San Juan 14:20 - Bible in Tzotzil de Chenalhó with Deuterocanon

²⁰ C'alal me la sta sc'ac'alil chtal li Ch'ul Espiritue, jech chach'unic o ti jun oyun jchi'uc li Jtote, xchi'uc ti jun oyutic eq'ue, xchi'uc ti te oyun o ta atojolique.

Tzotzil Zinacantan

²⁰ Ti cꞌalal chtal xchiꞌinoxuc ti Chꞌul Espíritue, jaꞌ chasyulesbe ta ajolic ti junoticotic xchiꞌuc ti Jtote. Jaꞌ chasyulesbe ta ajolic noxtoc ti avichꞌojicon ta muqꞌue. Jaꞌ chasyulesbe ta ajolic noxtoc ti liꞌ jchiꞌucoxuque.

Bible in Tzotzil de Chamula

²⁰ Ti jech c'ac'al taje, ta xlic ana'ic ti oyun ta stojol ti Jtote, ti oyoxuc ta jtojole, ti oyun ta atojolic eque.

LEQUIL ACH' C'OP

²⁰ Ti c'alal sta sc'ac'alile, li vo'oxuque ta to xavilic ti junon xchi'uc ti Jtote, ja' no'ox yech li vo'oxuc uque junotic xa, teyon xa o ta atojolic.

Tzotzil San Andres

²⁰ Cꞌalal mi iꞌoch ta avoꞌonic li Chꞌul Espíritue, jech chachꞌunic o ti jununcutic jchiꞌuc li Jtote, schiꞌuc ti jmojutic xa eꞌuque.

Tzotzil de Huixtán

²⁰ C'alal mi i'och xa ti avo'ntonic ti Ch'ul Espíritue, hech chc'ot ti avo'ntonic ti jun oyun xchi'uc ti Jtote, ti oyoxuc ti jtojole, ti oyun ti avo'ntonique.

San Juan 14:20 Iomraidhean Croise

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 14:10

¿Me mu xach'un ti vu'un jun oyuncutic jchi'uc li Jtote? Li c'usi ta xcalboxuc ava'yique mu jc'opuc jtuc. Ja' sc'op li Jtot ti li' jchi'uque. Ja' stuc tspas li abteletic ta jpase.

San Juan 14:11

Ch'unic ti vu'un jun oyuncutic jchi'uc li Jtote. Me mu xach'unique, ch'unic ta sventa li c'usitic ta jpas chavilique.

San Juan 16:23

“C'alal jech chc'ot ta pasele, mu'yuc xa c'usi chajac'bicun. Ja' melel li c'usi chacalboxuc ava'yique: Scotol c'usi chac'anbeic ta jbi li Totile chayac'boxuc.

San Juan 16:26

Ta sc'ac'alil le'e, xu' xa chac'anic ta jbi li c'usi chac'anique; mu'yuc chacalboxuc ti vu'un to ta jc'anboxuc ta stojol li Totile.

San Juan 17:11

“Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

San Juan 17:26

Laj xa cac' yotquinicot. Pero ech'em to ta xcac' yotquinicot, yu'un jech te oy o ta stojolic li c'anel avu'un jech chac c'u cha'al lec ac'anojune, jech te oyun o ta stojolic ec”, xi la sc'opan Dios li Jesuse.

San Juan 17:7

Li' ta orae, laj xa sna'ic ti te ta atojol ilic tal scotol li c'usitic laj avac'bun jpase.

San Juan 6:56

Li boch'o ta sve'bun jbec'tal xchi'uc ta xuch'bun jch'ich'ale, ja' li' oy o ta jtojol, jech te oyun ta stojol ec.

Romanos 16:7

Chabanuc xavalbeic li chib jchi'iltaque, ja' li Andronicoe xchi'uc li Juniase, ja' ti co'ol li'ochcutic ta chuquel jchi'uque. Le'e lec ilbil yabtelic yu'un li yajtacbolaltac Jesuse. Ja' ba'yuc la xch'unic Cristo; ts'acal to la jch'un li vu'une.

Romanos 8:1

Ja' yu'un li' ta orae, mu'yuc xa sc'oplal chbatic ta tojob mulil li boch'otic oyic xa ta stojol Cristo Jesuse.

1 Corintios 1:30

Yu'un li vo'oxuque ja' ta sventa Dios ti oyoxuc xa ta stojol Cristo Jesuse. Ja' li boch'o laj yac' jna'betic c'u x'elan sbijil stuc li Diose. Ja' ti c'u x'elan tuc' co'ntontic chijyilutique, ti c'u x'elan chijlecubutic batele, xchi'uc ti c'u x'elan chijcole.

2 Corintios 12:2

Oy xa ta xchanlajunebal (14) jabil xcotquin lec ti oy jun vinic yich'oj ta muc' Cristoe, i'ic'at muyel ta mero yutil vinajel. Mu jna' me i'ic'at muyel xchi'uc sbec'tal, o me mo'oj. Ja' sna' stuc li Diose.

2 Corintios 13:5

Nopo lec ava'ay atuquic me jun avo'nton ach'unojique; a'yo lec aba ava'ay atuquic c'u xa'elanic. Tsc'an chana'ic me ta melel te oy ta atojolic li Cristoe, o me solel mu'yuc o.

2 Corintios 5:17

Ja' yu'un li boch'o oy xa ta stojol Cristoe ipas xa ta ach'. Ilaj xa sc'oplal li poco'e; ja' xa ital li c'usitic ach'e.

2 Corintios 5:19

Ja' ta sventa Cristo lic sco'lajes yo'nton xchi'uc cristianoetic li Diose. Mu xa ja'uc tst'ab ta yo'nton li jmultic jsa'ojtic ta stojole. Ja' yu'un laj yac'bun cabtelcutic xcholel ti ico'laj xa co'nton jchi'uctique.

Gálatas 2:20

Ja' yu'un co'ol lijoc'anat ta cruz jchi'uc Cristo ic'ot. Jech muc xa vu'ucun ti li' cuxulune. Ja' xa Cristo li' cuxul ta jtojol. Li jcuxlejal li' quich'oj ta jbec'tal ta orae, cuxul ta sventa xch'unojel co'nton ta stojol li Xnich'on Diose, ja' li Boch'o ep la sc'anune, ti laj yac' sba ta milel ta jcoje.

Efesios 2:10

Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Colosenses 1:19

Yu'un li Jtotic Diose jech la sc'an ti chac'be scotol stalel li Xnich'one,

Colosenses 1:27

Yu'un jech la sc'an Dios ti laj yac' avotquinic c'u slequil, c'u yutsil c'usi ta jtatic yu'un li c'usi mu'yuc to'ox vinajem, vo'oxuc li yanlum cristianooxuque. Ja' sc'oplal li Cristo ti te xa oy ta avo'ntonique, ti ja' ta sventa chamalaic li c'usi toj jun yutsile.

Colosenses 2:9

Yu'un li Cristoe yich'ojbe scotol c'u x'elan stalel li Diose.

1 Juan 4:12

Mu'yuc boch'o yiloj li Diose, pero me ta jc'anan jbatique, li' nacal ta co'ntontic. Jech yantic ch-epaj batel ta co'ntontic li c'anvanej yu'une.