San Juan 14:26 - Bible in Tzotzil de Chenalhó with Deuterocanon

²⁶ Yan li Jpojvanej ta stacboxuc tal ta jventa li Jtote, ja' li Ch'ul Espiritue. Ja' ta xac'boxuc ana'ic scotol; ja' ta xchanubtasoxuc. Ja' ta svulesboxuc ta ajolic scotol li c'usi laj calboxuque.

Tzotzil Zinacantan

²⁶ Ti Jtote icalbe xa ti acꞌu stac tal xchiꞌinoxuc ti Chꞌul Espíritue ti cꞌalal xibate. Chaxchanubtasic, ta syules ta ajolic scotol ti cꞌusitic lacalbeique.

Bible in Tzotzil de Chamula

²⁶ Ti Ch'ul Espiritue, ti ja' Jpat-o'ntonal ti ta stac talel ti Jtot ta jventae, ja' ta xa scoltaoxuc, ja' ta xa xchanubtasoxuc scotol taje, ja' ta svules ta ajolic scotol ti va'i s'elan laj calboxuque.

LEQUIL ACH' C'OP

²⁶ pero li jpojvaneje, ja' ti Ch'ul Espiritue ti ta jbi vo'on ta stac tal ti Jtote, ja' chayalbeic scotol, ja' cha syulesbe ta ajolic scotol ti c'usitic lacalbeique.

Tzotzil San Andres

²⁶ Cꞌalal mi libate, chastacbeic talel li Chꞌul Espíritu li Jtote, jaꞌ chtal scoltaoxuc. Chaschanubtasic o scotol, chasjulesboxuc ta ajolic scotol li cꞌusi laj calboxuque.

Tzotzil de Huixtán

²⁶ Laj xa jc'ambe ti Jtote yu'un ac'o stac talel ti Ch'ul Espíritue yu'un chascoltaoxuc. Scotol chaxchanubtasoxuc. Scotol chayac'boxuc ana'ic ti hech chaj c'u che'el calojboxuque.

San Juan 14:26 Iomraidhean Croise

Salmos 51:11

Mu me xajipun loq'uel ta atojol; mu me xaloq'uesbun ta jtojol li ach'ul Espiritue.

Isaías 54:13

Vu'un ta jchanubtas jtuc li avalab anich'nabe; lec chbatic, jun yo'nton chcom scotolic.

Isaías 63:10

Pero li stuquique la stoy sbaic ta stojol; laj yaq'uic ilinuc sjol yo'nton li ch'ul Diose, jech ic'atajic ta yajcontra, lic tsacaticuc ta c'op.

San Mateo 1:18

C'alal ivoc' li Jesucristoe, ja' jech chac li'i: Li sme'e, ja' li Mariae, macbil xa'ox yu'un li Josee. C'alal mu'yuc to'ox yic'oj sbaique, oy xa'ox xch'ut li Mariae. Ja' ac'bil yu'un Ch'ul Espíritu.

San Mateo 1:20

C'alal jech snopoj li Josee, ivaychin. Ta xvayech laj yil jun yaj'almantal Dios, jech i'albat: “José, vo'ot smomnich'onot David, mu xaxi' chavic' li Mariae, yu'un li yol xchi'inoje ja' ac'bil yu'un Ch'ul Espíritu.

San Mateo 28:19

Ja' yu'un batanic me; bat pasic ta jch'unolajel cu'un li cristianoetic ta jujun banamile. Ac'bo yich'ic vo' ta sventa li Jtote xchi'uc ta jventa vu'un li Nich'onilune xchi'uc ta sventa li Ch'ul Espiritue.

San Mateo 3:11

Li vu'une ja' no'ox chacac'boxuc avich'ic vo' ta sventa ti sutem avo'ntonique. Yan li boch'o ts'acal ta xtal cu'une, ja' ech'em svu'el. Li vu'une mu'yuc c'usi xu' cu'un; ac'o me yich'bel batel xonob, mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

Marcos 12:36

Yu'un li Davide jech laj yal ti c'alal ja'o ventainbil yu'un Ch'ul Espiritue: ‘Li Diose jech laj yalbe li Cajvale: Chotlan ta jbats'ic'ob ja' to me laj cac' ta yolon avacan li avajcontrataque’, x'utat, xi li Davide.

Marcos 13:11

C'alal cha'ic'atic batel yu'un cha'ac'atic ta c'abale, mu me xlo'ilaj avo'ntonic ta sventa li c'usi chc'ot avalique xchi'uc ti c'uxi chatac'ovique. Muc xa vo'ocoxuc chac'opojic; ja' Ch'ul Espíritu chac' ana'ic li c'usi chavalique.

