San Juan 15:24 - Bible in Tzotzil de Chenalhó with Deuterocanon

²⁴ Ti mu'yucuc la jpas sq'uelubil jtsatsal ta stojolic ti mu'yuc boch'o yan xu' yu'un jech tspase, mu'yuc smulic ti jechuque. Pero li' ta orae laj xa yilic, pero la sbajicun, xchi'uc laj xa sbajic li Jtote.

Tzotzil Zinacantan

²⁴ Ti manchuc icacꞌbe yilic li jlequilal jyuꞌelale ti muc muchꞌu xuꞌ tspas yeche, muc xvinaj ti oy smulic ti yechuque. Pero lavie mu xuꞌ chalic ti chꞌabal smulique yuꞌun chopol iyilic ti cꞌusitic ijpasticotic xchiꞌuc ti Jtote.

Bible in Tzotzil de Chamula

²⁴ Ti manchucuc laj staic ta ilel ti jtuc xa no'ox oy c'usi laj jpas ta stojolique, mu'yuc smulic ti jechuque. Le'e laj xa yilic un. Manchuc mi jech laj yilic ti c'usi laj jpase, xti'et sjolic ta jtojol, xchi'uc xti'et sjolic ta stojol ti Jtote.

LEQUIL ACH' C'OP

²⁴ Ti manchuc icac' ta ilel ta stojolic ti c'usitic muc' much'u yan yech spasoje, mu c'usi smulic ti yechuque; pero lavie iyilic xa, ac'u mi iyilic un, pero chopol chiyilic xchi'uc ti jtote.

Tzotzil San Andres

²⁴ Ti manchuc laj cacꞌbe yilic jtsatsal juꞌel ti muc buchꞌu yan xuꞌ jech ta spase, muc bu xvinaj mi chopol li yoꞌonic ti jechuque. Li avie mu xa xuꞌ chalic ti lec yoꞌonique yuꞌun chopol iyilic li cꞌustic la jpascutic schiꞌuc li Jtote.

Tzotzil de Huixtán

²⁴ Ti manchuc laj cac'be sq'uelic ti jchop o abteletique ti mu'yuc much'u yan xu' tspas heche, muc xvinaj ti oy smulique. Ja'uque yu'un ti laj xa sq'uelbun cabteltutic xchi'uc ti Jtote, mu xu' chalic ti mu'yuc ti smulique. Yu'un ja' no'ox más laj yilintauntutic.

San Juan 15:24 Iomraidhean Croise

Salmos 81:15

Li boch'otic chopol chilic Muc'ul Diose ta xyalic ta lum ta scoj xi'el; sbatel osil chbat stoj smulic o.

Éxodo 20:5

Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Proverbios 8:36

Yan li boch'o tsa' smul ta jtojole ta sa' svocol stuc; li boch'o chisbajune yu'un xa ja' tsc'an o li lajele”, xi.

San Mateo 11:5

Li ma'satetique ta xilic xa osil. Li coxoetique ta xanovic xa. Li jc'a'el chameletique icolic xa. Li boch'otic macal to'ox xchiquinique ijam xa xchiquinic. Li animaetique icha'cuxiic xa. Li me'onetique icholbat xa ya'yic li Lequil A'yeje.

San Mateo 21:32

Yu'un ti ital ta atojolic li Juan j'ac'vanej ta vo'e, ja' tal yalboxuc li c'usi lec chapasique, pero muc xach'unic. Yan li jtsobpatanetic xchi'uc li jmulavil antsetique ja' la xch'unic. C'alal la xch'unique, muc xasutes avo'ntonic ec li vo'oxuque; muc xach'unic o.

San Mateo 9:33

C'alal iloc' li pucuje, lic c'opojuc li vinique. Toj ch'ayel ic'ot yo'ntonic li epal cristianoetique, jech laj yalic: —Mu'yuc baq'uin jech xquiltic li' ta Israel —xiic.

Marcos 2:12

Ta ora ilic li jchamele; laj yich' batel li svayabe, te sq'ueloj scotolic iloc' batel. C'alal laj yilique, toj labal laj ya'yic scotolic. Laj yalbeic slequilal Dios, jech laj yalbe sbaic: —Mu'yuc ono'ox bu jech xquiltic —xiic.

San Lucas 24:19

Itac'ov li Jesuse: —¿C'usi ic'ot ta pasel? —xi. Itac'ovic: —Yu'un la smilic li Jesús liquem ta Nazarete. Ja' jun yaj'alc'op Dios. Oy lec svu'el ta sventa c'usi tspas, xchi'uc ta sventa sc'op ta stojol Dios, xchi'uc ta stojol cristianoetic.

San Juan 10:32

Li Jesuse jech laj yal: —Puru lequil abtel la jpas ta sventa li Jtote. ¿Bu chopol la jpas ti chac'an chamilicun ta tone? —xut.

