San Juan 15:20 - Bible in Tzotzil de Chenalhó with Deuterocanon

²⁰ Na'ic me ti jech ono'ox calojboxuque: ‘Li boch'o mozo no'oxe ma'uc muc' c'otem ta stojol li yajvale’, xacutoxuc ono'ox. Me laj yuts'intaicun ec li vu'une, ja' no'ox jech chayuts'intaoxuc ec. Ti lajuc yich'bicun ta muc' ec li jc'ope, chayich'boxuc ta muc' ac'opic ec ti jechuque.

Tzotzil Zinacantan

²⁰ Naꞌic me ti jaꞌ onox yech lacalbeique: “Li muchꞌu ch-abtej noꞌoxe mu tsotsuc yabtel; jaꞌ tsots yabtel li yajval abtele”, xacutic. Liyilbajinic li voꞌone, jaꞌ noꞌox yech chayilbajinic uc. Muc xichꞌic ta mucꞌ ti cꞌusitic icale, jaꞌ noꞌox yech mu xichꞌic ta mucꞌ li cꞌusitic chavalic uque.

Bible in Tzotzil de Chamula

²⁰ Ja' vuleso ta avo'ntonic ti xi laj calboxuque: ‘Ti mosovile, ma'uc cajal ta xac' sba ta stojol ti yajvale.’ Mi laj quich' ilbajinele, ja' no'ox jech ta xavich'ic ilbajinel ec. Mi laj yich'ic ta muc' ti c'u s'elan laj calbeique, ja' no'ox jech ich'bil ta xc'ot ta muc' ti ac'opic ti c'u s'elan ta xavalique.

LEQUIL ACH' C'OP

²⁰ Na'ic me ti ja' onox yech lacalbeique: “Mi junuc ti much'u chtun no'oxe ti más tsots yabtel chac c'u cha'al li yajvale.” Xa cutic ono'ox. Mi chquich' ilbajinel li vo'one, ja' no'ox yech chavich'ic ilbajinel uc; ti mi chich'ic ta muc' li c'usi icale, ja' no'ox yech ta xich'ic ta muc' ti c'usitic chavalic uque.

Tzotzil San Andres

²⁰ Naꞌic me ti jech onoꞌox calojboxuque: “Li buchꞌu jtunel noꞌoxe muc bu tsots yabtel yichꞌoj. Jaꞌ tsots yabtel yichꞌoj li yajvale”, xacutic onoꞌox. Ilbaj liyilic li joꞌone, jaꞌ noꞌox jech ilbaj chayilic eꞌuc. Muc bu xiyichꞌbeic ta mucꞌ li jcꞌope, jaꞌ noꞌox jech mu xayichꞌbeic ta mucꞌ eꞌuc la acꞌopique.

Tzotzil de Huixtán

²⁰ Na'ic me ti mu tsotsuc yabtel yich'oj ti abat no'oxe. Ja' tsots yabtel yich'oj ti yajval ti abate, xacutoxuc. Laj yilbajinun ho'oni, hech yu'un ja' no'ox hech chayilbajinoxuc ho'oxuque. Muc xixch'umbun ti jc'ope, hech yu'un ja' no'ox hech mu xaspasboxuc ti muc' ac'opic uc.

San Juan 15:20 Iomraidhean Croise

Ezequiel 3:7

Yan li achi'iltac ta israelale mu sc'an xa'yic ac'op, yu'un mu ono'ox sc'an xiya'ibicun jc'op ec li vu'une. Scotol li achi'iltac ta israelale toj tsots yo'ntonic, mu x'och c'op ta xchiquinic.

San Mateo 10:24

“Li jun jchanvune mu ja'uc jeloven yu'un li jchanubtasvanej yu'une. Jech noxtoc li mozoe mu ja'uc jeloven yu'un li yajvale.

Marcos 10:39

Itac'ovic: —Xu' cu'uncutic —xiic. Jech i'albatic yu'un li Jesuse: —Ta melel ta ono'ox xavich'ic li tsatsal vocol jech chac c'u cha'al chquich'e, xchi'uc ta ono'ox xavich'ic milel jech chac c'u cha'al ta xquich'e.

