta xyal tal xchi'uc natiquil yat c'oc', yu'un ja' chtal yac'be stoj smul li boch'otic mu xotquinic Diose, ti mu sc'an xch'unic li Lequil A'yej yu'un Cajvaltic Jesucristoe.

Hebreos 8:11

Jech mu'yuc xa boch'o jech chalbe xchi'ilic, mu'yuc xa boch'o jech chalbe yuts' yalalic: ‘Tsc'an chavotquin lec li Cajvaltique’, mu'yuc xa boch'o xut. Yu'un scotolic chlic yotquinicun, c'alal ta muc', ta biq'uit.

1 Juan 1:9

Yan me jamal chcalbetic Dios li jmultique, chispasbutic perdón, chispocbutic loq'uel scotol sbolil co'ntontic. Yu'un li stuque tuc' yo'nton, melel c'usi chal.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 16:5

Laj ca'ay ic'opoj li j'almantal ti sventainoj vo'etique, jech laj yal: “Li vo'ote toj tuc' c'usi chapas, vo'ot ti cuxulot oe, ti te ono'ox oyot o ta vo'onee, vo'ot Ch'ul Diosot. Tuc' lachapanvan, laj xa avac'be stojol li mulile.