San Juan 16:22 - Bible in Tzotzil de Chenalhó with Deuterocanon

²² Ja' no'ox jech ec li vo'oxuque, li' ta orae chavat avo'ntonic, pero ta to xajq'ueloxuc. Jech xcuxet no'ox avo'nton chava'yic; mu'yuc boch'o xu' chaspojboxuc o li xcuxetel avo'ntonique.

Tzotzil Zinacantan

²² Jaꞌ yechoxuc uc, lavie ta to xavat avoꞌonic. Ti cꞌalal chavilic jsat noxtoque, xamuyubajic xa. Mu xa muchꞌu xuꞌ chayacꞌbeic at-oꞌon.

Bible in Tzotzil de Chamula

²² Ja' jech ti vo'oxuc avi tana li'e, mu x'ech' ta xava'iic ti avocolique. Ja'uc c'alal ta xisut talel jq'ueloxuque, ta xlic muyubajanic, jun muyubajel ti mu'yuc buch'u xasmacboxuque.

LEQUIL ACH' C'OP

²² Ja' no'ox yechoxuc uc, lavie ta to xavat avo'onic; pero li vo'one ta to xtal jq'ueloxuc, mu xa c'u yech o avo'onic ti c'alal xavilicone, mu xa much'u xu' cha spojbeic ti jun avo'onique.

Tzotzil San Andres

²² Jaꞌ noꞌox jechoxuc eꞌuc li joꞌoxuque, li avie chavat avoꞌonic, pero cꞌalal chavilic jsat nojtoque, xamuybajic xa. Muꞌyuc xa at‐oꞌon chavaꞌiic.

Tzotzil de Huixtán

²² Ja' no'ox hech ti ho'oxuque chavich'ic mul ti ora to. Li' ti chib oxib c'ac'ali chaq'uelbun jsat yan vuelta, hech nichim no'ox avo'ntonic o. Mu'yuc xa much'u xu' chayac'boxuc ich'mul yan vuelta.

San Juan 16:22 Iomraidhean Croise

Job 34:29

Pero me mu'yuc c'usi chal li Diose, ¿boch'o xu' tstic'be smul? Me tsnac' sat li Diose, ¿boch'o xu' tsq'uel? yu'un ja' stuc sq'ueloj jujun lum xchi'uc jujun cristiano.

Salmos 146:2

Ti c'alal li' to cuxulune, ta xquich' o ta muc' li Muc'ul Diose. Ti c'alal li' to chquich' iq'ue, ta jq'uejinta ta q'ueoj li Dios cu'une.

Salmos 33:21

Ja' yu'un xcuxet no'ox co'ntontic ta stojol, yu'un ja' no'ox jpatoj co'ntontic o yu'un.

Isaías 25:9

Me la sta li sc'ac'alil le'e, jech chalic: “Le'e ja' Dios cu'untic; ja' jpatoj co'ntontic yu'un, yu'un ja' la scoltautic; ja' no'ox Muc'ul Dios ti la jpat co'ntontic ta stojole; xijtse'in no'ox, xcuxet no'ox co'ntontic ta stojol yu'un la scoltautic”, xiic.

Jeremías 31:12

“Ta xtalic, xcuxet no'ox yo'nton chlic q'uejinicuc te ta toyol vits Sión; ja' snutsojic tal c'usi lec chac' li Muc'ul Diose: ja' li trigo, li ya'lel ts'usub, li aceite, li chijetic, xchi'uc li vacaxetique. Ja' jech chc'otic jech chac c'u cha'al ts'unubaltic ti lec at'esbile, jech mu'yuc xa cha'ay svocolic o.

San Mateo 28:8

Li antsetique ta ora iloq'uic ta vombil ton. Ta xi'el xchi'uc ta xcuxetel yo'ntonic ibat yalbeic li yajchanc'optac Jesuse.

San Lucas 10:42

Pero jun no'ox li c'usi tsots sc'oplale. Li Mariae ja' xa la st'uj li c'usi tsots sc'oplale, jech mu'yuc boch'o xu' chpojbat —xut.

San Lucas 16:25

Li Abrahame jech laj yalbe: ‘Totil, na'o ava'ay ti toj lec c'usi laj ata yu'un li ac'ulejal c'alal cuxulot to'oxe. Yan li Lazaroe puru vocol no'ox la sta. Pero li stuque li' xa oy ta lequilal. Li vo'ote te xa chavich' o vocol.

San Lucas 19:26

Itac'ov li ajvalile: ‘Chacalboxuc, scotol li boch'o chtun yu'une, ta x'ac'bat yan. Li boch'o mu xtun yu'une, ta xpojbat sutel ti c'u yepal yich'oje.

San Lucas 24:41

Pero ta sventa ti mu sna'ic lec c'usi chch'unic ta scoj ti toj xcuxet yo'ntonic xchi'uc ti ich'ay yo'ntonique, ja' yu'un jech ijac'batic yu'un li Jesuse: —¿Me oy jutuc ve'lil avu'unic? —x'utatic.

