San Juan 17:21 - Bible in Tzotzil de Chenalhó with Deuterocanon

²¹ Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

Tzotzil Zinacantan

²¹ Chacalbe ti coꞌoluc me sjolic scotol ti muchꞌutic chiyichꞌic ta muqꞌue chac cꞌu chaꞌal coꞌol joltique, xchiꞌuc ti coꞌolajuc joltic jchiꞌuctique yoꞌ xchꞌunic o scotol crixchanoetic ti voꞌot atacon tale.

Bible in Tzotzil de Chamula

²¹ Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

LEQUIL ACH' C'OP

²¹ Cha jc'anbe vocol ti co'oluc me sjolic scotolique, Tot yechicuc me chac c'u cha'al co'ol joltic li vo'otique, xchi'uc ti co'olajuc joltic jchi'uctique, yo' xch'unic o scotol crixchanoetic ti vo'ot atacon tale.

Tzotzil San Andres

²¹ Chajcꞌanbe ti acꞌo jmojuc yoꞌonic scotolic li buchꞌutic chiyichꞌic ta muqꞌue jech chac cꞌu chaꞌal jmoj coꞌontique. Jech ta schꞌunic o scotol crixchanoetic ti joꞌot la atacun talele.

Tzotzil de Huixtán

²¹ Chajc'ambot ti ac'o me jtosuc yo'ntonic scotolic hech chaj c'u che'el jtos co'ntontic. Hech chaj c'u che'el te oyot ti co'nton, te oyun ti avo'nton, ja' no'ox hech ac'o te oyuc ti co'ntontic scotolic. Hech chch'unic scotol crixchanoetic ti ho'ot laj atacun talele.

San Juan 17:21 Iomraidhean Croise

Jeremías 32:39

Ta jelbe yo'ntonic, xchi'uc ta jelbe sbeic, yu'un jech jun yo'nton chiyich'icun o ta muc' ti jayib c'ac'al cuxulique, yu'un jech lec oyic o, xchi'uc jech lec oyic c'alal ta smomnich'nabic.

Sofonías 3:9

“C'alal me la sta li sc'ac'alil le'e, ta xcac' puru lequil c'op chloc' ta yeic ep cristianoetic ta jujun lum, yu'un jech xu' chlic sc'anbicun vocol, vu'un li Muc'ul Diosune; yu'un jech co'ol chlic tunicuc cu'un scotolic.

Zacarías 14:9

Li Muc'ul Diose ja' Ajvalil chc'ot ta scotol banamil. Chlic yich' otquinel ti ja' no'ox stuc Ajvalil oe, ti mu'yuc boch'o yan jech sbie.

Marcos 3:24

Me ta scontrain sbaic xchi'uc xchi'iltac ta abtel jun ajvalile, ta soquic o.

San Juan 10:16

Jech noxtoc oy to yantic jchijtac ti muc li'uc oyic ta corale. Le'e ta ono'ox xquic'an tal ec. Ta xa'ibicun jc'op; jun no'ox scoralil chc'ot scotol, xchi'uc jun no'ox jchabivanej chc'ot yu'unic.

San Juan 10:30

Li vu'une jununcutic xchi'uc li Jtote —xi li Jesuse.

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 11:42

Li vu'une ta jna' ti scotol c'ac'al chava'ibun jc'ope. Ti jech ta xcalbote, ja' ta scoj li epal cristianoetic li' setelique, yu'un jech ac'o xch'unic ti vo'ot laj atacun tale —xi.

San Juan 13:32

Me ich'bil xa ta muc' ta jventa li Diose, ja' jech ta xiyac'un ta ich'el ta muc' ec; ta ora no'ox chlic yac'un ta ich'el ta muc'.

San Juan 13:35

Me jech chapasique, jech ta sna'ic o scotol cristianoetic ti vo'oxuc cajchanc'opoxuque —xut yajchanc'optac li Jesuse.

San Juan 17:11

“Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

San Juan 17:18

Jech chac c'u cha'al laj atacun tal li' ta banamile, ja' no'ox jech ta jtaquic batel ta stojol cristianoetic li' ta banamil ec.

San Juan 17:20

“Mu ja'uc no'ox ta jc'anbot vocol ta stojolic li'i. Ta jc'anbot vocol ta stojolic noxtoc li boch'otic chlic yich'icun ta muc' ta sventaique.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 5:23

Yu'un jech ac'o ich'atcun ta muc', jech chac c'u cha'al ich'bil ta muc' li Jtote. Li boch'otic mu xiyich'icun ta muc' vu'un li xnich'onune ja' mu xich'ic o ta muc' li Jtot ti la stacun tale.

Hechos 2:46

Bats'i co'ol yo'ntonic la stsob sbaic ta ch'ulna ta Jerusalén. La svoq'uic pan ta naetic; co'ol ive'ic. Xcuxet no'ox yo'ntonic, xchi'uc lec chil sba scotolic.

Hechos 4:32

Ti c'u yepal xch'unojique co'ol yo'ntonic, co'ol c'usi la snopic. Mu'yuc boch'o laj yal ti ja' yu'un stuc li c'usi oy yu'une; ja' co'ol yu'unic ta scotolic.

Romanos 12:5

Ja' no'ox jechutic ec li vu'utique, eputic, pero jun no'ox jbec'taltic c'otem ta stojol li Cristoe. Jchi'il jbatic, jtsacoj jbatic ta jcotoltic.

1 Corintios 1:10

Quermanotac, ta jc'anboxuc vocol ta atojolic ta sbi li Cajvaltic Jesucristoe. Co'oluc me ac'op acotolic; mu me xavoq'uilan abaic. Co'oluc c'usi xanop acotolic; jun no'ox me xava'ay aba ta acotolic.

1 Corintios 12:12

Jech chac c'u cha'al li jbec'taltique jun no'ox, pero ep ta chop stsacoj sba. Ac'o me ep ta chop c'u x'elan ch-abtejic, pero jun no'ox oyic. Ja' no'ox jechutic ec ta stojol li Cristoe.

1 Corintios 6:17

Jech noxtoc, li boch'o chac' sba ta stojol Cajvaltique, jun xa chc'ot xchi'uc.

Gálatas 3:28

Jech mu'yuc xa judío, mu'yuc xa yanlum; mu'yuc xa boch'o ochem ta mozoil, mu'yuc xa boch'o muc ochemuc ta mozoil; mu'yuc xa vinic, mu'yuc xa ants. Yu'un jcotoltic jun no'ox lijc'ot ta stojol li Cristo Jesuse.

Filipenses 1:27

Ja' no'ox tsots sc'oplal ti ac'o apasic batel jech chac c'u cha'al chal li Lequil A'yej yu'un Cristoe. Yu'un jech c'alal chtal jq'ueloxuc, o c'alal nom oyune, ta xca'ay ac'oplalic ti staoj yav jun avo'ntonic oe, ti co'ol avo'nton chavac'beic yipal xch'unel li Lequil A'yeje,

1 Juan 1:3

Jech ta xcalcutic ava'yic li c'usi laj quilcutique xchi'uc li c'usi laj ca'icutique, yu'un jech chijpasutic ta jun, jech chac c'u cha'al jun oyuncutic xchi'uc li Jtotic Diose xchi'uc li Xnich'one, ja' li Jesucristoe.

1 Juan 5:7

Li oxib li'i ja' svinajeb ic'otic: