San Juan 14:17 - Bible in Tzotzil de Chenalhó with Deuterocanon

¹⁷ Ja' li Ch'ul Espíritu ti ja' Melele. Li cristianoetique mu xu' ta xich'ic, yu'un mu xilic, xchi'uc mu xotquinic. Yan li vo'oxuque chavotquinic, yu'un te chnaqui ta atojolic; j'ech'el te ch-och o ta avo'ntonic.

Tzotzil Zinacantan

¹⁷ Jaꞌ ti Chꞌul Espíritue. Ti cꞌusi chasyulesbe ta ajolique naca yech. Ti muchꞌutic mu xiyichꞌic ta muqꞌue mu xꞌacꞌbatic ti Chꞌul Espíritue, jaꞌ ti mu xchꞌunic ti oye, mu snaꞌic cꞌu xꞌelan chpꞌijubtasvan. Yan li voꞌoxuque avaꞌiic xa cꞌu xꞌelan chpꞌijubtasvan. Jujuntal chtal xchiꞌinoxuc.

Bible in Tzotzil de Chamula

¹⁷ Ja' ti Ch'ul Espíritu ti ta xac' ta na'el ti bu melele, ti mu lecuc ta xa'iic ti jnaclejetic ta banomile, yu'un mu xilic, mu xojtiquinic. Ja'uc ti vo'oxuque xavojtiquinic, yu'un oy ta atojolic xchi'uc nabal o ta atojolic.

LEQUIL ACH' C'OP

¹⁷ Ti much'utic mu xich'ic ta muc' Riox li' ta sba balamile, mu x'och ta yo'onic, yu'un mu xilic xchi'uc mu xojtiquinic; yan li vo'oxuque xa vojtiquinic yu'un tey xchi'inojoxuc o, yu'un tey o ta avo'onic.

San Juan 14:17 Iomraidhean Croise

Proverbios 14:10

Li co'ntontique sna'oj stuc li c'usi svocole, xchi'uc ti c'alal xcuxet no'ox cha'ye, mu xac' ta yan.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

Ezequiel 36:27

Ta xcac'boxuc ta atojolic li espíritu cu'une; ta xcac' c'otuc ta pasel avu'unic li mantaletic, li chanubtaseletic cu'une. Ja' ta xcac' apasilanic o batel.

San Mateo 10:20

Mu vo'ocoxuc xa chac'opojic. Ja' xa chc'opoj ta atojolic li Espíritu yu'un Jtotic Diose.

San Juan 14:16

Vu'un ta jc'anbe vocol Jtot ti ac'o yac'boxuc tal li Jpat-o'ntonale, yu'un jech j'ech'el te chaxchi'inoxuc o.

San Juan 14:23

Itac'ov li Jesuse: —Li boch'o chisc'anune ta xch'unbun li jc'ope. Jech ta xc'anat yu'un li Jtote. Ta xtal jchi'incutic; te chinaquicutic o ta yo'nton.

San Juan 15:26

“C'alal me ital li Jpojvanej avu'unic ti ta jtacboxuc yalel tal ta sventa li Jtote, ja' li Ch'ul Espíritu ti ja' Melele, ja' te ta xlic tal ta stojol li Jtote; ja' chtal yalbun jc'oplal li vu'une.

San Juan 16:13

C'alal me ital li Ch'ul Espíritu ti ja' Melele, ja' chastojobtasoxuc batel ta sventa scotol li c'usi melele. Yu'un mu ja'uc ta xal c'usi tsc'an stuc; ja' ta xal li c'usitic ta x'ac'bat sna'e. Ja' ta xac'boxuc ana'ic scotol li c'usitic ta to xc'ot ta pasele.

San Juan 6:40

Li Jtot ti la stacun tale, ja' oy ta yo'nton jech chac li'i: Scotol li boch'otic ta xilic ti vu'un Xnich'onun Diose, ti ta xch'unicune, ja' tsc'an ti ac'o sta xcuxlejalic sventa sbatel osile, xchi'uc ti vu'un ta jcha'cuxes scotol ta slajebal c'ac'ale —xi li Jesuse.

1 Corintios 14:15

Ja' yu'un ¿c'usi tsc'an ta jpas cha'e? Ta jc'opan Dios ta jch'ulel; ta jc'opan Dios ta jol noxtoc. Chiq'uejin ta jch'ulel, pero chiq'uejin ta jol noxtoc.

