San Juan 14:27 - Bible in Tzotzil de Chenalhó with Deuterocanon

²⁷ “Ta xcac'boxuc comel jun avo'ntonic. Li jun o'ntonal oy cu'une ja' ta xcac'boxuc comel. Li jun o'ntonal chcaq'ue mu jechuc jech chac c'u cha'al chac' li cristianoetique. Ja' yu'un mu me xlo'ilaj avo'ntonic; mu me xaxi'ic.

Tzotzil Zinacantan

²⁷ ’Ta jpas ta jun avoꞌonic. Yuꞌun jaꞌ ta jcꞌan ti jun avoꞌonic chac cꞌu chaꞌal jun coꞌone. Li cꞌusitic oy liꞌ ta sba balamile mu onox xata o jun avoꞌonic. Mu me xavat o avoꞌonic ti chibate. Mu me xaxiꞌic.

Bible in Tzotzil de Chamula

²⁷ “Ta xcac' comel ta atojolic ti slamajemal o'ntonale. Mu xco'olaj xchi'uc jech c'u cha'al ta xaq'uic ti buch'u li' oyic ta banomile. Mu me xatsiq'ues avo'ntonic, mu xaxi'ic.

LEQUIL ACH' C'OP

²⁷ »Ta xcac' comel ta atojolic li jun o'onale, Chacac'beic li jun o'onal ti ja' cu'une, pero ma'uc yech chac c'u cha'al chac' li crixchanoetic li' ta sba balamile. Mu me xavat avo'onic, mu me xaxi'ic.

Tzotzil San Andres

²⁷ ’Chajpasboxuc ta jun avoꞌonic comel. Li cꞌustic oy liꞌ ta balumile mu spas o ta jun avoꞌonic. Li joꞌone chajpasboxuc ta jun avoꞌonic jech chac cꞌu chaꞌal jun coꞌon li joꞌone. Mu me xavat avoꞌonic ti chibate. Mu me xaxiꞌic.

Tzotzil de Huixtán

²⁷ ’Chajmuc'ubtasboxuc comel avo'ntonic. Mu hechuc chasmuc'ubtasoxuc avo'ntonic ti crixchanoetic li' ti balumile. Chacac'boxuc smuc'ul avo'ntonic hech chaj c'u che'el smuc'ul co'nton ho'oni. Hech yu'un mu me xchibaj avo'ntonic. Mu me xaxi'ic.

San Juan 14:27 Iomraidhean Croise

2 Crónicas 20:30

Jech jun yo'nton i'abtej ta ajvalilal li Josafate, yu'un li Diose la spajes o pleito ta jujujot.

Job 34:29

Pero me mu'yuc c'usi chal li Diose, ¿boch'o xu' tstic'be smul? Me tsnac' sat li Diose, ¿boch'o xu' tsq'uel? yu'un ja' stuc sq'ueloj jujun lum xchi'uc jujun cristiano.

Salmos 11:1

Ja' no'ox jpatoj o co'nton ta stojol li Muc'ul Diose, Altic ti jech chiyalbicune: “Jatovan batel ta anil ta vitsetic, jech chac c'u cha'al mutetic.

Salmos 112:7

Mu xi' c'alal me oy chopol lo'il chtal ta stojole, yu'un bats'i jun yo'nton o; xch'unoj o ti ja' chcoltaat yu'un li Muc'ul Diose.

Salmos 27:1

Li Muc'ul Diose ja' luz c'otem cu'un, ja' jcoltavanej cu'un, jech mu'yuc boch'o xu' chixi' yu'un. Li Muc'ul Diose ja' sventainojbun jcuxlejal, jech mu'yuc boch'o xu' chistic'bun xi'el ta co'nton.

Salmos 28:3

Mu me co'oluc xavac'un batel xchi'uc li boch'otic chopolique xchi'uc li boch'otic chopol c'usi tspasique. Yu'un li stuquique lec xa xc'opojic yilel, pero li yo'ntonique chopol.

Salmos 29:11

Li Muc'ul Diose ja' chac'be stsatsal yo'nton li steclumale; li Muc'ul Diose ja' chac'be bendición li steclumale. Ja' bendición ti jun yo'ntonic, ti mu'yuc xa c'op cha'yique.

Salmos 56:11

Ja' jpatoj o co'nton yu'un li Diose, jech mu'yuc xi'el chca'ay. ¿C'usi xu' chispasbicun li cristianoetique?