San Lucas 1:15

Yu'un toj muc' sc'oplal chc'ot ta stojol li Diose. Mu xuch' ya'lel ts'usub, xchi'uc mu xuch' pox. Ventainbil yo'nton yu'un Ch'ul Espíritu ti c'alal te to tiq'uil ta xch'ut sme'e.

San Lucas 1:35

Itac'ov li j'almantale: —Ja' ta xtal ta atojol li Ch'ul Espiritue. Ta sventa stsatsal Dios ta vinajel ta xlic achi'in li avole. Li olol ta xvoc' avu'une ja' Xch'ulnich'on Dios ta xc'ot sbi.

San Lucas 1:41

C'alal laj ya'ay ic'opanat yu'un María li Isabele, tsots la xijilan sba li yol xchi'inoje. Li Isabele iventainbat yo'nton yu'un li Ch'ul Espiritue.

San Lucas 1:67

Li Zacarías, ja' li stot unin quereme, iventainbat yo'nton yu'un Ch'ul Espíritu. Jech lic c'opojuc jech chac c'u cha'al jun j'alc'op:

San Lucas 11:13

Vo'oxuc ti chopoloxuc ono'oxe, xana'ic c'usi lec chavac'beic li anich'nabique. ¡Buuc xa li Atotic te oy ta vinajele Ch'ul Espíritu chac'be li boch'otic ta sc'anique! —xi li Jesuse.

San Lucas 2:25

Oy jun israel vinic te ta Jerusalén, Simeón sbi. Lec tuc' yo'nton, lec yich'oj ta muc' Dios. Smalaoj ti tsta yorail tsta spatubil yo'nton li israeletique. Ventainbil yu'un Ch'ul Espíritu li Simeone.

San Lucas 24:49

A'yo ava'yic, ta jtacboxuc tal li c'usi yaloj ono'ox Jtot chayac'boxuque. Ja' yu'un li' to oyanic o ta Jerusalén ja' to me laj avich'ic li avu'elic chlic tal ta toyole —x'utatic.

San Lucas 3:22

Iyal tal ta sba yac'ol li Ch'ul Espiritue. Oy sbec'tal xco'laj xchi'uc stsumut yilel. Laj ya'ay oy boch'o ic'opoj tal ta vinajel, jech laj yal: —Vo'ot jnich'onot, lec jc'anojot, lec jpatoj co'nton avu'un —xi.

San Juan 1:33

Li vu'une mu to'ox xcotquin. Pero li boch'o laj yac'bun cabtel tal cac' vo'e, jech laj yalbun: ‘Li boch'o chavil ta xc'ot ta sba li Ch'ul Espiritue, ti te ta xcom o ta stojole, ja' li boch'o ta xac' li Ch'ul Espiritue’, xiyutun.

San Juan 12:16

Li yajchanc'optaque muc to'ox xa'ibeic smelol ti c'alal jech ic'ot ta pasele. Ja' to ti c'alal i'ac'at ta ich'el ta muq'ue, ja' to la sna'ic ti ja' sc'oplal ti jech ts'ibabil comel jech chac c'u cha'al ic'ot ta pasel ta stojole.

San Juan 14:16

Vu'un ta jc'anbe vocol Jtot ti ac'o yac'boxuc tal li Jpat-o'ntonale, yu'un jech j'ech'el te chaxchi'inoxuc o.

San Juan 14:25

“Jech ta xcalboxuc yu'un yo'to li' jchi'inojoxuc.

San Juan 15:26

“C'alal me ital li Jpojvanej avu'unic ti ta jtacboxuc yalel tal ta sventa li Jtote, ja' li Ch'ul Espíritu ti ja' Melele, ja' te ta xlic tal ta stojol li Jtote; ja' chtal yalbun jc'oplal li vu'une.

San Juan 16:7

Pero melel li c'usi chacalboxuque: Ja' sventa alequilalic ti chibate. Yu'un me mu'yuc chibate, mu'yuc chtal ta atojolic li Jpat-o'ntonale. Pero me chibate, vu'un ta jtacboxuc tal.

San Juan 2:22

Ja' yu'un c'alal icha'cuxi ta yoxibal c'ac'al li Jesuse, li yajchanc'optaque ja' to te ivul ta sjolic ti jech ono'ox laj yale. Jech te la xch'unic o ti jech ono'ox ts'ibabil ta sc'op Diose, xchi'uc ti ja' melel li c'usi laj yale.

San Juan 20:22

C'alal laj yal jeche, la xjuch'ta, jech laj yalbe: —Ich'ic li Ch'ul Espiritue.

San Juan 6:45

Jech ts'ibabil comel ta svunic li j'alc'opetique: ‘Scotolic ta xchanubtasatic yu'un li Diose’, xi ono'ox sc'oplal. Ja' yu'un, scotol li boch'otic cha'ibeic sc'op li Jtote, xchi'uc ti ja' tsbijubtasatic yu'une ta xtalic ta jtojol.

San Juan 7:39

Le'e ja' laj yalbe sc'oplal yabtel li Ch'ul Espíritu ti sc'oplal chich'ic li boch'otic ta xch'unique. Pero mu'yuc to'ox talem li Ch'ul Espiritue, yu'un mu'yuc to muyem batel ta lequilal li Jesuse.

Hechos 1:2

Laj xa calbot ava'ay scotol c'u x'elan i'abtej ti c'alal to imuy batel ta vinajele. C'alal mu'yuc to'ox ta xbat ta vinajele, ta sventa Ch'ul Espíritu laj yalbe comel mantal li yajtacbolaltac ti t'ujbilic yu'une.

Hechos 1:4

C'alal jmoj tsobol xchi'uc li yajtacbolaltac Jesuse, jech laj yalbe mantal: —Mu to me xaloq'uic batel li' ta Jerusalene. Malaic chavich'ic li c'usi yaloj ono'ox Jtotique, jech chac c'u cha'al calojboxuc ono'oxe.

Hechos 1:8

Pero c'alal me laj avich'ic li Ch'ul Espiritue, chavich'ic avu'el atsatsalic. Jech vo'oxuc chavalic batel li' ta lum Jerusalén, xchi'uc ta yosilal Judea, xchi'uc ta Samaria banamil, xchi'uc ta sbejel banamil li c'usi laj avilic ta jventae —xi li Jesuse.

Hechos 11:16

Jech ivul ta jol ti jech ono'ox yaloj comel li Cajvaltique: ‘Li Juane laj yac' ich' vo'. Pero li vo'oxuque ja' cha'ac'bat avich'ic li Ch'ul Espiritue’, xi ono'ox.

Hechos 13:2

C'alal ja'o chich'ic ta muc' Cajvaltic, xchi'uc c'alal yictaojic ixime, jech i'albatic yu'un li Ch'ul Espiritue: “Voc'bicun li Bernabé xchi'uc Sauloe, yu'un ta xcac'be spas li yabtelic ti jnopoj ono'ox chcac'beique”, x'utatic.

Hechos 13:4

Li chibique itacatic batel yu'un Ch'ul Espíritu, jech iyalic batel ta lum Seleucia. Te i'ochic ta barco; ibatic ta Chipre banamil.

Hechos 15:28

Yu'un jech la sc'an Ch'ul Espíritu xchi'uc vu'uncutic ti mu'yuc ta xcac'cutic ol avicatsique. Ja' no'ox chacalbotcutic tal jech chac li'i:

Hechos 15:8

Li Dios ti xijyotquinbutic co'ntontic jcotoltique, laj yac'be yilic ti sc'anoj li yanlumetique, jech laj yac'be yich'ic Ch'ul Espíritu ec jech chac c'u cha'al laj yac'butic quich'tique.

Hechos 16:6

Li Pablo xchi'uc xchi'iltaque ibatic ta scotol Frigia banamil xchi'uc ta Galacia banamil, yu'un ipajesatic yu'un Ch'ul Espíritu ti mu to me xbat xcholic sc'op Dios ta Asia banamile.

Hechos 2:33

Jech noxtoc i'ic'at muyel ta vinajel te ta sbats'ic'ob Dios. Jech i'ac'bat yu'un Jtotic Dios li Ch'ul Espíritu ti yaloj ono'ox ta xaq'ue, ja' ti laj avilic laj yac' yalel tal li'i. Jech laj xa avilic, laj xa ava'yic.

Hechos 2:4

Jech scotolic inoj ta yo'ntonic li Ch'ul Espiritue, jech lic c'opojicuc ta yantic c'opetic, ja' ti c'usi c'opal i'ac'bat yalic yu'un Ch'ul Espiritue.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

Hechos 20:35

Laj cac'boxuc lec avilic ti tsc'an chij'abtejutique, yu'un jech xu' ta jcoltatic li boch'otic abul sbaique. Na'ic me ti jech laj yal comel li Cajvaltic Jesuse: ‘Ja' toj ech'em xcuxet yo'nton li boch'o ta xaq'ue; ja' mu sta jech li boch'o ta xich'e’, xi”, xi li Pabloe.

