San Juan 15:2 - Bible in Tzotzil de Chenalhó with Deuterocanon

² Scotol li sc'obc'ob ts'usub li' oy ta jtojol ti mu xac' sate, ta se'p loq'uel li jchabits'usube. Yan ti bu lec chac' sate, ta xich' meltsanel, ta xich' lecubtasel, yu'un jech ech'em ac'o satinuc.

Tzotzil Zinacantan

² Voꞌoxuc scꞌobtacoxuc yaꞌel. Ti muchꞌutic chaꞌiic li cꞌusi chcale, mi mu spasic cꞌusi tscꞌan ti Jtote, coꞌolic xchiꞌuc cꞌob uva ti mu satine. Mi mu satin li cꞌob uvae, li jchabiejꞌuvae ta sboj loqꞌuel. Jaꞌ noꞌox yech uc ti muchꞌutic mu spasic cꞌusi tscꞌan ti Jtote, mu xcꞌaneic yuꞌun ti Jtote. Ti muchꞌutic chaꞌiic li cꞌusi chcale, mi jaꞌ tspasic cꞌusi tscꞌan ti Jtote, ta xcoltaatic ta yictael ti cꞌusi mu scꞌane chac cꞌu chaꞌal ta xchꞌulbe scꞌob uva li jchabiejꞌuvae yoꞌ satin o mase.

Bible in Tzotzil de Chamula

² Mi oy junuc ti sc'ob c'otem ta jventa ta sbainel ti uva ti mu xac' lec ti sate, ta sboj loq'uel. Mi ta xac' ti sate, ta sloq'uesbe ti sc'a'epale. Ta set loq'uel ti staquijemale yo' ta x'epaj ta yaq'uel ti sate.

LEQUIL ACH' C'OP

² Scotol li c'ob uva ti li'ic ta jtojole, ti mu satine, ta sboj loq'uel; ti mi lec tsatine, ta stuch'be li staqui c'obtaque, ta xch'uba lec, yo' satin o mase.

Tzotzil San Andres

² Li joꞌoxuque jaꞌ jechoxuc jech chac cꞌu chaꞌal li scꞌobtac li tsꞌusube. Li buchꞌutic ta xaꞌiic li jcꞌope, mi maꞌuc ta spasic li cꞌustic ta scꞌan li Jtote, jaꞌ jechic jech chac cꞌu chaꞌal li scꞌob tsꞌusub ti bu mu xacꞌ sate. Li jchabiejtsꞌusube ta stuchꞌan loqꞌuel scotol scꞌob li bu mu xacꞌ sate. Jaꞌ noꞌox jech eꞌuc li buchꞌutic mu scꞌan spasic li cꞌusi ta scꞌan li Jtote, mu xcꞌaneic yuꞌun li Jtote. Yan li buchꞌutic ta xaꞌiic li jcꞌope, mi jaꞌ ta spasic li cꞌustic ta scꞌan li Jtote, más ta xtuqꞌuibtaseic yuꞌun li Jtote jech chac cꞌu chaꞌal ta slecubtasbe scꞌob tsꞌusub li jchabiejtsꞌusube. Li jchabiejtsꞌusube ta sjaxbe loqꞌuel li bu chopol ta xile yoꞌ acꞌo satinuc o más.

Tzotzil de Huixtán

² Scotol ti much'utic chtal ti jtojole ja' hech chac c'u che'el sc'obc'ob ti jtec uvate'e. Ti much'u chtal ti jtojole ti mu spas ti c'usi lec chil ti Jtote, ja' hech chaj c'u che'el sc'ob ti uvate'e ti mu xac' sate. Ti sc'ob ti uvate'e ti mu xac' sate ja' tsp'asat loq'uel yu'un ti jchabiej'uvate'e. Ja' no'ox hech mu xc'anat yu'un ti Jtote ti much'u mu sc'an spas ti c'usi lec chil ti Jtote. Ja'uc ti much'u chtal ti jtojole ti tspas ti c'usi lec chil ti Jtote, más yac'oj sba chlecubtasat yu'un ti Jtote hech chaj c'u che'el chlecubtasat ti sc'ob ti uvate'e yu'un ti jchabiej'uvate'e. Ti jchabiej'uvate'e tsjec loq'uel ti bu mu xtun chile yu'un sc'an ti ech'em ac'o yac' sat.