1 Corintios 2:14

Yan li boch'o tojol cristianoetic no'oxe mu xc'ot ta yo'ntonic c'alal chcalbecutic li c'usitic ja' sventa Espíritu yu'un Diose. Bol lo'il no'ox cha'yic, yu'un mu xa'ibeic o smelol, yu'un tsc'an lec nopel ta sventa Ch'ul Espíritu.

1 Corintios 3:16

¿Me mu xana'ic ti vo'oxuc xch'ulna Dios c'otemoxuque, xchi'uc ti te nacal ta avo'ntonic li Ch'ul Espíritu yu'un Diose?

1 Corintios 6:19

¿Me mu xana'ic ti xch'ulna Ch'ul Espíritu c'otem li abec'talique, yu'un te nacal ta avo'ntonic li Ch'ul Espíritu yac'ojboxuc Diose? Na'ic me ti muc avu'unuc aba atuquique.

2 Corintios 13:5

Nopo lec ava'ay atuquic me jun avo'nton ach'unojique; a'yo lec aba ava'ay atuquic c'u xa'elanic. Tsc'an chana'ic me ta melel te oy ta atojolic li Cristoe, o me solel mu'yuc o.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Gálatas 4:6

Ta sventa ti lac'otic xa ta xnich'nab Diose, jech la stac tal li Ch'ul Espíritu yu'un Xnich'one; laj yac' ochuc ta avo'ntonic. Ja' ta sventa ti “Tati” xavutic xa li Diose.

Efesios 2:22

Te xa capal chavich'ic latsel muyel ec li vo'oxuque, yu'un jech te chnaqui stuc Dios ta sventa li Ch'ul Espiritue.

Efesios 3:17

Yu'un jech j'ech'el te ac'o naquiuc o ta avo'ntonic li Cristo ta sventa li xch'unojel avo'ntonic ta stojole. Jech ch-ayin lec yibel, ch-ayin lec snacleb ta avo'ntonic li c'anvaneje.

Colosenses 1:27

Yu'un jech la sc'an Dios ti laj yac' avotquinic c'u slequil, c'u yutsil c'usi ta jtatic yu'un li c'usi mu'yuc to'ox vinajem, vo'oxuc li yanlum cristianooxuque. Ja' sc'oplal li Cristo ti te xa oy ta avo'ntonique, ti ja' ta sventa chamalaic li c'usi toj jun yutsile.

2 Timoteo 1:14

Chabio me li c'usi la'ac'bat aventain ti toj tsots sc'oplale. Xu' avu'un ta stsatsal li Ch'ul Espíritu oy ta co'ntontique.

1 Juan 2:27

Pero li vo'oxuque, te oy o ta atojolic li Ch'ul Espíritu ti laj yac'boxuc Cristoe, jech voc'biloxuc xa o yu'un, jech mu xa persauc oy boch'o yan ta xchanubtasoxuc. Ja' xa stuc Ch'ul Espíritu ta xac' ana'ic scotol; puru melelic c'usi chal, mu epalc'opuc. Te me oyanic o ta stojol li Cristoe, jech chac c'u cha'al la xchanubtasoxuc li Ch'ul Espiritue.

1 Juan 3:24

Li boch'o ta xch'unbe smantaltaque te oy ta stojol li Diose, xchi'uc te oy Dios ta stojol ec. Ta jna'tic ti li' oy ta jtojoltique, yu'un ja' chijyac'butic jna'tic li Ch'ul Espíritu yac'ojbutique.

1 Juan 4:4

Jnich'nabtac, vo'oxuque xnich'naboxuc xa li Diose, jech laj xa atsalic li jlo'lavanej j'alc'opetique. Yu'un ja' xjelov svu'el li Ch'ul Espíritu oy ta atojolique; ja' mu sta jech svu'el li pucuj ti sventainoj li boch'otic oyic ta sventa banamile.

1 Juan 4:6

Yan li vu'utique xnich'nabutic xa li Diose. Li boch'otic xotquinic Diose ta xa'ibutic li jc'optique. Yan li boch'o mu xotquinic Diose mu xich'ic ta muc' li jc'optique. Ja' jech ta xcotquintic li boch'otic ja' ventainbilic yu'un li Espíritu ti ja' melele. Jech ta xcotquintic noxtoc li boch'otic ja' ventainbilic yu'un jlo'lavaneje.

1 Juan 5:7

Li oxib li'i ja' svinajeb ic'otic:

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.