Hechos 28:25

Ta sventa ti muc co'oluc yo'nton tsutic batele, ja' yu'un li Pabloe jech lic yal: —Li Ch'ul Espiritue ja' melel c'usi laj yac'be yal j'alc'op Isaías ta stojol li jmoltot jyame'tic ta vo'onee, jech i'albat:

Hechos 5:3

Li Pedroe jech laj yalbe li Ananiase: —Ananías, ¿c'u yu'un laj avac' ochuc ta avo'nton li Satanase, yu'un la'epalc'opoj ta stojol li Ch'ul Espiritue? Yu'un muc ts'acaluc laj avac' li stojol avosile.

Hechos 7:51

“Li vo'oxuque toj tsots avo'ntonic. Ja' jech avo'ntonic xchi'uc ja' jech achiquinic jech chac c'u cha'al li boch'otic mu'yuc yich'ojic circuncisione. Scotol ora contra chavilic li Ch'ul Espiritue. Ja' chapasic jech chac c'u cha'al la spasic li amoltot ayame'ic ta vo'onee.

Hechos 7:55

Pero li Estebane iventainbat yo'nton yu'un li Ch'ul Espiritue. La sq'uel muyel vinajel; laj yilbe xojobal Dios. Laj yil te oy ta sbats'ic'ob Dios li Jesuse.

Romanos 14:17

Yu'un li ventainel chac' Diose ma'uc te chvinaj ta sventa c'usi ta jve'tic, c'usi ta xcuch'tic. Ja' chvinaj ta sventa ti tuc' c'usi ta jpastique, ti jun co'ntontique, ti xcuxet no'ox co'ntontic ta sventa li Ch'ul Espiritue.

Romanos 15:13

Li Dios ti jpatoj co'ntontic ta stojole ac'o yac'boxuc ep xcuxetel avo'ntonic, xchi'uc ac'o spas ta jun avo'ntonic ta sventa ti ach'unojique, yu'un jech ta sventa stsatsal Ch'ul Espíritu chc'ot lec ta avo'ntonic chamalaic li c'usi cha'ac'batique.

Romanos 15:16

Vu'un yajtunelun Dios ta stojol li yanlum cristianoetique. Ja' cabtelinoj xcholel li Lequil A'yej yu'un Diose, yu'un jech xu' chc'otic ta smoton Dios li yanlum cristianoetique. Ja' smoton Dios ti toj lec chile, ti lecubtasbil xa yu'un li Ch'ul Espiritue.

Romanos 5:5

Mu lo'laeluc li c'usi ta jmalatique. Yu'un laj xa yac' jna'tic ta sventa Ch'ul Espíritu yac'ojbutic ti j'ech'el c'anbilutic o yu'un Diose.

1 Corintios 12:3

Ja' yu'un chcac' ana'ic, li boch'o ventainbil yu'un Ch'ul Espiritue mu xu' chchopolc'opojic ta sventa li Jesuse. Jech noxtoc mu'yuc boch'o xu' chal: “Ja' Cajval li Jesuse”, xi, ti me muc ta sventauc Ch'ul Espíritu chc'opoje.

1 Corintios 6:19

¿Me mu xana'ic ti xch'ulna Ch'ul Espíritu c'otem li abec'talique, yu'un te nacal ta avo'ntonic li Ch'ul Espíritu yac'ojboxuc Diose? Na'ic me ti muc avu'unuc aba atuquique.

2 Corintios 13:14

Te ac'o comuc o ta atojolic li c'uxubinel yu'un Cajvaltic Jesucristoe, xchi'uc li c'anel yu'un Diose, xchi'uc li chi'inel yu'un Ch'ul Espiritue.

2 Corintios 6:6

Jech noxtoc chcac'cutic ta ilel ti tuc' co'ntoncutique, ti oy jbijilcutic ta sventa Diose, ti oy smuc'ul co'ntoncutique, ti oy slequil co'ntoncutique, ti ventainbiluncutic yu'un Ch'ul Espiritue, ti ta melel chic'anvancutique,

Efesios 1:13

Ja' no'ox jech ec li vo'oxuque, c'alal laj ava'ibeic li sc'op ti ja' melele, ja' li Lequil A'yej ti chacolic yu'une, laj ach'unic; jech laj avich'beic senyail ti yu'unoxuc o li Diose, ja' li Ch'ul Espíritu ti yaloj ono'ox Dios chijyac'butique.

