San Juan 14:30 - Bible in Tzotzil de Chenalhó with Deuterocanon

³⁰ “Mu xa xu' jal ta jc'opanoxuc, yu'un ta xa xtal li banquilal jpasmantal li' ta banamile, pero mu'yuc c'usi xu' yu'un chispasbun.

Tzotzil Zinacantan

³⁰ ’Mu xa bu jal chajcꞌoponic yuꞌun poꞌot xa xtal yilbajinon ti muchꞌu liꞌ tspas mantal ta sba balamile, jaꞌ ti pucuje. Pero mu cꞌu xuꞌ xixchaꞌle.

Bible in Tzotzil de Chamula

³⁰ “Jliquel xa li' ta jchi'inoxuc ta lo'ile, yu'un tal xa ti buch'u sbainoj ta spasel mantal li' ta banomile, ac'o mi mu'yuc c'usi xu' yu'un spasel ta jtojol.

LEQUIL ACH' C'OP

³⁰ »Mu xa bu jal chajc'oponic yu'un po'ot xa xtal ti much'u li' tspas mantal ta sba balamile, ja' ti pucuje. Pero mu c'u xu' yu'un chixcha'le,

Tzotzil San Andres

³⁰ ’Mu xa jaluc chajcꞌoponic yuꞌun poꞌot xa chtal ta jtojol li pucuje, jaꞌ li sventainoj li balumile. Pero mu cꞌusi xuꞌ chispasbe.

Tzotzil de Huixtán

³⁰ ’Mu'yuc xa tiempo yu'un ep chajc'oponoxuc. Yu'un j'oc' xa tsc'an chtal staun ti pucuje, ja' ti sventainojbe yo'ntonic scotol crixchanoetic li' ti balumile. Mu xu' yu'un chistsalun.

San Juan 14:30 Iomraidhean Croise

San Lucas 1:35

Itac'ov li j'almantale: —Ja' ta xtal ta atojol li Ch'ul Espiritue. Ta sventa stsatsal Dios ta vinajel ta xlic achi'in li avole. Li olol ta xvoc' avu'une ja' Xch'ulnich'on Dios ta xc'ot sbi.

San Lucas 22:53

Jujun c'ac'al te oyun ta atojolic ta yamaq'uil ch'ulna, muc xatsaquicun. Pero li' ta orae ic'ot xa sc'ac'alil avu'unic, xchi'uc ic'ot xa sc'ac'alil yu'un li yajval ic'al osile —xut.

San Juan 12:31

Li' ta orae ta xa xich' chapanel li cristianoetic li' ta banamile. Li' ta orae ta xa xich' jipel loq'uel li banquilal jpasmantal li' ta banamile.

Hechos 1:3

Ja'o ti c'alal cuxul xa laj yac' sba ta ilel ta stojolic ti c'alal i'ech' xa'ox yu'un li vocole. Ep laj yac' ta ilel sq'uelubil ti ta melel cha'cuxeme. Cha'vinic (40) c'ac'al laj yaq'uilan sba ta ilel ta stojolic. Laj yalbe ya'yic c'u x'elan chventainvan li Diose.

2 Corintios 4:4

Ti jech mu xch'unique, yu'un ja' macbil yo'ntonic yu'un li yajval banamile. Yu'un jech mu x'och xojobal ta stojolic li Lequil A'yej ta sventa li Jesucristo ti jun oyic xchi'uc Diose.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Efesios 2:2

Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Efesios 6:12

Yu'un ma'uc ta jpastic c'op jchi'uctic li boch'o oy sbec'tal, oy xch'ich'alique. Ja' ta jtsal jba jchi'uctic li pucujetic ti tsots tspasic mantale, ti tsots svu'elique, ti ch-ilbajinvanic li' ta banamil ti oy ta ic' osile, ti ta ic' chanovique ti mu'yuc sbec'talique.

Colosenses 1:13

Yu'un ja' la sloq'uesutic tal ta sc'ob li yajval ic' osile; laj yac'utic ta sc'ob li Xnich'on ti lec sc'anoje, yu'un ja' ac'o sventainutic.

Hebreos 4:15

Yu'un mu ja'uc jun banquilal pale cu'untic ti mu sna' c'u x'elan jvocoltic ta scoj ti mu'yuc jtsatsaltique. Ja' jun Banquilal Pale ti laj yich' pasbel preva scotol jech chac c'u cha'al vu'utique, pero li stuque mu'yuc smul.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.

1 Pedro 1:19

Ja' la smanoxuc o ta xch'ul ch'ich'al li Jesucristoe, yu'un ja' laj yich' milel ta jcojtic jech chac c'u cha'al ch'ium chij laj yich' milel, ti toj leque, ti mu'yuc bu chopole.

1 Pedro 2:22

Li Cristoe me jutuc mu'yuc smul, me jutuc mu'yuc x'epalc'opoj.

1 Juan 4:4

Jnich'nabtac, vo'oxuque xnich'naboxuc xa li Diose, jech laj xa atsalic li jlo'lavanej j'alc'opetique. Yu'un ja' xjelov svu'el li Ch'ul Espíritu oy ta atojolique; ja' mu sta jech svu'el li pucuj ti sventainoj li boch'otic oyic ta sventa banamile.

1 Juan 5:18

Li boch'otic stotinojic xa li Diose, ta jna'tic ti mu xa teuc tsa'ilan o smulique. Yu'un li Xnich'on Diose chchabi li xnich'nabe, jech mu xpicatic yu'un li pucuje.

1 Juan 5:19

Ta jna'tic ti xnich'nabutic xa li Diose, xchi'uc ti oyic ta sc'ob pucuj scotol li yan cristianoetic li' ta banamile.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.