San Juan 15:8 - Bible in Tzotzil de Chenalhó with Deuterocanon

⁸ Me chasatinic leque, jech ich'bil ta muc' chc'ot avu'unic li Jtote. Jech chvinaj ti vo'oxuc cajchanc'opoxuque.

Tzotzil Zinacantan

⁸ Mi jaꞌ chapasic cꞌusi tscꞌan ti Jtote, jaꞌ ch-ichꞌe o ta mucꞌ. Jaꞌ chvinaj o ti achꞌunojic ti cꞌusitic lacalbeique.

Bible in Tzotzil de Chamula

⁸ Ti jech taj une, ta xvinaj yutsilal slequilal ti Jtote, ta sventa ti yepal no'ox ti oy c'usi lec ta xapasique, xchi'uc ta xac'otic ta bats'i cajchanc'optac.

LEQUIL ACH' C'OP

⁸ Ti jtote ja' ichbil ta muc' chc'ot o mi ep cha satinique, ja' chvinaj o ti vo'oxuc cajchanc'opoxuc ta melele.

Tzotzil San Andres

⁸ Mi jaꞌ chapasic li cꞌustic leque, jaꞌ ta xꞌichꞌe o ta mucꞌ li Jtote. Jech ta xvinaj ti la achꞌunic jech chac cꞌu chaꞌal la jchanubtasoxuque.

Tzotzil de Huixtán

⁸ Mi chapasilanic ti c'usi leque, ja' tspasat ti muc' ti Jtote. Hech chavaq'uic ti q'uelel ti ho'oxuc cajchanc'opoxuque.

San Juan 15:8 Iomraidhean Croise

Isaías 60:21

“Li jnaclumetic avu'une tuc' yo'nton chc'otic o; sbatel osil chu'uninic o li yosilalique. Yu'un ja' sq'uelum li te' ti vu'un la jts'une; yu'un ja' yabtel coc jc'ob jtuc, ja' sventa ac'o vinajuc li jmuc'ul jtsatsale.

Isaías 61:3

Li boch'otic te oyic ta Sione, tal jc'atajesbe ta scoronaic li tan chac' ta sjolique; tal jc'atajesbe ta muil poxil sventa xcuxet no'ox yo'ntonic li at-o'nton cha'yique. Tal jc'atajesbe ta lequil natil c'u'il li svocol yo'ntonique, jech chlic albatuc sc'oplalic: “muc'tiquil tsatsal te' ti lec tuq'uique”, xi sc'oplalic, yu'un ja' sts'unben stuc li Muc'ul Diose; ja' sventa ac'o vinajuc li smuc'ul stsatsale.

Hageo 1:8

Batanic ta vitsetic, bat ich'ic tal te'etic; cha'va'anic li ch'ulna cu'une. Jech xcuxet no'ox co'nton ta jnain, jech te chi'ich'at ta muc'.

San Mateo 5:16

Ja' jech tsc'an xaxojobanic ta stojol cristianoetic li vo'oxuque, yu'un jech ac'o yilic ti toj lec avabtelique, jech chlic yich'ic ta muc' li Jtotic Dios te oy ta vinajele.

San Mateo 5:44

Pero vu'un chacalboxuc: c'uxubino avajcontraic; c'opanbeic Dios ta stojol li boch'otic chayuts'intaoxuque.

San Mateo 9:8

C'alal laj yilic li epal cristianoetique, ch'ayel ic'ot yo'ntonic. Laj yalbeic slequilal Dios ta sventa ti jech yac'oj tal svu'el ta stojol li cristianoetique.

San Lucas 6:35

Li vo'oxuque tsc'an chac'anic li avajcontraique. Pasic c'usi lec. Ac'o ta q'uexel c'usi oy avu'unic, ac'o me mu'yuc c'usi chataic, jech cha'ac'bat ep amotonic ta vinajel. Jech chvinaj ti vo'oxuc xnich'naboxuc Diose. Yu'un li Diose ja' jech slequil yo'nton ta stojol li boch'otic mu sna' stojic ta vocole, ti chopol yo'ntonique.

San Juan 13:35

Me jech chapasique, jech ta sna'ic o scotol cristianoetic ti vo'oxuc cajchanc'opoxuque —xut yajchanc'optac li Jesuse.

San Juan 15:5

“Vu'un li smuc'ta aq'uilun ts'usube. Li vo'oxuque sc'obc'oboxuc ts'usub. Li boch'o li' oy o ta jtojole, te oyun o ta stojol ec, jech xu' yu'un ep ta satin. Yu'un me avoc'oj abaic ta jtojole, mu'yuc c'usi xu' avu'un atuquic.

San Juan 8:31

Li Jesuse jech laj yalbe li boch'otic la xch'unique: —Me j'ech'el chach'unic o li c'usi laj calboxuque, ta melel vo'oxuc mero jch'unolajeloxuc cu'un chac'otic.

1 Corintios 10:31

pero ti c'alal chijve'e, ti c'alal oy c'usi chcuch'tique, xchi'uc scotol li c'usiuc no'ox ta jpastique, ac'o jpastic ta sventa lec chbat sc'oplal cu'untic li Diose.

1 Corintios 6:20

Yu'un toyol atojol la stojoxuc li Diose, ja' yu'un tsc'an chavich'ic ta muc' Dios xchi'uc li abec'talique.

Filipenses 1:11

Jech noxtoc ja' ac'o apasic li c'usitic tuc' ta pasele, ja' ta sventa Jesucristo xu' avu'unic, jech ch-ich'at ta muc', jech lec chbat sc'oplal avu'unic li Diose.

SUN TITO 2:10

Mu me smucul elc'anbeic c'usi oy yu'un li yajvalique. Ac'o yaq'uic ta ilel ti tuc' yo'ntonique, yu'un jech lec chbat sc'oplal li lequil chanubtasel yu'un Diose, ja' li Jcoltavanej cu'untique.

SUN TITO 2:5

ti ac'o sq'uel sbaic leque, ti ja' ac'o spasic c'usi leque, ti ac'o sq'uel lec yut snaique, ti ac'o oyuc slequil yo'ntonique, xchi'uc ti ac'o xch'unbeic smantal smalalique, yu'un jech mu xchopolc'optaat yu'unic li sc'op Diose.

1 Pedro 2:12

Lecuc me c'usi chapasic ta stojol li boch'otic mu'yuc yich'ojic ta muc' Diose. Ac'o me chal ac'oplalic ti chopol c'usi chapasique, pero c'alal chilic ti lec c'usitic chapasique, chalbeic slequilal Dios ti c'alal chtal chapanvanuque.

1 Pedro 4:11

C'alal me oy boch'o chc'opoje, ja' ac'o yal jech chac c'u cha'al chal li sc'op Diose. Me oy boch'o tsc'an ta xtune, ac'o spas ti c'u x'elan stsatsal ac'bil yu'un Diose. Scotol li c'usitic chapasique, ac'o ja'uc sventa ch-ich'at ta muc' Dios avu'unic ta sventa li Jesucristoe, yu'un ja' no'ox ich'bil ta muc', ja' no'ox oy svu'el sbatel osil. Jechuc.