San Juan 17:17 - Bible in Tzotzil de Chenalhó with Deuterocanon

¹⁷ Lecubtaso ta sventa li c'usi melele, yu'un li ac'ope ja' melel.

Tzotzil Zinacantan

¹⁷ Acꞌu me xchꞌunic ti yech li cꞌusi chavale yoꞌ mu xloꞌloatic o chac cꞌu chaꞌal chloꞌloatic li yan crixchanoetique.

Bible in Tzotzil de Chamula

¹⁷ Ti buch'utic laj avac'bune, lecubtaso ta sventa ti melel ta xavac' ta na'ele, yu'un melel ono'ox ti ac'ope.

LEQUIL ACH' C'OP

¹⁷ Lecubtaso ta scuenta li c'usi melele; yu'un li ac'ope ja' melel.

Tzotzil San Andres

¹⁷ Acꞌo yacꞌ ta yoꞌonic la acꞌope yuꞌun jaꞌ melel, yoꞌ jech mu snopic mu spasic li cꞌusi ta snopic ta spasic li crixchanoetique.

Tzotzil de Huixtán

¹⁷ Lecubtasbun yo'ntonic yu'un ti ac'ope yu'un melel ti ac'ope.

San Juan 17:17 Iomraidhean Croise

2 Samuel 7:28

Vo'ote Muc'ul Dios, vo'ot Diosot ta melel. Li c'usi laj avale ja' melel o. Laj xa aval ti chac'uxubinun, vu'un li avajtunelune.

Salmos 119:104

Ta sventa amantaltac la jta o lec jbijil, ja' yu'un la jcontrain scotol li c'usitic mu meleluque.

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 119:144

Yu'un li amantaltaque staoj yav tuc' sbatel osil, jech ac'bun lec jbijil, jech xu' chicuxi to.

Salmos 119:160

Li ac'ope ja' melel scotol; staoj yav tuc' o, sbatel osil te oy o li c'usitic avaloje.

Salmos 119:9

¿C'u x'elan xu' lec tuc' chcuxiic li boch'otic ja' to chch'iique? Ja' no'ox me ta xch'unic lec li ac'ope.

Salmos 12:6

Li c'usi yaloj Muc'ul Diose, bats'i sac ta jyalel, jech chac c'u cha'al saquil taq'uin ti lecubtasbil ta hornoe, ti ts'acal lec vucub velta chic'bil ta horno li yic'ubale.

San Lucas 8:11

“Li smelol lo'il laj calboxuque ja' jech chac li'i: Li bec' trigoe ja' li sc'op Diose.

San Lucas 8:15

Yan li bec' trigo ic'ot ta lequil banamile, ja' li boch'otic scotol yo'nton ta xch'unic sc'op Diose, ti chc'ot lec ta yo'ntonique, ti jun yo'nton chch'unic oe, jech lec ta satinic.

San Juan 15:3

Li vo'oxuque lecubtasbiloxuc xa ta sventa li jc'op laj calboxuque.

San Juan 17:19

Ja' ta sventaic ti yutsil co'nton jtuc chcac' jbae, yu'un jech ta yutsiluc yo'ntonic ac'o yac' sbaic ta sventa ec li c'usi melele.

San Juan 8:32

Jech chavotquinic o li c'usi melele. Ta sventa li c'usi melele chaloq'uic o ta mozoil —xi li Jesuse.

San Juan 8:40

Li' ta orae chac'an chamilicun, vu'un li jun vinicun ti laj calboxuc ava'yic li c'usi melel ca'yoj tal ta stojol Diose. Pero li Abrahame mu jechuc la spas.

Hechos 15:9

Li Diose co'ol la xc'uxubinutic ta jcha'chopaltic. Jech co'ol la spocbutic co'ntontic ta sventa ti laj xa jch'untique.

2 Corintios 3:18

Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.

Efesios 4:21

Yu'un li vo'oxuque ava'yojic c'usi tsc'an li Jesuse, xchi'uc ja' ta sventa lachanubtasatic lec ta sc'op ti ja' melele.

Efesios 5:26

Yu'un jech la slecubtas, la spoc ta sventa li sc'ope.

2 Tesalonicenses 2:13

Pero ta sventa li vo'oxuc ti ach'unojic xae, ti c'anbiloxuc yu'un Cajvaltique, scotol c'ac'al tsc'an ta jtojbecutic ta vocol Dios ta aventaic. Yu'un t'ujbiloxuc ono'ox ta sliquebal, yu'un ac'o colanic sbatel osil ta sventa ti lecubtasbiloxuc xa yu'un li Ch'ul Espiritue, xchi'uc ta sventa ti laj ach'unic li c'usi melele.

Santiago 1:21

Ja' yu'un li vo'oxuque, comtsanic scotol li c'usitic mu xtune xchi'uc li c'usitic chopol ti epajem xae. Biq'uit xavac' abaic c'alal chava'yic li sc'op Dios ti ts'unbil xa ta avo'ntonique, yu'un ja' oy stsatsal xu' chacolic yu'un.