San Juan 15:2 Iomraidhean Croise

Job 17:9

Pero li boch'o tuc' yo'ntone chac' ono'ox persa batel; li boch'o mu'yuc smule yantic ta stsatsub batel.

Salmos 92:14

Ac'o me mol me'elic xa, ta to satinic; lec tsotsic o, lec yoxic o.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

Isaías 27:9

Pero ta spasbe perdón yu'un smul; ja' xch'ayubil smul chc'ot me tspasic jech chac c'u cha'al li'i: Me tslilin scotol li scajleb smoton c'usi mu ja'uc diose, me tan chcom yu'un scotol li tonetique, xchi'uc me mu'yuc xa tsva'anic o li anbil chumante' ti yich'ojic ta muq'ue xchi'uc li scajlebtac xchic'ubil pome.

Isaías 29:19

Li boch'o toj biq'uit ch-ilatique chlic staic xcuxetel yo'ntonic ta sventa li Muc'ul Diose. Li boch'otic toj me'onic ta scotol xchi'iltaquique, chlic tse'inicuc ta sventa li Ch'ul Dios yu'un Israele.

Daniel 11:35

Ja' no'ox jech ec li jchanubtasvanejetique oy jayibuc ta xich'ic uts'intael ec, pero ja' sventa slecubtaselic, stuq'uibtaselic, ja' to me its'aqui li yorail c'usi ora albil yu'un Diose.

Oseas 6:3

Cac'tic persa yotquinel batel li Muc'ul Diose. Ta ono'ox xtal ta jtojoltic, jech chac c'u cha'al sac osil ti chtal ono'oxe. Ta ono'ox xtal ta jtojoltic, jech chac c'u cha'al vo' ti sob chyal, xchi'uc ti ts'acal chyale.

Malaquías 3:3

Chlic chotluc, chlic slecubtas, chlic sloq'ues scotol li ic'ubale. Chlic slecubtas li paleetic smomnich'nab Levie, tslecubtas lec jech chac c'u cha'al boch'o tslecubtas saquil taq'uin xchi'uc c'anal taq'uin. Jech xu' chlic yac'beic smoton li Muc'ul Dios jech chac c'u cha'al yabtelic ono'oxe.

San Mateo 13:12

Yu'un li boch'otic staojic xae, ta to x'ac'batic yan, jech ta x'ayin ep yu'unic. Yan li boch'o mu'yuc staoje, ta xpojbat sutel ti c'u yepal staoj xa'ox jutuque.

San Mateo 13:33

Laj yal yan lo'il noxtoc li Jesuse, jech laj yal: “Ti c'u x'elan chventainvan li Diose, ja' jech chac c'u cha'al svolesubil xch'ut pan. C'alal tscap ta vucub cuartiya arina li antse, lec chvol o xch'ut scotol”, xi li Jesuse.

San Mateo 15:13

Itac'ov li Jesuse: —Scotol li te' ti ma'uc sts'unben li Jtot te oy ta vinajele, ta xich' bulel loq'uel c'alal ta yibel.

San Mateo 21:19

Laj yil oy jtec' higo ta nopol ti'be, jech bat sq'uel me oy sat. Pero mu'yuc sat la sta; ja' no'ox yanal. Li Jesuse jech laj yalbe li te'el higoe: —Mu'yuc xa chasatin o sbatel osil —xut. Jech ta ora no'ox itaquij li te'el higoe.

San Mateo 25:29

Yu'un li boch'o chtun yu'une, ta x'ac'bat yan, jech yantic ta x'epaj yu'un. Yan li boch'o mu xtun yu'une, ta xpojbat sutel ti c'u yepal yich'oje.

San Mateo 3:10

Ta melel li eq'uele te xa metsel ta yibel li te'e. Scotol li te' ti mu lecuc chac' sate ta xich' ts'etel, ta xich' jipel ochel ta c'oc'.

San Mateo 3:12

Jech noxtoc li yic'aubil strigoe te xa stsacoj ta sc'ob, ta smes lec li yav smajubil strigoe. Li strigoe ta stic' ochel ta snail; yan li ste'ele ta xchic' ta c'oc' ti bu mu ono'ox xtu'p oe”, xi li Juane.

San Mateo 7:19

Scotol li te' ti chopol sat chaq'ue, ta xich' ts'etel, ta xich' jipel ochel ta c'oc'.