Salmos 56:3

C'alal yorail oy xi'el chca'ye, ja' no'ox ta jpat co'nton ta atojol.

Salmos 72:2

Yu'un jech lec tuc' ac'o xchapan li ateclumale; lec tuc' ac'o sventain li me'onetic avu'une.

Salmos 72:7

Tuc' ac'o batuc yu'un scotol ti jayib c'ac'al cuxule; ac'o junuc o yo'nton c'alal to tsta yorail chlaj sc'oplal li ue.

Salmos 85:10

Li c'uxubinel xchi'uc li c'usi melele laj xa snup sbaic; li tuc' o'ntonal xchi'uc li jun o'ntonale laj xa sts'uts' sbaic.

Salmos 91:5

Jech mu xaxi' yu'un li c'usitic tsibtasvan ta ac'ubaltique, xchi'uc li c'usitic chanovic ta ic' ta c'ac'altic jech chac c'u cha'al flechaetique,

Proverbios 3:25

Mu'yuc chaxi' yu'un li c'usi xi'bal sba ti ta anil no'ox chtale; mu'yuc chaxi' noxtoc ti c'alal chtal tsots svocol li boch'otic chopol yo'ntonique.

Isaías 12:2

Li Diose ja' jcoltavanej cu'un; jun no'ox co'nton o, mu'yuc c'usi ta jxi'be; ja' stsatsal co'nton, ja' sq'uejimol co'nton li Muc'ul Diose, yu'un ja' la scoltaun”, xachiic.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 41:14

Li Muc'ul Diose jech chal ta jamal: “Vo'oxuc li sts'unubaloxuc Israel ti jutuc xa comenoxuque, vo'oxuc li yu'unoxuc Jacob ti biq'uitoxuc jech chac c'u cha'al xuvite, mu xaxi'ic, vu'un chajcoltaoxuc. Vu'un li Ch'ul Diosun yu'un Israele, vu'un Jpojvanejun avu'unic.

Isaías 54:13

Vu'un ta jchanubtas jtuc li avalab anich'nabe; lec chbatic, jun yo'nton chcom scotolic.

Isaías 55:12

“Li vo'oxuque cuxetuc no'ox avo'nton chaloq'uic batel; junuc avo'nton chasutic batel ta alumalic. C'alal chaq'uelic li muc'tic vits xchi'uc li bic'tal vitsetique, chavilic ti x'avlajetic ta xcuxetel yo'ntonique. Scotol li te'etique xpac'lajet no'ox sc'obic.

Isaías 57:19

Jech ta xcalbeic: ‘Junuc avo'ntonic, vo'oxuc ti nom oyoxuque; junuc avo'ntonic, vo'oxuc ti nopol oyoxuque’, xcut chcalbeic. Vu'un ta jpoxta, yu'un ja' jteclumal.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Jeremías 1:8

C'alal te oyot ta stojolique, mu me xaxi', vu'un chajcoltaot”, xiyutun.

Lamentaciones 3:17

Laj xa sc'oplal ti jun to'ox co'ntone; ich'ay o ta co'nton ti lec to'ox oyune.

Ezequiel 2:6

Li vo'ote xnich'on cristiano, mu me xaxi' yu'unic ti c'u x'elanique, xchi'uc ti c'u x'elan chc'opojique. Ac'o me xco'laj xchi'uc suculot ta ch'ixtic, me xco'laj xchi'uc te achi'uc puru stsequetic chava'ay, pero mu me xaxi', yu'un le'e ja' mero jtacchiquin cristianoetic o.

Daniel 4:1

“Vu'un li ajvalil Nabucodonosorune, chacalboxuc acotolic ta jujun lum, ta jujun banamil, ta jujuchop ac'opic ti nacaloxuc ta scotol banamile: Junuc avo'ntonic, lec oyanic o.

Daniel 6:25

Ja' yu'un li ajvalil Darioe la sts'iba batel vun ta stojol scotol cristianoetic ta jujun lum, ta jujun banamil, ta jujuchop c'op; jech laj yalbe: “Junuc me avo'nton acotolic.

Zacarías 6:13

Ja' ta xcha'pas li ch'ulna yu'un Muc'ul Diose. Ta xlic yich' ich'el ta muc', ta xlic chotluc ta xchotleb, ta xlic spas mantal, xchi'uc te ta xchoti jun pale ta sts'el. Lec co'ol yo'nton xchibalic.