San Lucas 2:34

Li Simeone la sc'anbe bendición ta stojolic, jech laj yalbe li Mariae, ja' li sme' unin olole: —A'yo ava'ay tseb, ta sventa li avol li'i, ep jchi'iltactic li' ta Israel ta xyalic ta lum, xchi'uc ep jchi'iltactic ta xva'iic ta sventa noxtoc. Ja' svinajeb ti li' xa oy li tojobtasel yu'un Diose, pero mu x'ich'at ta muc'.

San Lucas 6:40

Li jchanvune mu ja'uc muc' c'otem ta stojol li jchanubtasvanej yu'une. Pero me la xchan lec scotole, co'ol xa ta xc'ot xchi'uc li jchanubtasvanej yu'une.

San Juan 10:31

Li judioetique la stamic ton; tsc'an tsmilic ox ta ton yan velta li Jesuse.

San Juan 11:57

Li banquilal paleetique xchi'uc li fariseoetique yalojic xa'ox mantal ti ac'o bat yal ta ora me oy boch'o laj yil bu oy li Jesuse, yu'un ac'o yich' tsaquel.

San Juan 13:16

Jamal chacalboxuc ava'yic, li boch'o mozo no'oxe ma'uc muc' c'otem ta stojol li yajvale. Jech noxtoc li boch'o tacbil no'ox ta spasel c'usi tspase, ma'uc muc' c'otem ta stojol li boch'o itacvane.

San Juan 5:16

Ja' yu'un li j'abteletic yu'un judioetique te lic scontrainic li Jesuse; solel tsc'an ta smilic o ta scoj ti jech la spas ta sc'ac'alil cuxub o'ntonale.

San Juan 7:32

Li fariseoetique laj ya'yic ti ja' xa jech ta xlo'ilajic ta sventa Jesús li cristianoetique. Ja' yu'un li banquilal paleetique xchi'uc li fariseoetique la staquic batel mayoletic, yu'un ac'o bat stsaquic tal li Jesuse.

San Juan 8:51

Jamal chacalboxuc ava'yic, li boch'otic ta xch'unic jc'ope, mu'yuc ta xchamic —xi li Jesuse.

San Juan 8:52

Li judioetique jech laj yalbeic li Jesuse: —Chvinaj xa ti ta melel ochem pucuj ta avo'ntone. Li Abrahame icham. Ichamic ec li yaj'alc'optac Diose. Li vo'ote chaval ti mu'yuc ta xcham li boch'otic ta xch'unic ac'ope.

San Juan 8:59

Lic stamic tal ton scotolic, tsc'an ox tsmilic li Jesuse. Pero li Jesuse la snac' sba, jech muc xilic iloc' batel ta ch'ulna, jech ibat o.

Hechos 14:22

Ech' stsatsubtasbeic yo'nton li jch'unolajeletique. Laj yalbeic ti j'ech'eluc ac'o xch'unic oe. Xchi'uc laj yalbeic ti tsc'an ta jts'ictic vocol ti jech xu' chij'och yo' bu chventainvan li Diose.

1 Corintios 4:12

Oy ep lubel chca'icutic sventa chi'abtej ta jc'ob jtucutic. Puru chopolc'optael chquich'cutic, pero li vu'uncutique puru bendición ta jc'anbecutic. Ep chquich'cutic uts'intael, pero ta jts'iccutic.

2 Corintios 4:9

Ac'o me ep chquich'cutic uts'intael, pero mu'yuc comtsanbiluncutic. Ac'o me jipbiluncutic, pero mu teuc chilajcutic o.

1 Tesalonicenses 2:15

Ja'ic noxtoc ti la smilic Cajvaltic Jesuse, xchi'uc ti la smilbeic li j'alc'opetic yu'une, xchi'uc ti la snutsuncutic loq'uel ec li vu'uncutique. Tsa'beic sc'ac'al yo'nton li Diose, xchi'uc chopol chilic scotol cristianoetic noxtoc.

2 Timoteo 3:12

Yu'un li boch'o scotol yo'nton chtun o yu'un li Jesucristoe ta ono'ox xich' ep uts'intael.

1 Samuel 8:7

Jech itac'bat yu'un li Muc'ul Diose: “A'ibo c'usi chasc'anbicot li achi'iltaque. Muc vo'cot ti chasbajicote; ja' vu'un chisbajicun, yu'un jech mu xa teuc ta jpas mantal ta stojolic.