San Juan 16:17 - Bible in Tzotzil de Chenalhó with Deuterocanon

¹⁷ Oy jun chib yajchanc'op jech laj yalbe sbaic: —¿C'usi smelol ti jech laj yalbutique: ‘Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al, ja'o ta xisut batel ta stojol li Jtote’, ti xijyututique?

Tzotzil Zinacantan

¹⁷ ―¿Cꞌusi smelol taj xꞌelan chale: “Mu xa bu jal liꞌ chavilicone. Oy jun chib cꞌacꞌal ti mu xavilicone. Tsꞌacal to chavilicon noxtoc. Más to tsꞌacal chibat yoꞌ bu ti Jtote”, ti xiyutotique?

Bible in Tzotzil de Chamula

¹⁷ Oy jlom ti yajchanc'optaque xi lic sjac'be sbaic ta jujun tale: —¿C'usi smelol ta xac' ta na'el taje? Ta xal ti ‘mu xa jaluc li' oyun ta atojolic ti ta xavilicune’. Ta xal ti ‘ts'acal to ta xtal ti ta xavilicune’. ¿C'usi taje, ti ta xbat bu oy ti Totile?

LEQUIL ACH' C'OP

¹⁷ Oy jayvo' yajchanc'optac tey isjac'ulanbe sbaic: —¿C'usi smelol ti x'elan chale? Mu xa bu jal li' chavilicone pero le' c'alal jayib c'ac'ale ta to xavilicon jayibuc c'ac'al noxtoc, yu'un ta to xi sut ech'el yo bu ti Jtote, ti xie.

Tzotzil San Andres

¹⁷ Oy chaꞌoxvoꞌuncutic, joꞌoncutic li yajchanbalajeltacuncutique, jech laj calbe jbacutic: ―¿Cꞌu sba smelol ti jech laj yalbutique: “Mu xa jaluc liꞌ chavilicune. Oy jun chib cꞌacꞌal ti muc bu chavilicune. Tsꞌacal to chavilicun nojtoc. Ta tsꞌacal chisut batel li yoꞌ bu oy li Jtote”, ti xijyututique?

Tzotzil de Huixtán

¹⁷ Oy cha'vo' oxvo'untutic ho'ontutic ti yajchanc'opuntutique hech laj jac'be jbatutic: ―¿C'usi sjam ti chijyalbucutique: J'oc' xa no'ox chaq'uelbun jsat. Jun chib c'ac'al mu xaq'uelbun jsat. Patil chaq'uelbun jsat yan vuelta. Patil chisut batel ti stojol ti Jtote, ti xijyutucutique? ―xcut jbatutic―.

San Juan 16:17 Iomraidhean Croise

Marcos 9:10

Jech mu'yuc boch'o laj yalbeic; te no'ox la xchabi ta yo'ntonic. Ja' no'ox ilo'ilaj stuquic ta sventa c'usi smelol ti ta xcha'cuxi loq'uel ta smuquinale.

Marcos 9:32

Li yajchanc'optaque muc xa'ibeic smelol ti jech i'albatique. Pero muc xa sjaq'uic noxtoc, yu'un ta xi'ic ta sjac'bel.

San Lucas 18:34

Pero li yajchanc'optaque muc xa'ibeic smelol ti jech i'albatique. Muc x'ac'bat sna'ic c'usi smelol. Yu'un muc to chc'ot ta yo'ntonic.

San Lucas 9:45

Li yajchanc'optaque muc xa'ibeic smelol li c'usi laj yale, yu'un mu to x'ac'bat ya'yic c'usi smelol. Pero ixi'ic ta sjac'bel smelol noxtoc.

San Juan 12:16

Li yajchanc'optaque muc to'ox xa'ibeic smelol ti c'alal jech ic'ot ta pasele. Ja' to ti c'alal i'ac'at ta ich'el ta muq'ue, ja' to la sna'ic ti ja' sc'oplal ti jech ts'ibabil comel jech chac c'u cha'al ic'ot ta pasel ta stojole.

San Juan 14:22

Jech laj yal li Judase, pero mu ja'uc li Judas Iscariotee: —Cajval, ¿c'u yu'un ti vu'uncutic no'ox chavac' aba ta ilel ta jtojolcutique? ¿C'u yu'un mu xavac' aba ta ilel ta stojol ec li cristianoetique? —xut.

San Juan 14:5

Li Tomase jech laj yal: —Cajval, mu jna'cutic bu chabat. ¿C'uxi xu' ta jna'becutic bu xbat sbelal? —xut.

San Juan 16:1

“Ti jech laj calboxuc ava'yic scotole, yu'un jech mu xchibaj avo'ntonic ti c'alal chc'ot ta pasele.

San Juan 16:16

“Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al —xi li Jesuse.

San Juan 16:18

¿C'usi smelol ti ‘mu xa epuc c'ac'al’, xie? Mu xca'ibetic smelol li c'usi ta xale —xiic.

San Juan 16:19

Li Jesuse la sna' ti tsc'an tsjac'beic smelole, ja' yu'un jech laj yalbe: —Ta jna' ti chajac'be abaic ta sventa ti jech laj cale: ‘Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc c'ac'al’, ti xacutoxuque.

San Juan 16:5

“Pero li' ta orae ta xa xisut batel ta stojol li Boch'o la stacun tale. Me junuc mu'yuc boch'o tsjac'bun avu'unic ti bu chibate.