Números 6:26

Ac'o sc'anoxuc o li Muc'ul Diose; ac'o yac'boxuc jun avo'ntonic’, ac'o xiicuc ta stojol li achi'iltaquique.

San Mateo 10:26

“Ja' yu'un mu me xaxi'ic yu'un li cristianoetic le'e. Yu'un mu'yuc c'usi mucul chcom ti mu xvinaje; mu'yuc c'usi nac'al chcom ti mu'yuc boch'o tsna' oe.

San Lucas 1:79

Yu'un jech ac'o sacubuc osil chilic li boch'otic oyic ta ic' osile, xchi'uc ti oyic ta sventa lajele, xchi'uc jech chisbeiltasutic batel ta sbelal ti bu ta jtatic jun co'ntontique”, xi li Zacariase.

San Lucas 10:5

C'alal chac'otic ta jun nae, ba'yuc jech xavalbeic: ‘Junuc avo'nton li' ta anaique’, utic.

San Lucas 12:4

“Vo'oxuc ti lec chquil jbatique, chacalboxuc ti mu me ja'uc xaxi'ic yu'un li boch'o ta smil abec'talique, yu'un ja' no'ox jech yepal xu' yu'unic.

San Lucas 2:14

“¡Ich'biluc ta muc' te ta vinajel li Diose! Ac'o sta jun yo'nton cristianoetic li' ta banamil ta sventa slequil yo'nton li Diose”, xiic.

San Juan 14:1

Li Jesuse jech laj yalbe li yajchanc'optaque: —Mu me xlo'ilaj avo'ntonic. Ch'unic ti chascoltaoxuc li Diose, jech ch'unic ti chajcoltaoxuc eq'ue.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

San Juan 20:19

C'alal i'ic'ub osil te no'ox ta sba c'ac'al xemunae, te smacoj sbaic ta na yo' bu ono'ox tsobolic li yajchanc'optac Jesuse, yu'un ta xi'ic yu'un li j'abteletic yu'un judioetique. Li Jesuse ta ora no'ox ivinaj ta o'lol yut na ti bu tsobolique, jech laj yal: —Junuc avo'ntonic —xi.

San Juan 20:21

Li Jesuse jech laj yalbe yan velta: —Junuc avo'ntonic. Jech chac c'u cha'al la stacun tal li Jtote, ja' jech ta jtacoxuc batel ec —xut.

San Juan 20:26

C'alal iloc' vaxquib c'ac'ale, te tsobolic yan velta ta na li yajchanc'optac Jesuse. Te xa'ox xchi'uquic li Tomase. Lec macal yu'unic li ti'nae. Ta ora no'ox te ivinaj ta o'lol yut na li Jesuse. Jech laj yal: —Junuc avo'ntonic —xi.

Hechos 10:36

Vu'uncutic li israeluncutique li' la stac tal ta jtojolcutic li Lequil A'yeje, ja' ti lec chijyilutic Dios ta sventa li Jesucristoe, ja' li Yajval scotol cristianoetique.

Hechos 18:9

Ja' yu'un li Cajvaltique ta ac'ubaltic laj yac' sba ta ilel ta stojol li Pabloe, jech laj yalbe: “Mu me xaxi'. Cholo ono'ox li jc'ope; mu me xacomtsan xcholel.

Romanos 1:7

vo'oxuc ti te nacaloxuc ta Roma ti c'anbiloxuc yu'un Diose, ti laj yic'oxuc yu'un jech voc'bil chacomic yu'une. Ac'o xc'uxubinoxuc, ac'o yac'boxuc jun avo'ntonic li Jtotic Diose xchi'uc li Cajvaltic Jesucristoe.

Romanos 15:13

Li Dios ti jpatoj co'ntontic ta stojole ac'o yac'boxuc ep xcuxetel avo'ntonic, xchi'uc ac'o spas ta jun avo'ntonic ta sventa ti ach'unojique, yu'un jech ta sventa stsatsal Ch'ul Espíritu chc'ot lec ta avo'ntonic chamalaic li c'usi cha'ac'batique.

Romanos 5:1

Ja' yu'un li' ta orae, tuc' xa co'ntontic lijc'ot ta sventa xch'unojel co'ntontic. Jech ico'laj co'ntontic xchi'uc Dios ta sventa li Cajvaltic Jesucristoe.