Efesios 1:17

Yu'un jech ac'o yac'boxuc abijilic li Dios yu'un Cajvaltic Jesucristoe, ja' li Totil ti toj ech'em slequilale. Xchi'uc ac'o yac' ana'ic c'u x'elan yo'nton li Diose, yu'un jech chavotquinic lec c'u x'elan.

Efesios 4:30

Mu me xavac'beic yat yo'nton li Ch'ul Espíritu yu'un Diose. Yu'un ja' senyail ac'biloxuc ti c'alal tsta sc'ac'alil coltaele.

1 Tesalonicenses 4:8

Me oy boch'o ja' no'ox tsna'le li mantal li'i, muc ja'uc cristiano tsna'le; ja' tsna'le li Dios ti laj yac'butic li Ch'ul Espiritue.

2 Timoteo 1:14

Chabio me li c'usi la'ac'bat aventain ti toj tsots sc'oplale. Xu' avu'un ta stsatsal li Ch'ul Espíritu oy ta co'ntontique.

SUN TITO 3:5

jech la scoltautic. Pero mu ja'uc ta sventa tuc' c'usi la jpastic ti jech la scoltautique; ja' ta sventa xc'uxul yo'nton stuc. Ja' ta sventa ti la spocutic, ti la sjelbutic co'ntontic, ti laj yac' cha'voc'cutic ta ach' ta sventa li Ch'ul Espiritue.

Hebreos 10:15

Ch'ul Espíritu chijyac'butic jna'tic ti ja' melele, yu'un jech ts'ibabil:

Hebreos 2:4

Li Diose laj yac' lec ta ilel ti ja' melel li c'usi la xcholique, jech la yac'be spasic ep ta jchop sq'uelubiltac stsatsal. Xchi'uc laj yac'be sbijil jujunic ta sventa Ch'ul Espíritu jech chac c'u cha'al la sc'an stuque.

Hebreos 3:7

Ja' yu'un jech chal li Ch'ul Espíritu ti ts'ibabil ta sc'op Diose: “Me chava'yic chasc'opanoxuc Dios li' ta orae,

Hebreos 9:8

Ti jech la spas li banquilal palee, Ch'ul Espíritu chac' jna'tic ti yu'un mu to'ox xu' chij'och ta ch'ul cuartoe, yu'un mu'yuc to'ox jamal be ti c'alal ja' to'ox chtun li ch'ulna pasbil ta nucule.

1 Pedro 1:12

Li Diose laj yac'be sna'ic ti mu ja'uc ta sventa stuquic li c'usi laj yalique, ti ja' ta aventaic vo'oxuque. Ja' ti laj xa avich'ic albel yu'un li boch'otic ja' yabtel chcholic li Lequil A'yej ta sventa svu'el Ch'ul Espíritu tacbil tal ta vinajele. Li j'almantaletique toj chac ox sq'uel ya'yic ec ti jech chc'ot ta pasele.

2 Pedro 1:21

Yu'un li sc'op Diose mu ta yo'ntonuc cristiano iloc' tal. Ja' iventainatic yu'un Ch'ul Espíritu. Ja' viniquetic ic'opojic ta sventa Dios.

1 Juan 2:20

Li vo'oxuque laj xa yac'boxuc avich'ic Ch'ul Espíritu li Boch'o mu'yuc smule, jech voc'biloxuc xa lacomic, jech acotolic xa oy abijilic.

1 Juan 2:27

Pero li vo'oxuque, te oy o ta atojolic li Ch'ul Espíritu ti laj yac'boxuc Cristoe, jech voc'biloxuc xa o yu'un, jech mu xa persauc oy boch'o yan ta xchanubtasoxuc. Ja' xa stuc Ch'ul Espíritu ta xac' ana'ic scotol; puru melelic c'usi chal, mu epalc'opuc. Te me oyanic o ta stojol li Cristoe, jech chac c'u cha'al la xchanubtasoxuc li Ch'ul Espiritue.

1 Juan 5:7

Li oxib li'i ja' svinajeb ic'otic:

Judas 1:20

Pero vo'oxuc ti lec jc'anojoxuque, yantic me ac'o tsatsubuc batel li xch'unojel avo'ntonic ta stojol Diose. C'opanic Dios ta sventa li Ch'ul Espiritue.

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.