San Juan 14:13 - Bible in Tzotzil de Chenalhó with Deuterocanon

¹³ Scotol c'usiuc chac'anbeic ta jbi li Totile, vu'un ta xcac'boxuc, yu'un jech ich'bil ta muc' ac'o c'otuc ta jventa li Totile.

Tzotzil Zinacantan

¹³ Mi jaꞌ chacꞌanbeic ti Jtotic Rioxe ti cꞌusitic tscꞌan coꞌone, chacacꞌbeic yoꞌ xcacꞌ o ta ichꞌel ta mucꞌ, voꞌon li Xchꞌamalone.

Bible in Tzotzil de Chamula

¹³ Scotol ti c'usi ta xac'anic ta jventae, ta xc'ot ta pasel yo' jech ta sventa ti Nich'onile, ta jvinajes yutsilal ti Totile.

LEQUIL ACH' C'OP

¹³ Scotol ti c'usitic chac'anic ta jbi vo'one, ta jpas scotol, yo' ti ta scuenta li Ch'amalile, ich'bil ta muc' chc'ot ti Jtotic Rioxe.

Tzotzil San Andres

¹³ Cꞌusiuc noꞌox chacꞌanbeic li Diose, joꞌon chacacꞌbeic scotol mi jaꞌ chacꞌanic li cꞌusi ta jcꞌane. Jech lec o scꞌoplal li Jtot ta sventa ti chajcoltaique.

Tzotzil de Huixtán

¹³ Yu'un ti ach'unojbun ti jc'ope, hech yu'un hech chac'ambeic ti Diose. Hech yu'un ho'on chacac'boxuc scotol ti c'utic chac'ambee. Hech jun no'ox yutsil chc'ot sc'opilal ti Jtote yu'un ti hech chajcoltaoxuque, ho'on ti Snich'onune.

San Juan 14:13 Iomraidhean Croise

San Mateo 21:22

Scotol li c'usi chac'anic c'alal chac'opanic Diose, me chach'unic ti chataique, ta ono'ox xataic —xi li Jesuse.

San Mateo 7:7

“C'anilanic, cha'ac'batic. Sa'ilanic, chataic. C'opojanic, chajambatic.

Marcos 11:24

Ja' yu'un chacalboxuc, scotol li c'usi chac'anic c'alal chac'opanic Diose, ch'unic ti cha'ac'batique, jech ta ono'ox xavich'ic.

San Lucas 11:9

Ja' yu'un chacalboxuc ava'yic: C'anic, cha'ac'batic; sa'ic, chataic; tijic, chajambatic.

San Juan 10:30

Li vu'une jununcutic xchi'uc li Jtote —xi li Jesuse.

San Juan 12:44

Li Jesuse tsots ic'opoj, jech laj yal: “Li boch'o ta xch'unicune, ma'uc no'ox vu'un chixch'unicun. Ja' ta xch'unic o li Boch'o la stacun tale.

San Juan 13:31

C'alal loq'uem xa'ox batel li Judase, jech lic yal li Jesuse: —Li' ta orae chi'ich'at xa ta muc', vu'un ti Xnich'on cristiano lic'ote. Jech ch-ich'at ta muc' ta jventa ec li Diose.

San Juan 14:14

Me oy c'usi chac'anic ta jbie, vu'un ta xcac'boxuc.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 15:16

Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

San Juan 15:7

“Me li' oyoxuc o ta jtojole, me te oy o ta avo'ntonic li jc'ope, xu' chac'anbeic Dios scotol li c'usi chac'anique, jech chayac'boxuc.

San Juan 16:23

“C'alal jech chc'ot ta pasele, mu'yuc xa c'usi chajac'bicun. Ja' melel li c'usi chacalboxuc ava'yique: Scotol c'usi chac'anbeic ta jbi li Totile chayac'boxuc.

San Juan 16:26

Ta sc'ac'alil le'e, xu' xa chac'anic ta jbi li c'usi chac'anique; mu'yuc chacalboxuc ti vu'un to ta jc'anboxuc ta stojol li Totile.

