San Juan 15:7 - Bible in Tzotzil de Chenalhó with Deuterocanon

⁷ “Me li' oyoxuc o ta jtojole, me te oy o ta avo'ntonic li jc'ope, xu' chac'anbeic Dios scotol li c'usi chac'anique, jech chayac'boxuc.

Tzotzil Zinacantan

⁷ ’Mi jꞌechꞌel chavichꞌicon ta muqꞌue, mi jꞌechꞌel chachꞌunic li cꞌusitic chacalbeique, xuꞌ xacꞌanbeic Riox ti cꞌusitic chacꞌanique, chayacꞌbeic.

Bible in Tzotzil de Chamula

⁷ “Mi staoj yav nabaloxuc ta jtojole, mi mu xch'ay ta avo'ntonic ti c'u s'elan laj jchanubtasoxuque, c'anbeic ti c'usi ta xac'anique, ta xa'ac'batic.

LEQUIL ACH' C'OP

⁷ »Mi li' nap'aloxuc o ta jtojole, mi chapasic li c'usitic cha jchanubtasic oe, c'anic ti c'usitic chac'anique cha'ac'batic.

Tzotzil San Andres

⁷ ’Mi chavichꞌicun o ta muqꞌue, mi te oy o ta avoꞌonic li jcꞌope, xuꞌ chacꞌanbeic Dios scotol li cꞌusi chacꞌanique jech chayacꞌbeic.

Tzotzil de Huixtán

⁷ ’Mi chacomic ti jtojole, mi chavac' ti avo'ntonic ti jc'ope, xu' chac'ambeic ti Diose scotol ti c'usi tsc'an ti avo'ntonique. Hech cha'ac'batic.

San Juan 15:7 Iomraidhean Croise

1 Reyes 3:5

Oy jun ac'ubal laj yac' sba ta ilel Muc'ul Dios ta xvayech li Salomón c'alal te oy ta Gabaone. Jech i'albat: “C'anbun li c'usi chac'ane chacac'bot”, x'utat.

Job 22:26

Ja' mero xcuxetel avo'nton chc'ot, jech jun avo'nton xu' chatoy asat ta stojol.

Job 23:12

Mu'yuc la jbajbe li smantaltaque; ja' toj tsots sc'oplal laj ca'ibe li sc'ope; ja' xcom laj ca'ay li jve'ele.

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 37:4

Ja' no'ox ac'o avo'nton o ta stojol li Muc'ul Diose, jech ja' chayac'bot li c'usi oy ta avo'nton chac'anbee.

Proverbios 10:24

Li boch'o chopole ja' chtal ta stojol li c'usi chi' yu'une; yan li boch'o tuc' yo'ntone ja' tsta li c'usi tsc'ane.

Proverbios 4:4

Li jtote ja' jech la xchanubtasun chac li'i: “Comtsano me ta avo'nton ti c'u x'elan chajchanubtasote; ch'uno me li jmantal chacalbote, jech lec chabat.

Isaías 58:8

Me jech chapasique, ta sacub osil avu'unic jech chac c'u cha'al chvoc' tal yibel vinajel. Mu xa jaluc chbat yo' xu' chavil chataic li coltaele. Ja' ba'yucbe chbat avu'unic li alequil atuq'uilique; ja' chaxchabioxuc batel ta apatic li jxojobale.

Jeremías 15:16

C'alal lac'opanune, xco'laj xchi'uc la jve' ya'yel li ac'ope; ja' mero spatubil co'nton, xcuxetel co'nton ic'ot. Avu'unun o, vo'ot li Muc'ul Diosot ti chapas ta mantal scotol te ta vinajele.

San Mateo 7:7

“C'anilanic, cha'ac'batic. Sa'ilanic, chataic. C'opojanic, chajambatic.

San Juan 14:13

Scotol c'usiuc chac'anbeic ta jbi li Totile, vu'un ta xcac'boxuc, yu'un jech ich'bil ta muc' ac'o c'otuc ta jventa li Totile.

San Juan 15:16

Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

San Juan 16:23

“C'alal jech chc'ot ta pasele, mu'yuc xa c'usi chajac'bicun. Ja' melel li c'usi chacalboxuc ava'yique: Scotol c'usi chac'anbeic ta jbi li Totile chayac'boxuc.

San Juan 8:31

Li Jesuse jech laj yalbe li boch'otic la xch'unique: —Me j'ech'el chach'unic o li c'usi laj calboxuque, ta melel vo'oxuc mero jch'unolajeloxuc cu'un chac'otic.

San Juan 8:37

Jna'oj ti vo'oxuc smomnich'onoxuc li Abrahame, pero chac'an chamilicun. Ja' ta scoj ti me jutuc mu xc'ot ta avo'ntonic li jc'ope.

Gálatas 4:2

Mu to xu' chich', yu'un ventainbil to, chabibil yu'un li boch'o tsts'itesvanique, ja' to me ista ti jayib jabil yaloj li totile.

Gálatas 5:16

Ja' yu'un chacalboxuc, ja' pasic c'usi tsc'an li Ch'ul Espiritue, yu'un jech mu ja'uc chaspasoxuc ta mantal li abec'talique.

Deuteronomio 6:6

“Ac'o ta avo'nton scotol li c'usitic laj calbot li' ta orae.

Colosenses 3:16

Ac'o c'otuc lec ta avo'ntonic c'usi chal li sc'op Cristoe. Chanubtaso abaic; taq'uio abaic ta sventa scotol li bijubtasele. Q'uejinanic, tojbeic ta vocol Dios ta sventa q'ueojetic, ta salmoetic xchi'uc ta bic'tal q'ueojetic.

1 Juan 2:14

Jnich'nabtac, ta jts'ibaboxuc tal li'i, yu'un laj xa avotquinic li Jtotic Diose. Totil me'iletic, ta jts'ibaboxuc tal li'i, yu'un laj xa avotquinic li Boch'o te ono'ox oy ta sliquebale. Querem tsebetic, ta jts'ibaboxuc tal li'i, yu'un oy xa lec stsatsal avo'ntonic, xchi'uc oy xa ta avo'ntonic li sc'op Diose, xchi'uc laj xa atsalic li pucuje.

1 Juan 2:27

Pero li vo'oxuque, te oy o ta atojolic li Ch'ul Espíritu ti laj yac'boxuc Cristoe, jech voc'biloxuc xa o yu'un, jech mu xa persauc oy boch'o yan ta xchanubtasoxuc. Ja' xa stuc Ch'ul Espíritu ta xac' ana'ic scotol; puru melelic c'usi chal, mu epalc'opuc. Te me oyanic o ta stojol li Cristoe, jech chac c'u cha'al la xchanubtasoxuc li Ch'ul Espiritue.

1 Juan 3:22

Jech chiyac'butic scotol li c'usitic ta jc'anbetique, yu'un ta jch'unbetic li smantaltaque, yu'un ja' ta jpastic li c'usi tsc'ane.

1 Juan 5:14

Jtaoj xa spatubil co'ntontic ta stojol li Diose, jech c'alal oy c'usi ta jc'anbetic jech chac c'u cha'al tsc'an stuque, ta jna'tic ti ta xa'ay jc'optique.