San Juan 14:21 - Bible in Tzotzil de Chenalhó with Deuterocanon

²¹ Li boch'o te oy ta yo'nton li jmantaltaque, me ta xch'une, le'e ja' li boch'o sc'anojicune. Li boch'o sc'anojicune ta xc'anatic yu'un ec li Jtote. Jech jc'anojic ec; ta xcac' jba ta ilel ta stojolic —xi li Jesuse.

Tzotzil Zinacantan

²¹ Mi chachꞌunic li cꞌusi chacalbeique, yuꞌun acꞌanojicon. Mi acꞌanojicone, jaꞌ noꞌox yech scꞌanojoxuc ti Jtot uque. Jcꞌanojoxuc uc. Más to chcacꞌ avilic cꞌu xꞌelan li coꞌone ―xiyutoticotic ti Jesuse.

Bible in Tzotzil de Chamula

²¹ Ti buch'u ta xac' ta venta ti jmantale, ti ta xc'ot ta pasel yu'une, ta xac' ta ilel ti j'ech'el c'ux ta xiya'ie. C'ux ta x'a'yie yu'un ti Jtot ti buch'u c'ux ta xiya'ie, c'ux ta xca'i ti vu'un eque, xchi'uc ta xcac' jba iluc ta stojol —xi ti Jesuse.

LEQUIL ACH' C'OP

²¹ Ti much'u chac' ta yo'on li jmantale. Mi ta xch'une, ja' chvinaj o ti sc'anojon ta melele. Ti Jtote sc'anoj ti much'u chi sc'ane, ja' no'ox yech li vo'one, ta jc'an uc xchi'uc ta xcac' jba ta ilel ta stojol.» ―X'utatic yu'un ti Jesuse.

Tzotzil San Andres

²¹ Li buchꞌutic ta schꞌunic li jmantaltaque jaꞌ tsloqꞌuel yoꞌonic cꞌuxun ta yoꞌonic. Mi tsloqꞌuel avoꞌonic cꞌuxun ta avoꞌonique, jaꞌ noꞌox jech cꞌuxoxuc ta yoꞌon li Jtote. Jech cꞌuxoxuc ta coꞌon eꞌuc, schiꞌuc más chacacꞌbe anaꞌic cꞌu sba li coꞌone ―xijyutcutic li Jesuse.

Tzotzil de Huixtán

²¹ Ti much'u chch'un ti jmantale ti ya'yoje, ja' c'uxun ti yo'nton obi. Ti much'u c'uxun ti yo'ntone hech c'ux x'a'yat yu'un ti Jtote. C'ux xca'i ti co'nton uc. Hech más yac'oj sba chiyojtiquinun ―xiyutuntutic ti Jesuse.

San Juan 14:21 Iomraidhean Croise

2 Reyes 18:6

Jun yo'nton o ta stojol li Muc'ul Diose; me jutuc mu'yuc la svoc' sba ta stojol. Ja' la xch'un scotol li mantaletic ti i'albat yu'un Muc'ul Dios li Moisese.

Salmos 35:27

Ja' ac'o avanicuc, ac'o cuxetuc no'ox yo'ntonic li boch'otic oy ta yo'ntonic ta jpas canale. Jech ac'o yalic scotol ora: “Toj ech'em smuc'ul li Muc'ul Diose; toj lec chil c'alal tsta jun yo'nton li yajtunele”, ac'o xiicuc.

Éxodo 33:18

Jech laj yal noxtoc li Moisese: —Ac'bun quil li axojobale —xi.

Proverbios 8:17

Lec c'ux ta co'nton li boch'o chisc'anune; li boch'o chisa'une chistaun.

Jeremías 31:31

Jech chal li Muc'ul Diose: “Ta to sta sc'ac'alil oy c'usi yan ach' ta jchapan jchi'uc li smomnich'nab Israele xchi'uc li smomnich'nab Judae.

Sofonías 3:17

Li Muc'ul Dios ti ech'em stsatsale te oy ta atojol, ja' chascoltaot; xcuxet no'ox yo'nton ta atojol. Mu'yuc c'usi chal, yu'un lec sc'anojot; xcuxet no'ox yo'nton ta xq'uejin ta atojol jech chac c'u cha'al ta yorail q'uin.

