San Juan 16:5 - Bible in Tzotzil de Chenalhó with Deuterocanon

⁵ “Pero li' ta orae ta xa xisut batel ta stojol li Boch'o la stacun tale. Me junuc mu'yuc boch'o tsjac'bun avu'unic ti bu chibate.

Tzotzil Zinacantan

^5-6 ’Chisut xa echꞌel, chba xa jta ti Jtote, jaꞌ ti listac tale. Ti xꞌelan lacalbeique, chavat o avoꞌonic, muꞌnuc chajacꞌbecon ti bu chibate.

Bible in Tzotzil de Chamula

⁵ Ja'uc avi tana li'e, ta xibat ta stojol ti Buch'u laj stacun talele. Ja'uc le'e, mu'yuc buch'u junucal avu'un ta sjac' ti bu ta xibate.

LEQUIL ACH' C'OP

⁵ Pero lavie chibat, chba xa jchi'in ti much'u stacojon tale, pero mi junuc li vo'oxuque muc'bu chajac'becon ti bu chibate;

Tzotzil San Andres

^5-6 ’Chisut xa batel ta stojol li Jtote, jaꞌ ti listac talele. Pero jaꞌ noꞌox at‐oꞌon batem ta avoꞌonic li cꞌalal jech laj calboxuque. Muc un jaꞌ o chajacꞌbecun ti bu chibate.

Tzotzil de Huixtán

⁵ ’Ta xa xisut batel ti stojol ti Jtote ja' ti laj stacun talele. Ho'oxuque, mi junuc muc xajac'bun ti c'u yu'un ti chisut batele.

San Juan 16:5 Iomraidhean Croise

San Juan 13:3

Li Jesuse sna'oj ti i'ac'bat xa ta sc'ob scotol yu'un li Dios Totile, xchi'uc sna'oj ti te liquem tal ta stojol li Diose, xchi'uc ti te ta sut batel noxtoque.

San Juan 13:36

Li Simón Pedroe jech la sjac'be li Jesuse: —Cajval, ¿bu chabat? —xut. Itac'ov li Jesuse: —Ti bu chibate mu to xu' chachi'inun batel ta ora. Ts'acal to xu' chabat —xut.

San Juan 14:28

Laj xa ava'yic ti jech laj calboxuque: ‘Ta xibat, pero ta to xtal jchi'inoxuc. Me ac'anojicune, xcuxet no'ox avo'ntonic ti chibate. Yu'un ja' te chisut batel ta stojol li Jtote. Yu'un ja' ech'em smuc'ul jech chac c'u cha'al li vu'une’, xacutoxuc.

San Juan 16:10

Ta xac'be sna'ic ti tuc' co'ntone, yu'un chiyic'un muyel ta stojol li Jtote. Mu'yuc xa bu chiyilicun o li' ta banamil.

San Juan 16:16

“Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al —xi li Jesuse.

San Juan 16:17

Oy jun chib yajchanc'op jech laj yalbe sbaic: —¿C'usi smelol ti jech laj yalbutique: ‘Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al, ja'o ta xisut batel ta stojol li Jtote’, ti xijyututique?

San Juan 16:28

Te lilic tal ta stojol Jtotic Dios ti liyal tal li' ta banamile. Li' ta orae ta jcomtsan noxtoc li banamile; ta xa xisut batel ta stojol li Jtotic Diose —xi li Jesuse.

San Juan 17:13

“Li' ta orae ta xa xital ta atojol. Ti jech laj cal c'alal li' to oyun ta banamile, yu'un jech j'ech'el ac'o cuxetuc no'ox yo'ntonic o.

San Juan 17:4

“Li vu'une laj xa cac'ot ta ich'el ta muc' li' ta banamil, yu'un laj xa jpas li cabtel laj avac'bun jpase.

San Juan 6:62

¿C'usi chavalic c'alal chavilic chitoy batel yo' bu liquemun tal, vu'un ti Xnich'on cristiano lic'ote?

San Juan 7:33

Li Jesuse jech laj yal: —Li' to oyun ta atojolic jayibuc c'ac'al. Ts'acal ta xibat yo' bu oy li Boch'o la stacun tale.

Hebreos 1:3

Ja' ta sventa ivinaj c'u x'elan slequil yutsil li Diose xchi'uc c'u x'elan stalel. Jech noxtoc ja' ta sventa sc'op, ta sventa svu'el lec oy scotol li c'usitic oye. C'alal ilaj yabtel sventa la xch'aybutic jmultique, ibat chotluc ta sbats'ic'ob Dios ta toyol.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.