San Juan 14:1

Li Jesuse jech laj yalbe li yajchanc'optaque: —Mu me xlo'ilaj avo'ntonic. Ch'unic ti chascoltaoxuc li Diose, jech ch'unic ti chajcoltaoxuc eq'ue.

San Juan 14:19

Mu xa jaluc li' oyun. Li cristianoetic li' ta banamile mu'yuc xa bu chiyilicun o. Pero li vo'oxuque ta to xavilicun, yu'un li vu'une cuxulun o; ja' no'ox jech chacuxiic ec li vo'oxuque.

San Juan 14:27

“Ta xcac'boxuc comel jun avo'ntonic. Li jun o'ntonal oy cu'une ja' ta xcac'boxuc comel. Li jun o'ntonal chcaq'ue mu jechuc jech chac c'u cha'al chac' li cristianoetique. Ja' yu'un mu me xlo'ilaj avo'ntonic; mu me xaxi'ic.

San Juan 16:16

“Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al —xi li Jesuse.

San Juan 16:20

Ja' melel li c'usi chacalboxuc ava'yique: Li vo'oxuque ta to xa'oq'uic; ta to xavat avo'ntonic. Yan li cristianoetic li' ta banamile xcuxet no'ox yo'ntonic. Pero ac'o me chavat avo'ntonic li vo'oxuque, chlic c'atajuc ta xcuxetel avo'ntonic.

San Juan 16:6

Ja' no'ox puru at-o'nton batem ta avo'ntonic ti c'alal jech laj calboxuc ava'yique.

San Juan 21:7

Li yajchanc'op Jesús ti lec sc'anoj sba xchi'uque, jech laj yalbe li Pedroe: —¡Le'e, ja' li Cajvaltique! —xut. C'alal laj ya'ay Simón Pedro ti “ja' Cajvaltic” xi sc'oplale, ta ora la xchuquin sc'u', yu'un sloc'oj. La sjip sba ochel ta nab, bat sta li Jesuse.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

Hechos 13:52

Li jch'unolajeletic te ta Pisidia banamile toj xcuxet no'ox yo'nton icomic, xchi'uc iventainbat lec yo'ntonic yu'un li Ch'ul Espiritue.

Hechos 16:25

Ta o'lol ac'ubal la sc'opanic Dios li Pablo xchi'uc Silase, xchi'uc iq'uejinic ta sq'ueoj Dios. Te laj ya'yic li yan jchuqueletique.

Hechos 2:46

Bats'i co'ol yo'ntonic la stsob sbaic ta ch'ulna ta Jerusalén. La svoq'uic pan ta naetic; co'ol ive'ic. Xcuxet no'ox yo'ntonic, xchi'uc lec chil sba scotolic.

Hechos 5:41

Iloq'uic batel ta stojol li jchapanvanejetic ta ch'ulnae. Xcuxet no'ox yo'ntonic ti oy sc'oplalic yu'un Dios xu' chich'ic vocol ta sventa li Jesuse.

2 Corintios 6:10

Ac'o me chalic ti chcat xa co'ntoncutique, pero scotol ora xcuxet no'ox co'ntoncutic. Ac'o me me'onuncutic chilic, pero ep xa boch'o la jpascutic ta jc'ulej. Ac'o me solel mu'yuc c'usi oy cu'uncutic, pero jtaojcutic scotol.

2 Tesalonicenses 2:16

Ac'o stsatsubtasboxuc avo'ntonic, ac'o scoltaoxuc stuc li Cajvaltic Jesucristoe xchi'uc li Dios cu'untique. Ja' li Jtotic ti ep la sc'anutique, ti laj yac'butic spatubil co'ntontic sventa sbatel osile, xchi'uc ti ta sventa slequil yo'nton laj yac' ti jech jun co'ntontic ta jmalatic li c'usi yalojbutique, yu'un jech j'ech'el jun avo'nton ja' chapasic o, ja' chavalic o li c'usitic leque.

Hebreos 10:34

Yu'un laj ac'uxubinic li boch'otic ochemic ta chuquele, xcuxet no'ox avo'ntonic ti c'alal lapojbat c'usitic oy avu'unique, yu'un xana'ic ti ja' toj lec li c'usi chc'ot avich'ic te ta vinajele, ti ja' mu'yuc slajebal oe.

Hebreos 6:18

Jech oy chib c'usi mu xlaj sc'oplal laj yal li Diose, ja' svinajeb ti persa chc'ot ta pasel, ti mu ja'uc no'ox ch-epalc'opoje. Jech chpat lec co'ntontic, tstsatsub lec co'ntontic yu'un, vu'utic ti jch'unojtic, ti jpatoj xa co'ntontic ta jtatic li c'usi ta jmalatique.

1 Pedro 1:8

Li vo'oxuque ac'anojic xa li Cajvaltic Jesucristoe, ac'o me mu'yuc to avilojic. Li' ta orae ach'unojic xa, pero mu'yuc to chavilic. Ja' yu'un toj xcuxet no'ox avo'ntonic, toj yan sba yutsil chava'yic, mu xa xana' c'usi chavalic.