San Juan 17:24 - Bible in Tzotzil de Chenalhó with Deuterocanon

²⁴ “Tati, ti c'u yepal laj avac'bune ta jc'an ti ac'o c'ot xchi'inicun ec ti bu oyune, jech te ta xilic o c'u x'elan li jlequilal avac'ojbune, yu'un lec ono'ox ac'anojun ti c'alal mu'yuc to'ox banamile.

Tzotzil Zinacantan

²⁴ ’Tot, ti jayvoꞌ avacꞌ yichꞌicon ta muqꞌue, jaꞌ ta jcꞌan ti chixchiꞌinic ta sbatel osil yoꞌ bu nacalote yoꞌ xilic o ti cꞌu xꞌelan chavacꞌon ta ichꞌel ta muqꞌue. Yuꞌun acꞌanojon onox ti cꞌalal chꞌabal toꞌox li balamile.

Bible in Tzotzil de Chamula

²⁴ “Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

LEQUIL ACH' C'OP

²⁴ »Tot, vo'ot avac'bon, ja' ta jc'an ti chi xchi'inic ta naclej yo bu chinaquie, yo' ti ac'u yilic li jlequilale, ja li jlequilal ti avac'ojbone; yu'un ac'anojon ono'ox ti c'alal mu to'ox spas li balamile.

Tzotzil San Andres

²⁴ ’Tata, ti jayvoꞌ la avacꞌ yichꞌicun ta muqꞌue, ta jcꞌan ti acꞌo xischiꞌinic o sbatel osil li yoꞌ bu oyote, jaꞌ te ta xilic o li cꞌu sba chavacꞌun ta ichꞌel ta muqꞌue. Yuꞌun cꞌuxun onoꞌox ta avoꞌon li cꞌalal muꞌyuc toꞌox li balumile.

Tzotzil de Huixtán

²⁴ ’Tote, ti jc'an ti ac'o xixchi'inucun sbatel osil ti bu oyune ti c'u yepal avac'ojbun ti jventae yu'un hech chisq'uelun ti c'u che'el pasbilun ti muc' avu'un. Melel ti c'uxun ti avo'ntone c'alal mu to pasemuc ti balumile.

San Juan 17:24 Iomraidhean Croise

Génesis 45:13

C'ot albeic ya'ay jtotic scotol ti c'u x'elan cabtel li' ta Egiptoe, xchi'uc scotol li c'usitic laj avilic li'i. Ja' lec batanic; bat iq'uic tal ta ora li jtotique —xi li Josee.

San Mateo 25:21

Jech i'albat yu'un li yajvale: ‘Lec oy, vo'ot lequil j'abtelot cu'un; lec jun avo'nton la'abtej. Ta sventa ti lec jun avo'nton laj aventain li c'usi jutuc no'ox laj avich'e, ja' yu'un chacac'bot aventain li yepale. La' ochan, cuxetuc no'ox avo'nton achi'uc li avajvale’, x'utat.

San Mateo 25:23

Jech i'albat yu'un li yajvale: ‘Lec oy, vo'ot lequil j'abtelot cu'un; lec jun avo'nton la'abtej. Ta sventa ti jun avo'nton laj aventain li c'usi jutuc no'ox laj cac'bote, ja' yu'un chacac'bot aventain li yepale. La' ochan, cuxetuc no'ox avo'nton achi'uc li avajvale’, x'utat.

San Mateo 25:34

Vu'un li muc'ta Ajvalilune jech chlic calbe li boch'otic te oyic ta jbats'ic'obe: ‘La'ic, yu'un c'uxubinbiloxuc yu'un li Jtote. Ochanic ta pasmantal, yu'un jech ono'ox chapanbil ac'oplalic ta vo'one ti c'alal ilic li banamile.

San Mateo 26:29

Ta xcalboxuc ti mu'yuc xa ta xcuch' yan velta li ya'lel ts'usube. Ja' to ta xcuch' yan velta ti c'alal te xa jtsoboj jba jcotoltic yo' bu tspas mantal li Jtote —xi li Jesuse.