San Lucas 11:28

Itac'ov li Jesuse: —Ja' toj xcuxet yo'ntonic ta melel li boch'otic cha'yic li sc'op Diose, ti ta xch'unique —xut.

San Juan 14:15

“Me ac'anojicune, chach'unbicun scotol li jmantaltaque.

San Juan 14:18

“Muc me'on ololuc chacomic cu'un; ta xtal jchi'inoxuc.

San Juan 15:14

Vo'oxuc lec jc'opan jbatic me ja' chapasic scotol li c'usitic laj calboxuque.

San Juan 16:14

Ja' ta xac'un ta ich'el ta muc', yu'un ja' jc'oplal chiyalbun; vo'oxuc chayac'boxuc ana'ic.

San Juan 16:27

Yu'un li Jtotic Diose lec sc'anojoxuc, yu'un lec ac'anojicun ec, xchi'uc laj ach'unic ti te liquemun tal ta stojole.

San Juan 17:23

Li vu'une jun c'otemun jchi'uquic. Li vo'ote junutic no'ox, jech jun ac'o c'oticuc o ec. Jech ta sna'ic o scotol cristianoetic ta banamil ti vo'ot laj atacun tale, xchi'uc ti lec ac'anoj li boch'otic jun c'otemun jchi'uque jech chac c'u cha'al lec ac'anojun li vu'une.

Hechos 22:18

Laj quil jech laj yalbun: ‘Ac'bo yipal loq'uel ta ora li' ta Jerusalene. Yu'un li achi'iltac li'i mu xich'ic ta muc' li c'usi chavalbe ya'yic ta jventae’, xiyutun.

2 Corintios 12:8

Oxib velta xivocolet ta stojol Cajvaltic, yu'un ac'o sloq'uesbun li jvocole.

2 Corintios 3:18

Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

Deuteronomio 11:13

“Me chach'unic scotol li mantaletic li' laj calboxuc ava'yique, me j'ech'el chac'anic o li Muc'ul Dios cu'untique, xchi'uc me scotol avo'ntonic chavich'ic o ta muq'ue,

Deuteronomio 7:13

Lec chasc'anoxuc. Chayac'boxuc ep bendición, xchi'uc chasbolesoxuc. Chac'be bendición noxtoc li anich'nabique xchi'uc li c'usitic oy avu'unique, ja' li trigoe, li ts'usube, xchi'uc li aceitee. Xchi'uc lec chch'i yol li avacaxique xchi'uc li achijique. Yu'un jech ono'ox yalojbe jmoltotactic ta vo'one ti chayac'boxuc scotol c'alal me te xa oyoxuc ta avosilique.

2 Tesalonicenses 2:16

Ac'o stsatsubtasboxuc avo'ntonic, ac'o scoltaoxuc stuc li Cajvaltic Jesucristoe xchi'uc li Dios cu'untique. Ja' li Jtotic ti ep la sc'anutique, ti laj yac'butic spatubil co'ntontic sventa sbatel osile, xchi'uc ti ta sventa slequil yo'nton laj yac' ti jech jun co'ntontic ta jmalatic li c'usi yalojbutique, yu'un jech j'ech'el jun avo'nton ja' chapasic o, ja' chavalic o li c'usitic leque.

2 Timoteo 4:22

Ac'o xchi'inot li Cajvaltique. Ac'o xc'uxubinoxuc acotolic li Diose.

1 Juan 2:5

Yan li boch'o ta xch'unbe sc'ope, ta melel oy xa ta yo'nton li c'anvanej ta sventa Diose, jech ta jna'tic o ti jun xa oyutic jchi'uctic li Diose.

1 Juan 3:1

A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

1 Juan 5:3

Me jc'anojtic o li Diose, ta jch'unbetic li smantaltaque. Mu'yuc tsots ta ch'unbel chca'itic li smantaltaque.

2 Juan 1:6

Me ta jc'an jbatique, ja' ta jch'unbetic o smantal li Diose. Ja' jech li mantal ca'yojtic tal ta sliquebale, ja' ti ac'o jc'anan jbatique.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.

Apocalipsis 3:20

A'yo ava'yic, li vu'une li' oyun ta ti'na chajc'opanoxuc. Li boch'o cha'ay c'alal ta jc'opane, me chisjambun li ti'nae, ta x'och jchi'in; ta jchi'in ta ve'el, jech chixchi'inun ta ve'el ec.