Marcos 4:20

Li bec' trigo ic'ot ta lequil banamile ja' li boch'otic cha'yic sc'op Dios ti chc'ot lec ta yo'ntonique. Jech lec chac' sat. Oy ta xac' lajuneb xcha'vinic (30) ta bej; oy ta xac' oxvinic (60) ta bej; oy ta xac' vo'vinic (100) ta bej”, x'utatic yu'un li Jesuse.

San Lucas 8:13

Li bec' trigo ic'ot ta tontique, ja' li boch'otic ja' to cha'yic sc'op Diose. Xcuxet no'ox yo'ntonic ta xch'unic. Pero mu xac' lec yisim ta yo'ntonic, jayibuc no'ox c'ac'al ta xch'unic. C'alal ta xtal vocol ta stojolique, toj chibajel chc'ot yo'ntonic.

San Juan 15:1

Jech to laj yal li Jesuse: “Vu'un bats'i smuc'ta aq'uil ts'usub c'otemun. Li Jtote ja' jchabits'usub.

San Juan 15:16

Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

San Juan 15:3

Li vo'oxuque lecubtasbiloxuc xa ta sventa li jc'op laj calboxuque.

San Juan 15:6

Li boch'o mu sc'an li' oy o ta jtojole, ta xich' jequel loq'uel jech chac c'u cha'al sc'ob ts'usub, jech te ta xtaquij o. Ts'acal ta xich' tsobel, ta xich' jipel ochel ta c'oc'; te ta xc'ac' o.

San Juan 15:8

Me chasatinic leque, jech ich'bil ta muc' chc'ot avu'unic li Jtote. Jech chvinaj ti vo'oxuc cajchanc'opoxuque.

San Juan 17:12

C'alal li' to'ox jchi'uquic ta banamile, vu'un la jchabi lec ta sventa avu'el ti c'u yepal laj avac'bune. Lec la jchabi; me junuc mu'yuc xch'ay cu'un. Ja' no'ox ich'ay li boch'o sve'el ono'ox ch'ayele, yu'un ja' ic'ot o ti jech ono'ox ts'ibabil comele.

Romanos 11:17

Pero me oy ic'ot ta pasel laj yich' jecbel loq'uel jayjecuc sc'obe, me vo'ot te laj avich' nabanel ta yav, vo'ot li sc'obot te'tical olivae, me laj xa avibelin, me laj xa ats'ac aba achi'uque,

Romanos 11:22

Q'uelavil, toj lec yo'nton li Diose, pero jbel c'usi chal noxtoc. Yu'un jbel c'usi laj yal ta stojol li boch'otic muc xich'ic ta muq'ue. Xchi'uc toj lec yo'nton ta atojol li vo'ote, me j'ech'el chavich'be o ta muc' li slequil yo'ntone. Yan me chlic yanijuc avo'ntone, chavich' jequel loq'uel ec.

Romanos 8:28

Ja' yu'un, scotol li boch'otic sc'anojic Diose, ti ic'bilic ta sventa ti jech oy ta yo'nton stuque, ta jna'tic ti ja' sventa slequilalic scotol li c'usi chc'ot ta pasele.

1 Corintios 13:1

Ac'o me lec xu' cu'un chic'opoj ta sc'op ep ta chop cristianoetic, xchi'uc ta sc'op j'almantaletic, pero me mu jna' xic'anvane, ja' jech chic'ot jech chac c'u cha'al campano ti jeche' no'ox sts'ints'une, o jech chac c'u cha'al sepsep taq'uin ti jeche' no'ox xchac'chune.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

Hebreos 12:15

Q'uelilanic me ti mu me oyuc boch'o mu sta li coltael chijyac'butic Diose, yu'un me yan o yo'ntone xu' jech chc'ot jech chac' c'u cha'al yibel ch'ail ts'i'lal, jech xu' ep boch'o chlic socuc yu'un.

1 Juan 2:19

Ja' li' iliquic ta jtojoltic, pero ta melel mu ja'uc ono'ox jch'unolajeletic; ti ja'uc jch'unolajeletique, li' jchi'uctic o ti jechuque. Ti jech ic'ot ta pasele ja' svinajeb ti mu ja'uc ono'ox jch'unolajeletique.

Apocalipsis 3:19

Li boch'otic lec jc'anoje ta jtaq'ui, ta xcac'be nucul. Tsotsanic me cha'e; suteso me avo'ntonic.