San Juan 14:23 - Bible in Tzotzil de Chenalhó with Deuterocanon

²³ Itac'ov li Jesuse: —Li boch'o chisc'anune ta xch'unbun li jc'ope. Jech ta xc'anat yu'un li Jtote. Ta xtal jchi'incutic; te chinaquicutic o ta yo'nton.

Tzotzil Zinacantan

²³ Itacꞌav ti Jesuse: ―Ti muchꞌutic scꞌanojicone ta xchꞌunic li cꞌusitic chcalbeique. Cꞌanbilic yuꞌun ti Jtot uque. Chtal jchiꞌinticotic.

Bible in Tzotzil de Chamula

²³ Ti Jesuse xi laj stac'bee: —Ti buch'u c'ux ta xiya'ie, ta xch'un ti c'usi ta xcale. Jech ta xc'uxubinat yu'un ti Jtote. Ti Jtote xchi'uc ti vu'une ta xtal jchi'incutic, ta xinaquicutic ta stojol.

LEQUIL ACH' C'OP

²³ Itac'av ti Jesuse: ―Ti much'u sc'anojone, ta xch'un li c'usi chcale; c'anbil yu'un ti Jtote, li Jtote xchi'uc li vo'one, chtal jchi'inticotic ta naclej.

Tzotzil San Andres

²³ Itacꞌav li Jesuse: ―Li buchꞌu oyun ta yoꞌone ta schꞌun li cꞌusi chcalbee. Jaꞌ noꞌox jech li Jtote cꞌux ta yoꞌon. Chtal jchiꞌincutic. Chiꞌochcutic ta sjol ta yoꞌon.

Tzotzil de Huixtán

²³ Hech itac'av ti Jesuse: ―Ti much'u c'uxun ti yo'ntone, ja' chixch'umbun jc'op. C'ux x'a'yat yu'un ti Jtote. Chtal jchi'intutic. Teuntutic ti yo'nton.

San Juan 14:23 Iomraidhean Croise

Génesis 1:26

Ts'acal to jech laj yal: “Jpastic, cristiano jech chac c'u cha'al vu'utic; ja' jloc'ol jq'uexoltic chc'ot. Yu'un ac'o sventainic li choyetique, li mutetique, li chonbolometic ti stac' ts'unele, xchi'uc ti mu stac' ts'unele, xchi'uc li chonetic ti xquilet ta banamil chanovique”, xi.

Génesis 11:7

Ja' lec yalcutic; bat jc'atajesbetic li sc'opique yu'un jech mu xa xa'ibe sba sc'opic”, xut sbaic.

Salmos 90:1

Cajval, vo'ot no'ox mero jnac'ubbailotcutic o ti jayc'ol cristianoetic chjelovic li' ta banamile.

Salmos 91:1

Li boch'o chabibil yu'un li Boch'o te oy ta vinajele, ti oy ta xyaxinal li Boch'o ech'em svu'ele,

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

San Juan 10:30

Li vu'une jununcutic xchi'uc li Jtote —xi li Jesuse.

San Juan 14:15

“Me ac'anojicune, chach'unbicun scotol li jmantaltaque.

San Juan 14:17

Ja' li Ch'ul Espíritu ti ja' Melele. Li cristianoetique mu xu' ta xich'ic, yu'un mu xilic, xchi'uc mu xotquinic. Yan li vo'oxuque chavotquinic, yu'un te chnaqui ta atojolic; j'ech'el te ch-och o ta avo'ntonic.

San Juan 14:21

Li boch'o te oy ta yo'nton li jmantaltaque, me ta xch'une, le'e ja' li boch'o sc'anojicune. Li boch'o sc'anojicune ta xc'anatic yu'un ec li Jtote. Jech jc'anojic ec; ta xcac' jba ta ilel ta stojolic —xi li Jesuse.

San Juan 14:24

Yan li boch'o mu xisc'anune mu xch'un li jc'ope. Li c'op laj calboxuc ava'yique, muc vu'cun jc'op; ja' sc'op li Boch'o la stacun tale.

San Juan 15:10

Me chach'unbicun li jmantaltaque, j'ech'el jc'anojoxuc o. Jech chac c'u cha'al ta jch'unbe smantaltac li Jtote, jech j'ech'el sc'anojun o.

San Juan 16:27

Yu'un li Jtotic Diose lec sc'anojoxuc, yu'un lec ac'anojicun ec, xchi'uc laj ach'unic ti te liquemun tal ta stojole.

San Juan 6:56

Li boch'o ta sve'bun jbec'tal xchi'uc ta xuch'bun jch'ich'ale, ja' li' oy o ta jtojol, jech te oyun ta stojol ec.

San Juan 8:51

Jamal chacalboxuc ava'yic, li boch'otic ta xch'unic jc'ope, mu'yuc ta xchamic —xi li Jesuse.

San Juan 8:52

Li judioetique jech laj yalbeic li Jesuse: —Chvinaj xa ti ta melel ochem pucuj ta avo'ntone. Li Abrahame icham. Ichamic ec li yaj'alc'optac Diose. Li vo'ote chaval ti mu'yuc ta xcham li boch'otic ta xch'unic ac'ope.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Efesios 3:17

Yu'un jech j'ech'el te ac'o naquiuc o ta avo'ntonic li Cristo ta sventa li xch'unojel avo'ntonic ta stojole. Jech ch-ayin lec yibel, ch-ayin lec snacleb ta avo'ntonic li c'anvaneje.

1 Juan 2:24

Li vo'oxuque, j'ech'el me te oyuc o ta avo'ntonic li sc'op Dios laj ava'yic ta sliquebale. Me j'ech'el te oy ta avo'ntonic li sc'op Dios laj ava'yic ta sliquebale, jech j'ech'el te oy o ta atojolic ec li Nich'onile xchi'uc li Totile.

1 Juan 2:5

Yan li boch'o ta xch'unbe sc'ope, ta melel oy xa ta yo'nton li c'anvanej ta sventa Diose, jech ta jna'tic o ti jun xa oyutic jchi'uctic li Diose.

1 Juan 4:4

Jnich'nabtac, vo'oxuque xnich'naboxuc xa li Diose, jech laj xa atsalic li jlo'lavanej j'alc'opetique. Yu'un ja' xjelov svu'el li Ch'ul Espíritu oy ta atojolique; ja' mu sta jech svu'el li pucuj ti sventainoj li boch'otic oyic ta sventa banamile.

1 Juan 5:3

Me jc'anojtic o li Diose, ta jch'unbetic li smantaltaque. Mu'yuc tsots ta ch'unbel chca'itic li smantaltaque.

2 Juan 1:6

Me ta jc'an jbatique, ja' ta jch'unbetic o smantal li Diose. Ja' jech li mantal ca'yojtic tal ta sliquebale, ja' ti ac'o jc'anan jbatique.

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.

Apocalipsis 22:3

Mu'yuc xa c'usi chopol te. Yu'un ja' te tspas mantal stuc li Diose xchi'uc li Ch'ium Chije. Scotol li yu'untaque te chtunic o yu'un.