San Juan 15:12 - Bible in Tzotzil de Chenalhó with Deuterocanon

¹² Jech jmantal chacalboxuc: C'anano me abaic jech chac c'u cha'al lec jc'anojoxuque.

Tzotzil Zinacantan

¹² Li mantal chacalbeique, cꞌano me abaic chac cꞌu chaꞌal jcꞌanojoxuque.

Bible in Tzotzil de Chamula

¹² Ti jmantale xi s'elane: C'uxuc xava'i abaic ta jujun tal jech c'u cha'al laj jc'uxubinoxuque.

LEQUIL ACH' C'OP

¹² Li jmantale ja' li'i: C'ano me abaic chac c'u cha'al jc'anojoxuque.

Tzotzil San Andres

¹² Jech jmantal chacalbeic. Cꞌuxubino me abaic jech chac cꞌu chaꞌal la jcꞌuxubinoxuque.

Tzotzil de Huixtán

¹² ’Hech oy ti jmantale: C'ux me xava'i abaic hech chaj c'u che'el c'ux chaca'i.

San Juan 15:12 Iomraidhean Croise

Malaquías 1:2

Jech chal: “Li vu'une toj ep jc'anojoxuc, pero li vo'oxuque jech chavalic: ‘¿C'u x'elan ti lec ac'anojuncutique?’, xachiic. Ja' jech jc'anojoxuc jech chac c'u cha'al la jc'an li Jacobe, ac'o me ja' xchi'il ta voq'uel li Esaue.

San Juan 13:34

Ta xcalboxuc comel jun ach' mantal, c'anano me abaic. Jech chac c'u cha'al la jc'anoxuc li vu'une, ja'uc me jech chac'anan abaic li vo'oxuque.

San Juan 15:17

Jech jmantal chacalboxuc: C'anano me aba acotolic.

Romanos 12:10

Talbat xac'an abaic ta sventa ti co'ol ach'unojique. Talbat chavich' abaic ta muc'.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

1 Tesalonicenses 3:12

Ac'o yepajesboxuc slequil avo'ntonic li Cajvaltique, yu'un jech talbat chac'anan abaic, xchi'uc jech xu' chac'anic scotol boch'ouc no'ox, jech chac c'u cha'al lec jc'anojotcutic li vu'uncutique.

1 Tesalonicenses 4:9

Ta sventa ti tsc'an chac'anan abaique, mu xa persauc ta jts'ibacutic tal ava'yic. Yu'un achanojic xa lec atuquic ta sventa Dios ti chac'anan abaique.

2 Tesalonicenses 1:3

Quermanotac, tsc'an scotol c'ac'al ta jtojbecutic ta vocol Dios ta aventaic. Yu'un ja' jech tsc'an pasel ta sventa ti lec ach'unojique, ti yantic chach'iic batel ta stojol Cajvaltique, xchi'uc ti acotolic jujunoxuc yantic ch-epaj batel li c'anvanej avu'unique.

1 Pedro 1:22

Li vo'oxuque pocbil xa avo'ntonic ta sventa ti ach'unojic xa li sc'op Dios ti ja' melele, yu'un chac'anan abaic ta sventa ti achi'il xa abaic ta voq'uel c'oteme. Jech tsc'an j'ech'el chac'anan abaic o ta scotol avo'ntonic xchi'uc ta scotol atsatsalic.

1 Pedro 3:8

Slajeb xa chacalboxuc, co'oluc me avo'nton ta acotolic. C'ux me xava'ay abaic, c'ano me abaic, yu'un jun xa atotic. Oyuc slequil avo'ntonic; biq'uit me xavac' abaic.

1 Pedro 4:8

Pero ja' tsots sc'oplal ti ech'em to ac'o ac'an abaic li vo'oxuque. Yu'un li c'anvaneje ta xac' ch'ayuc ep mulil.

1 Juan 3:23

Li smantal Diose ja' ti ac'o cac' xch'unojel co'ntontic ta stojol li Xnich'one, ja' li Jesucristoe, xchi'uc ti ac'o jc'anan jbatic jech chac c'u cha'al laj yalbutic mantale.

1 Juan 4:21

Yu'un li smantal Cajvaltic laj yalbutic comele: li boch'o ta sc'an Diose ac'o sc'an noxtoc li xchi'iltaque, xi.

2 Juan 1:5

Li' ta orae ta jc'anbot vocol ti ac'o jc'anan jbatic jcotoltique. Ma'uc ach' mantal ta jts'ibabot tal; ja' ono'ox li mantal laj ca'itic c'alal lic jch'untique.