San Juan 16:20 - Bible in Tzotzil de Chenalhó with Deuterocanon

²⁰ Ja' melel li c'usi chacalboxuc ava'yique: Li vo'oxuque ta to xa'oq'uic; ta to xavat avo'ntonic. Yan li cristianoetic li' ta banamile xcuxet no'ox yo'ntonic. Pero ac'o me chavat avo'ntonic li vo'oxuque, chlic c'atajuc ta xcuxetel avo'ntonic.

Tzotzil Zinacantan

²⁰ Ta melel chacalbeic, li voꞌoxuque chaꞌoqꞌuic, chavat avoꞌonic. Yan ti muchꞌutic mu xiyichꞌic ta muqꞌue xmuyubajic ti chismilique. Li voꞌoxuque muc bu jal chavat avoꞌonic, tsꞌacal to jun xa avoꞌonic.

Bible in Tzotzil de Chamula

²⁰ Jbel sc'oplal ta xcalboxuc ava'iic, ta xlic oc'anic, ta xavat avo'ntonic, ja'uc ti jnaclejetic ta banomile xmuyubajic xa liquel. Ti jech oyoxuc ta vul o'ntone, ta xlic joybijuc ta muyubajel.

LEQUIL ACH' C'OP

²⁰ Ta melel chacalbeic, li vo'oxuque cha'oq'uic, chavat avo'onic ta jmec, yan li crixchanoetic li' ta sba balamile xmuyubajic xa ta jmec. Ac'u mi ta to xavat avo'onic ta jmec li vo'oxuque, pero ta ts'acal ta xjoyp'ij ta jun avo'onic.

Tzotzil San Andres

²⁰ Melel li cꞌusi chacalbeique, li joꞌoxuque chaꞌoqꞌuic, chavat avoꞌonic. Yan li buchꞌutic mu xiyichꞌic ta muqꞌue jaꞌ xmuybajic o ti chimilee. Pero li joꞌoxuque jliquel noꞌox ti chavat avoꞌonique. Xamuybajic xa ta tsꞌacal.

Tzotzil de Huixtán

²⁰ Melel ti c'usi chacalbeique, ho'oxuque cha'oq'uic, chavich'ic mul. Ja'uc ti crixchanoetique nichim no'ox yo'ntonic. Ho'oxuque j'oc' no'ox chavich'ic mul, patil nichim no'ox avo'ntonic o.

San Juan 16:20 Iomraidhean Croise

Job 20:5

¿Me mu xana' ti mu jaluc xcuxet yo'ntonic li boch'otic chopolique, xchi'uc ti jliquel no'ox lec stse'inic li boch'otic mu'yuc ta yo'ntonic Diose?

Salmos 30:11

Laj xa ac'atajesbun ta ac'ot li at-o'ntone; laj xa aloq'uesbun li c'u'il ti ch'ixlajan ta lapele, ja' xa laj avac'bun li c'u'il sventa q'uine.

Salmos 30:5

C'alal chlic sc'ac'al yo'ntone, jliquel no'ox; yan li slequil yo'ntone mu xlaj o sbatel osil. Me chcoc'ta jbatic ta ac'ubaltique, ta sacubel osile xcuxet xa'ox co'ntontic.

Salmos 97:11

Xojoban luz ta stojol li boch'o tuc' yo'ntone; oy xcuxetel yo'nton li boch'o lecuben xa yo'ntone.

Isaías 12:1

C'alal me la sta sc'ac'alile, jech chavalic: “Muc'ul Dios, ta jtojbot ta vocol; ac'o me la'ilin to'ox ta jtojol, pero li sc'ac'al avo'ntone ijelov xa batel; laj xa avac'bun smuc'ul co'nton.

Isaías 61:3

Li boch'otic te oyic ta Sione, tal jc'atajesbe ta scoronaic li tan chac' ta sjolique; tal jc'atajesbe ta muil poxil sventa xcuxet no'ox yo'ntonic li at-o'nton cha'yique. Tal jc'atajesbe ta lequil natil c'u'il li svocol yo'ntonique, jech chlic albatuc sc'oplalic: “muc'tiquil tsatsal te' ti lec tuq'uique”, xi sc'oplalic, yu'un ja' sts'unben stuc li Muc'ul Diose; ja' sventa ac'o vinajuc li smuc'ul stsatsale.

Isaías 66:5

Vo'oxuc ti avich'ojbeic ta muc' sc'op li Muc'ul Diose, a'yo ava'yic li c'usi yaloje: “Li avuts' avalalic ti chopol chayiloxuque, ti chasnutsoxuc batel ta scoj ti acuchojbicun jbie, jech chalic: ‘Ich'ic ta muc' quic li Muc'ul Diose; ta jc'an ta jq'uelcutic me chata xcuxetel avo'ntonic yu'un’, xiic. Pero ja' stuquic chyalic ta q'uexlal.

Jeremías 31:25

Ta xcac'be ep sve'elic li boch'otic lubenique; ta jnojesbe lec xch'utic li boch'otic ch-alubic xae”, xi li Muc'ul Diose.

San Mateo 21:38

Pero c'alal laj yilic boch'o sventainojic ti ja' xa xnich'on yajval osil itale, jech laj yalbe sbaic: ‘Le'e ja' xa ta xich'be comel c'usitic oy yu'un li stote. Ja' lec jmiltic, jech vu'utic ta xquich'betic o comel li c'usi sc'oplal chich'e’, xut sbaic.

San Mateo 5:4

“Xcuxet no'ox yo'nton li boch'o ta x'oq'uique, yu'un ja' ta x'ac'bat smuc'ul yo'ntonic.