San Juan 10:37

Me mu ja'uc yabtel Jtot ta jpas chavilique, mu me xach'unic ti vu'un Xnich'onune.

San Juan 12:10

Li banquilal paleetique la snopic ti ja' lec tsmilic ec li Lazaroe.

San Juan 12:45

Li boch'o chiyilicune ja' xa laj yilic o li Boch'o la stacun tale.

San Juan 14:9

Li Jesuse jech laj yalbe: —Ep xa c'ac'al li' jchi'inojoxuc. ¿Me mu to xavotquinun, Felipe? Li boch'otic laj xa yilicune laj xa yilic o li Jtote. ¿C'u yu'un chavalbun: ‘Ac'bun cotquincutic li Jtotic Diose’, xachi?

San Juan 15:21

Ti jech ta spasboxuque vu'un ta jcoj, yu'un mu xotquinic li Boch'o la stacun tale.

San Juan 15:22

“Ti manchuc litale, ti manchuc tal jc'opanique, mu'yuc smulic ti jechuque. Li' ta orae mu xa c'usi xu' chalic, yu'un oy smulic o.

San Juan 15:23

Li boch'o chisbajune sbajojic o ec li Jtote.

San Juan 16:9

Ta xac'be sna'ic ti oy smulique, yu'un mu xixch'unicun.

San Juan 3:2

Li Nicodemoe i'ay sc'opan ta ac'ubaltic li Jesuse, jech laj yalbe: —Jchanubtasvanej, ta jna'cutic ti ta sventa Dios talemot, yu'un tal achanubtasuncutique. Yu'un li boch'o mu'yuc chi'inbil yu'un Diose, mu xu' yu'un tspas sq'uelubiltac stsatsal jech chac c'u cha'al chapase —xut.

San Juan 5:36

Li Juane ja' no'ox laj yalboxuc ava'yic jc'oplal. Pero li vu'une ta sventa cabtel ta xac'bun jpas li Jtote ja' ta svinajes ti ja' tacbilun tal yu'une.

San Juan 6:36

Pero laj xa calboxuc, ac'o me chavilicun, mu xach'unicun.

San Juan 7:31

Oy ono'ox ep cristianoetic la xch'unic li Jesuse, jech laj yalic: —C'alal ta xtal li Cristoe, ¿me yu'un ech'em to jech ta spas sq'uelubil stsatsal jech chac c'u cha'al ta spas li'i? —xiic.

San Juan 9:32

C'alal ilic tal banamile, mu'yuc bu xca'itic ti oy boch'o xu' yu'un ta sjambe sat li boch'o ma'sat ono'ox c'alal ivoq'ue.

San Juan 9:41

Itac'ov li Jesuse: —Ti ma'satucoxuque, mu'yuc amulic ti jechuque. Pero ta sventa chavalic ti jamal asatique, jech te acuchoj o amulic —xut.

Hechos 10:38

Xchi'uc xana'ic noxtoc ti i'ac'bat yich' Ch'ul Espíritu yu'un Dios li Jesús liquem tal ta Nazarete, xchi'uc ti i'ac'bat ep stsatsale. Buyuc no'ox ixanov la scoltaan ep cristianoetic, xchi'uc la scoltaan li boch'otic uts'intabilic yu'un pucujetique. Scotol ivu' yu'un, yu'un chi'inbil yu'un Dios.

Hechos 2:22

“Jchi'iltac israeletic, a'yo ava'yic c'usi ta xcal. Li Jesús liquem tal ta Nazarete, laj avilic lec ti ja' jun vinic t'ujbil yu'un Dios ta melele, yu'un la spas tsots sq'uelubil, tsots senyail xchi'uc c'usi labalic sba ta jtojoltic ta sventa li Diose. Lec xana'ic ti ja' jeche.

Romanos 1:30

j'ac'vanej ta q'uexlal, scontrainel Dios, stuc no'ox yac'oj sbaic, jtoybaetic, snopel c'usitic yan chopol ta pasel. Mu xch'unbeic smantal stot sme'ic;

Deuteronomio 5:9

Mu me xaquejan abaic ta stojol. Mu me xavich'ic ta muc' yu'un jtuc no'ox Muc'ul Diosun avu'unic. Vu'un Diosun ti toj it'ix co'nton me oy c'usi yan chavich'ic ta muq'ue. Yu'un me mu xavich'icun ta muq'ue, ta me xcac'boxuc atoj amulic li vo'oxuque xchi'uc c'alal to ta xchanc'olal amomnich'nabic.

2 Timoteo 3:4

Ta x'ac'vanic ta c'abal; sujoj no'ox sbaic o. Toj muc' chac' sbaic. Ja' batem ta yo'ntonic o li c'usi tsc'an stuquique; mu ja'uc tsa'ic li Diose.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.