Romanos 5:10

Vu'utic ti contra ono'ox chquil jba jchi'uctic li Diose, lec xa jc'opan jba jchi'uctic ta sventa ti icham ta jcojtic li Xnich'one. Me lec xa jc'opan jba jchi'uctique, jbel sc'oplal colemutic o ta sventa ti cuxul li Xnich'one.

Romanos 8:6

Li boch'o ja' batem yo'nton snopel li c'usi tsc'an sbec'tale ja' sventa lajel. Yan li boch'o ja' chbat yo'nton snopel c'usi tsc'an li Ch'ul Espiritue ja' sventa chcuxi, xchi'uc sventa tspas ta jun yo'nton.

1 Corintios 1:3

Ac'o xc'uxubinoxuc, ac'o yac'boxuc jun avo'ntonic li Diose, ja' li Jtotique xchi'uc li Cajvaltic Jesucristoe.

Gálatas 1:3

Ac'o xc'uxubinoxuc, ac'o spasboxuc ta jun avo'ntonic li Dios Totile xchi'uc li Cajvaltic Jesucristoe,

Gálatas 5:22

Yan li yabtel Ch'ul Espiritue ja' jech chac li'i: ta jc'anan jbatic, xcuxet no'ox co'ntontic, jun no'ox co'nton jcotoltic, oy smuc'ul co'ntontic, lec no'ox chijc'opojutic, oy slequil co'ntontic, oy xch'unojel co'ntontic,

Gálatas 6:16

Scotol li boch'otic jech xch'unojic jech chac cha'al laj cale, ac'o junuc yo'ntonic o, xchi'uc ac'o c'uxubinaticuc o yu'un li Diose. Jech ac'o c'otuc ta stojol li boch'otic mero Israel chc'otic ta sventa Diose.

Filipenses 4:7

Jech chaspasboxuc o ta jun avo'ntonic li Diose. Li jun o'ntonal chac' Diose ech'em to xjelov jech chac c'u cha'al ta jnop ta jc'antic li vu'utique, ja' chaxchabiboxuc avo'ntonic xchi'uc c'usitic chanopic ta sventa ti avich'ojic ta muc' li Cristo Jesuse.

Colosenses 1:2

ti yu'untacoxuc xa Dios te ta lum Colosas ti jun avo'ntonic ta stojol li Cristoe. Ac'o xc'uxubinoxuc, ac'o spasboxuc ta jun avo'ntonic li Dios cu'untique, ja' li Jtotique.

Colosenses 1:20

xchi'uc ti ja' ta sventa chlecub scotol li c'usitic oye, me ta vinajel, me ta banamil. Lec chil scotol ta sventa xch'ich'al li Xnich'on icham ta cruze.

Colosenses 3:15

Te me nacluc o ta avo'ntonic li jun o'ntonal chac' Cristoe. Ti laj yic'oxuc ta stojole, yu'un tsc'an jun no'ox chac'ot ta acotolic. Xchi'uc tsc'an chatojbeic ta vocol.

2 Tesalonicenses 1:2

Ac'o xc'uxubinoxuc, ac'o spasboxuc ta jun avo'ntonic li Jtotic Diose xchi'uc li Cajvaltic Jesucristoe.

2 Tesalonicenses 3:16

Ja' stuc Yajval jun o'ntonal ac'o spasboxuc ta jun avo'ntonic ta scotol ora. Ac'o xchi'inoxuc acotolic li Cajvaltique.

2 Timoteo 1:7

Yu'un li Diose ma'uc laj yac'butic espíritu sventa xi'el. Ja' laj yac'butic Espíritu sventa chac' stsatsal co'ntontic, xchi'uc chac' chijc'anvan, xchi'uc jna' spajesel jbatic.

Hebreos 13:20

Li Dios ti chac' jun o'ntonale, ti la xcha'cuxes loq'uel ta smuquinal li Cajvaltic Jesucristoe, ja' li Banquilal Jchabichij cu'untique, ti ja' ta sventa xch'ich'al laj yac' c'otuc o ta pasel sbatel osil li c'usi chapanbil yu'une,

Hebreos 7:2

Ja' laj yich' li jujun ta lajlajuneb c'usitic la spoj sutel tal li Abrahame. Li sbie oy lec smelol. Li sbae “ajvalil yu'un tuq'uil chapanel”, xi smelol. Li yane “ajvalil ta Salem”, xi. Ja' smelol “ajvalil yu'un jun o'ntonal”.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.