San Juan 16:7

Pero melel li c'usi chacalboxuque: Ja' sventa alequilalic ti chibate. Yu'un me mu'yuc chibate, mu'yuc chtal ta atojolic li Jpat-o'ntonale. Pero me chibate, vu'un ta jtacboxuc tal.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 5:19

Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.

San Juan 7:37

Ta slajeb c'op, ta mero sc'ac'alil q'uin lic va'luc li Jesuse, tsots ic'opoj, jech laj yal: —Li boch'o oy taqui-o'nal cha'ye, ac'o taluc ta jtojol; ac'o tal yuch' li vo' ta xcaq'ue.

1 Corintios 14:13

Ja' yu'un ti jayib chac'opojic ta yan c'ope, c'anbeic Dios ti ac'o yac'boxuc ana'ic sjelubtasel noxtoc li c'usi chavalique.

Efesios 2:18

Jech ta sventa Cristo ti jcha'chopaltic xa xu' chij'och ta stojol Dios Totil ta sventa ti jun no'ox li Ch'ul Espíritu quich'ojtique.

Efesios 3:12

Ja' li Cristo ti ja' ta sventa lec jamal co'ntontic, mu'yuc xi'el chca'itic, lec jamal jbetic xu' chij'och batel ta stojol Dios ta sventa xch'unojel co'ntontic ta stojol li Cristoe.

Efesios 3:14

Ja' yu'un ta jquejan jba ta stojol li Dios Totile.

Filipenses 4:13

Scotol xu' cu'un ta sventa Cristo, yu'un ja' chiyac'bun jtsatsal.

Colosenses 3:17

Scotol li c'usi chapasique xchi'uc li c'usi chavalique pasic ta sventa li Cajvaltic Jesuse. Tojbeic ta vocol Jtotic Dios ta sventa li Cajvaltique.

Hebreos 13:15

Jech tsc'an scotol c'ac'al ac'o calbetic slequilal Dios ta sventa li Jesucristoe. Ja'uc smoton Dios chc'ot cu'untic ti chquich'tic ta muq'ue, ti chloc' ta quetic ti ja' Cajvaltique.

Hebreos 4:15

Yu'un mu ja'uc jun banquilal pale cu'untic ti mu sna' c'u x'elan jvocoltic ta scoj ti mu'yuc jtsatsaltique. Ja' jun Banquilal Pale ti laj yich' pasbel preva scotol jech chac c'u cha'al vu'utique, pero li stuque mu'yuc smul.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.

Santiago 1:5

Me oy boch'o mu'yuc sbijil avu'unique, c'anbeic li Diose; ja' chayac'boxuc. Yu'un li stuque yutsil yo'nton ta xac'; mu sna' x'ech' yo'nton ta c'anbel.

Santiago 5:16

Ja' yu'un jamal xavalbe abaic li amulique, talbat xac'opanbe abaic Dios ta atojolic, yu'un jech chacolic. C'alal tsc'opan Dios boch'o tuc' yo'ntone, oy lec stsatsal li sc'ope.

1 Pedro 2:5

Ja' jech li vo'oxuque lequil ton c'otemoxuc, chavich'ic latsel muyel yu'un jech chac'otic ta jbej ch'ulna yu'un Dios. Vo'oxuc ch'ul paleoxuc chac'otic, jech ta sventa Jesucristo xu' chavaq'uic lequil matanal sventa sbatel osil ti lec chil Diose.

1 Juan 3:22

Jech chiyac'butic scotol li c'usitic ta jc'anbetique, yu'un ta jch'unbetic li smantaltaque, yu'un ja' ta jpastic li c'usi tsc'ane.

1 Juan 5:14

Jtaoj xa spatubil co'ntontic ta stojol li Diose, jech c'alal oy c'usi ta jc'anbetic jech chac c'u cha'al tsc'an stuque, ta jna'tic ti ta xa'ay jc'optique.