San Lucas 12:37

Xcuxet no'ox yo'nton li mozoetic ti viq'uil satic ta xc'ot taaticuc yu'un yajvalique. Melel li c'usi chacalboxuque, li mozoetic le'e ta x'albat yu'un yajvalic ti ac'o chotiicuc ta ti'mexae, yu'un ta x'ac'bat sve'elic yu'un li yajvalique.

San Lucas 23:43

Li Jesuse jech laj yalbe: —Melel chacalbot, li' ta jliquele, te ta jchi'in jbatic ta lequilal —xut.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 12:26

Scotol li boch'o tsc'an ta xtun cu'une ac'o sts'aclinun batel. Ti bu chic'ote, te chc'otic ec li cajtuneltaque. Li boch'o ta xtunic cu'une, ta x'ac'atic ta ich'el ta muc' yu'un li Jtote.

San Juan 14:3

Me chibate, xchi'uc me ichapaj cu'un li avavilique, chisut tal yan velta; vu'un jtuc chtal quic'oxuc muyel, yu'un jech xu' te chac'otic ec ti bu oyune.

San Juan 15:9

Lec jc'anojoxuc jech chac c'u cha'al lec sc'anojun li Jtote. Li' me oyanic o ta jtojol, yu'un lec jc'anojoxuc.

San Juan 17:2

Yu'un laj avac'bun jvu'el ta sventa scotol cristianoetic, yu'un jech xu' ta xcac'be xcuxlejalic ti c'u yepal chavac'bune.

San Juan 17:22

Li jlequilal cutsilal laj avac'bune, laj cac'be yich'ic ec, yu'un jech jun no'ox ac'o c'oticuc jech chac c'u cha'al jun no'ox oyutic li vu'utique.

San Juan 17:5

Ja' yu'un Tati, ac'bun xa yan velta jlequilal cutsilal te ta atojol jech chac c'u cha'al jlequilal cutsilal te ta atojol ti c'alal mu'yuc to'ox li banamile.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 6:39

Li c'usi oy ta yo'nton li Boch'o la stacun tale ja' ti mu me xch'ay junuc cu'un ti c'u yepal chiyac'bune, ti ac'o jcha'cuxesan ta slajebal c'ac'ale.

San Juan 8:58

Itac'ov li Jesuse: —Jamal chacalboxuc ava'yic, c'alal mu'yuc to'ox li Abrahame, te ono'ox oyun li vu'une —xi.

1 Corintios 13:12

Pero ac'o me muc'utic xa, jutuc no'ox li c'usi jna'tique. Jech chac c'u cha'al ti mu xvinaj lec jsatic c'alal mu'yuc lec li nene. Pero me lijc'ot ta vinajele, chc'ot jna'tic scotol. Li' ta orae jutuc no'ox xu' chcotquintic, pero tsta yorail chcotquintic lec scotol jech chac c'u cha'al lec xijyotquinutic li Diose.

2 Corintios 3:18

Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

2 Corintios 5:8

Pero jech oy ta co'ntontic o. Ja' yu'un ta jc'antic ti ac'o xa comuc li jbec'taltic li'i, yu'un jech xu' chbat jchi'intic o li Cajvaltique.

Filipenses 1:23

Yu'un ta jc'an xchibal. Ta jc'an chicham, yu'un jech xu' chbat jchi'in li Cristoe, yu'un toj ech'em lec ti bu oye.

1 Tesalonicenses 4:17

Me jech to cuxulutic chvul stautic o vu'utic ti comenutic toe, co'ol chijcuchat muyel ta toc jchi'uctic, yu'un jech co'ol chbat jtatic li Cajvaltic te ta toyole, jech te ta jchi'intic o sbatel osil.

1 Pedro 1:21

Ja' ta sventa ti laj ach'unic Diose, yu'un li Diose la xcha'cuxes loq'uel ta smuquinal, xchi'uc laj yac'be slequilal yutsilal. Ja' yu'un li vo'oxuque jun avo'ntonic ach'unojic li Diose xchi'uc apatoj avo'ntonic ta stojol.

1 Juan 3:2

Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.