Marcos 14:72

Ja'o i'oc' xcha'oq'uelal cots. Te ivul ta sjol Pedro ti jech ono'ox albil yu'un li Jesuse: ‘C'alal mu'yuc to'ox oq'uem chib velta cotse, oxib xa'ox velta laj amucun ta avo'nton’, x'utat ono'ox. C'alal it'ab ta yo'nton c'usi albil li Pedroe, lic yoc'ta sba.

Marcos 16:10

Li Mariae ibat yalbe ya'yic li boch'otic la xchi'inic to'ox li Jesuse. Te chat yo'ntonic, te ch-oq'uic c'ot sta.

San Lucas 22:45

C'alal ilaj yo'nton ta sc'opanel Diose, isut tal yo' bu oyic li yajchanc'optaque. Vayemic vul sta ta scoj at-o'nton.

San Lucas 22:62

Li Pedroe iloc' batel; bats'i ep laj yoc'ta sba.

San Lucas 23:27

Bats'i ep viniquetic te ta lum la xchi'inic batel li Jesuse, xchi'uc ep antsetic ibatic ec. Te choc'taic batel li Jesuse.

San Lucas 24:17

Jech ijac'batic yu'un li Jesuse: —¿C'usi ti chalo'iltaic tal ta be laj ca'ye? —xut. Te iva'iic, ep chat yo'ntonic.

San Lucas 24:21

Li vu'uncutique la jch'uncutic ti ja' tal scolta ta svocol li israeletique. Li' tanae yoxibal xa c'ac'al ti jech ic'ot ta pasele.

San Lucas 6:21

“Cuxetuc no'ox avo'ntonic vo'oxuc ti chavi'najic li' ta orae, yu'un ta to sta yorail chnoj ach'utic. “Cuxetuc no'ox avo'ntonic vo'oxuc ti cha'oq'uic li' ta orae, yu'un ta to xatse'inic.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

San Juan 16:6

Ja' no'ox puru at-o'nton batem ta avo'ntonic ti c'alal jech laj calboxuc ava'yique.

San Juan 20:20

C'alal laj yal jeche, laj yac'be yilic li sc'obe xchi'uc li xocone. Jech xcuxet no'ox yo'ntonic li yajchanc'optaque, yu'un laj xa yilic li Cajvaltique.

Hechos 5:41

Iloq'uic batel ta stojol li jchapanvanejetic ta ch'ulnae. Xcuxet no'ox yo'ntonic ti oy sc'oplalic yu'un Dios xu' chich'ic vocol ta sventa li Jesuse.

Romanos 5:11

Pero ma'uc no'ox xcuxet co'ntontic ti colemutic xae, toj jun no'ox co'ntontic ta stojol Dios noxtoc ta sventa li Cajvaltic Jesucristoe, yu'un ja' ta sventa ti lec xa jc'opan jba jchi'uctic li Diose.

2 Corintios 6:10

Ac'o me chalic ti chcat xa co'ntoncutique, pero scotol ora xcuxet no'ox co'ntoncutic. Ac'o me me'onuncutic chilic, pero ep xa boch'o la jpascutic ta jc'ulej. Ac'o me solel mu'yuc c'usi oy cu'uncutic, pero jtaojcutic scotol.

Gálatas 5:22

Yan li yabtel Ch'ul Espiritue ja' jech chac li'i: ta jc'anan jbatic, xcuxet no'ox co'ntontic, jun no'ox co'nton jcotoltic, oy smuc'ul co'ntontic, lec no'ox chijc'opojutic, oy slequil co'ntontic, oy xch'unojel co'ntontic,

1 Tesalonicenses 1:6

Jech ja' laj achanbun co'ntoncutic ec li vo'oxuque, xchi'uc laj achanbeic yo'nton li Cajvaltique. Xcuxet no'ox avo'ntonic ta sventa Ch'ul Espíritu laj ach'unic li sc'op Diose, ac'o me ep avocolic.

Santiago 1:2

Quermanotac, cuxetuc no'ox avo'ntonic c'alal me chtal ep ta chop preva ta atojolique,

Judas 1:24

Li Dios ti stuc no'oxe, ti ja' Jcoltavanej cu'untique, xu' yu'un chaxchabioxuc, yu'un jech mu xayalic ta spasel li c'usi chopole, jech mu'yuc amulic ti c'alal chc'ot ava'an abaic ta xch'ul lequilale. Jech toj xcuxet no'ox avo'ntonic. Ja' yu'un stuc no'ox ac'o albatuc slequilal, ac'o spas mantal, ac'o sventain ta svu'el stsatsal stuc li' ta ora ta sventa li Jesucristoe, xchi'uc c'alal to ta sbatel osil. Jechuc.

Apocalipsis 11:10

Li jnaclumetic ta banamile xcuxet no'ox yo'ntonic, stse'inic no'ox ti c'alal chilic ichamic xae. Jech ta xac'anbe sba smoton jujunic. Yu'un c'alal cuxulic to'oxe, ja' laj yac'beic ep svocol li jnaclumetic ta banamile.

Apocalipsis 18:7

Ti c'u yepal la stoy sbae xchi'uc ti jayib velta la spas c'usitic lec cha'ay stuque ja' jech yepal vocol, ja' jech yepal at-o'nton chich'. Yu'un jech chal ta yo'nton: ‘Li vu'une chotolun lec ta jchotleb jech chac c'u cha'al jun me' ajvalil. Mu ja'uc jechun jech chac c'u cha'al jun me'on ants; mu'yuc c'usi ora chquil ta jsat chi'oc'’, xi.