San Juan 16:28 - Bible in Tzotzil de Chenalhó with Deuterocanon

²⁸ Te lilic tal ta stojol Jtotic Dios ti liyal tal li' ta banamile. Li' ta orae ta jcomtsan noxtoc li banamile; ta xa xisut batel ta stojol li Jtotic Diose —xi li Jesuse.

Tzotzil Zinacantan

²⁸ Ta melel ti tey lilic tal ti cꞌalal lital liꞌ ta sba balamile. Ta jcomtsan xa li balamile, chisut xa muyel ta vinajel yoꞌ bu ti Jtotic Rioxe ―xiyutoticotic ti Jesuse.

Bible in Tzotzil de Chamula

²⁸ Lilic talel ta stojol ti Jtote yo' lital li' ta banomile. Avi tana un, ta xquicta comel ti banomile, ta xisut batel ti bu oy ti Jtote.”

LEQUIL ACH' C'OP

²⁸ Tey li loc' tal ta stojol Jtotic Riox ti c'alal lital li' ta sba balamile, Lavi une, ta jcomtsan li balamile, yu'un chisut ech'el yo' bu ti Jtotic Rioxe ―x'utatic yu'un ti Jesuse.

Tzotzil San Andres

²⁸ Melel ti te lilic talel ta stojol li Jtotic Dios li cꞌalal lital liꞌ ta balumile. Ta xa xquicta li balumile, chisut xa batel li yoꞌ bu oy li Jtotic Diose ―xijyutcutic li Jesuse.

Tzotzil de Huixtán

²⁸ Melel ti niloc' tal ti stojol ti Jtotic Diose. Nihul li' ti balumile. Hech yu'un tana to ti jcomes ti balumile, yu'un chisut batel ti stojol ti Jtotic Diose ―xiyutuntutic ti Jesuse.

San Juan 16:28 Iomraidhean Croise

San Lucas 24:51

C'alal ja'o chac'be bendicione, itoy batel li Jesuse; i'ic'at muyel ta vinajel.

San Lucas 9:51

C'alal jutuc xa sc'an sta yorail ch-ic'at muyel ta vinajel li Jesuse; solel sujbil yo'nton tsc'an chbat ta Jerusalén.

San Juan 13:1

C'alal yu'un xa ta xlic li q'uin Coltaele, li Jesuse sna'oj ti ja' xa yorail ta scomtsan li banamile ti ta sut batel ta stojol li Stote. Ti c'u x'elan sc'anoj li yu'untac ta sliquebe, ja' jech sc'anoj o c'alal ta slajeb.

San Juan 13:3

Li Jesuse sna'oj ti i'ac'bat xa ta sc'ob scotol yu'un li Dios Totile, xchi'uc sna'oj ti te liquem tal ta stojol li Diose, xchi'uc ti te ta sut batel noxtoque.

San Juan 14:28

Laj xa ava'yic ti jech laj calboxuque: ‘Ta xibat, pero ta to xtal jchi'inoxuc. Me ac'anojicune, xcuxet no'ox avo'ntonic ti chibate. Yu'un ja' te chisut batel ta stojol li Jtote. Yu'un ja' ech'em smuc'ul jech chac c'u cha'al li vu'une’, xacutoxuc.

San Juan 16:10

Ta xac'be sna'ic ti tuc' co'ntone, yu'un chiyic'un muyel ta stojol li Jtote. Mu'yuc xa bu chiyilicun o li' ta banamil.

San Juan 16:16

“Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al —xi li Jesuse.

San Juan 16:30

Laj xa jna'cutic ti oy ta aba ta asat scotole. Muc persauc oy boch'o chayalbot. Jech la jch'uncutic o ti te liquemot tal ta stojol li Diose —xutic.

San Juan 16:5

“Pero li' ta orae ta xa xisut batel ta stojol li Boch'o la stacun tale. Me junuc mu'yuc boch'o tsjac'bun avu'unic ti bu chibate.

San Juan 17:11

“Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

San Juan 17:13

“Li' ta orae ta xa xital ta atojol. Ti jech laj cal c'alal li' to oyun ta banamile, yu'un jech j'ech'el ac'o cuxetuc no'ox yo'ntonic o.

San Juan 17:5

Ja' yu'un Tati, ac'bun xa yan velta jlequilal cutsilal te ta atojol jech chac c'u cha'al jlequilal cutsilal te ta atojol ti c'alal mu'yuc to'ox li banamile.

San Juan 8:14

Itac'ov li Jesuse: —Ac'o me vu'un no'ox ta xcal jc'oplal jtuc, pero oy stu li jc'oplal ta xcale. Yu'un jna'oj ti bu liquemun tale; jna'oj ti bu chibate. Yan li vo'oxuque mu xana'ic bu liquemun tal, xchi'uc mu xana'ic bu chibat noxtoc.

San Juan 8:42

Li Jesuse jech laj yalbe: —Ti ja'uc atotic li Diose, chac'anicun ti jechuque. Yu'un li vu'une te liquemun tal ta stojol li Diose. Muc ta co'ntonuc jtuc ti litale. Ja' la stacun tal li Diose.