San Juan 14:12 - Bible in Tzotzil de Chenalhó with Deuterocanon

¹² Jamal chacalboxuc ava'yic, li boch'o ta xch'unicune, xu' chlic spasic ec jech chac c'u cha'al ta jpase. Toj ven tsotsic c'usitic chlic spasic, yu'un li vu'une ta xa xibat yo' bu oy li Jtote.

Tzotzil Zinacantan

¹² Ta melel chacalbeic, mi chachꞌunic ti junoticotic xchiꞌuc ti Jtotic Rioxe, xuꞌ chavaqꞌuic iluc slequilal syuꞌelal Riox chac cꞌu chaꞌal ta jpase. Más to ep chlic yichꞌicon ta mucꞌ crixchanoetic avuꞌunic ti cꞌalal teyon xaꞌox xchiꞌuc ti Jtote.

Bible in Tzotzil de Chamula

¹² J'ech'el ta xcalboxuc ava'iic, ti buch'u ta xc'ot ta yo'nton ta xch'unelune, ja' jech ta spas ec jech c'u cha'al ta jpase. Xu' ti x'ech' to xjelav ta spas, yu'un ta xibat bu oy ti Jtote.

LEQUIL ACH' C'OP

¹² Ta melel chacalbeic, ti much'u chi xch'une, tspas yu'unic li c'usitic ta jpas uque; más to muc'tic c'usi xu' spas yu'unic chac c'u cha'al ta jpase, yu'un li vo'one chibat yo' bu ti Jtotic Rioxe.

Tzotzil San Andres

¹² Melel li cꞌusi chacalbeique, mi chachꞌunic ti joꞌon chajcoltaique, xuꞌ chavacꞌbeic ta ilel sjuꞌel Dios jech chac cꞌu chaꞌal ta jpase. Schiꞌuc más to ep chlic yichꞌicun o ta mucꞌ li crixchanoetic ta aventaic li cꞌalal te oyun xa li yoꞌ bu oy li Jtote.

Tzotzil de Huixtán

¹² ’Melel ti c'usi chacalbeique, mi chach'unic ti chajcoltaoxuque, co'ol chapasic jchop o abteletic hech chaj c'u che'el ti jpas ho'oni. Más ech'em to chlic apasic c'alal mi nisut xa batel ti stojol ti Jtote.

San Juan 14:12 Iomraidhean Croise

San Mateo 21:21

Itac'ov li Jesuse: —Melel li c'usi chacalboxuque, me oy xch'unojel avo'ntonique, xchi'uc me mu talbatuc no'ox avo'ntonique, mu ja'uc no'ox xu' avu'un chapasbeic jech li te'el higoe. Xu' avu'un chavalbeic noxtoc li vits li'i ti ac'o loc'uque, ti ac'o sjip sba ochel ta nabe; ta xc'ot ta pasel avu'unic.

Marcos 11:13

Laj yil ta nom jtec' higo. Oy lec yanal. Jech bat sq'uel me oy sat. Pero mu'yuc sat la sta; ja' no'ox yanal, yu'un ma'uc yorail ta satin.

Marcos 16:17

Li boch'otic ta xch'unique ta spasic sq'uelubil jech chac li'i: Ta sloq'uesic pucujetic ta jbi; ta xc'opojic ta yantic c'opetic;

San Juan 14:28

Laj xa ava'yic ti jech laj calboxuque: ‘Ta xibat, pero ta to xtal jchi'inoxuc. Me ac'anojicune, xcuxet no'ox avo'ntonic ti chibate. Yu'un ja' te chisut batel ta stojol li Jtote. Yu'un ja' ech'em smuc'ul jech chac c'u cha'al li vu'une’, xacutoxuc.

San Juan 16:7

Pero melel li c'usi chacalboxuque: Ja' sventa alequilalic ti chibate. Yu'un me mu'yuc chibate, mu'yuc chtal ta atojolic li Jpat-o'ntonale. Pero me chibate, vu'un ta jtacboxuc tal.

San Juan 4:37

Ja' melel ti jech chal li cristianoetique: ‘Yan boch'o ta sts'un; yan boch'o ta xtuch'’, xiic.

San Juan 5:20

Li Jtote lec sc'anojun, ja' yu'un chiyac'bun quil scotol li c'usi ta spase. Ech'em to muc'tic sq'uelubil chiyac'bun jpas. Li vo'oxuque toj ch'ayel chc'ot avo'ntonic yu'un.

San Juan 7:33

Li Jesuse jech laj yal: —Li' to oyun ta atojolic jayibuc c'ac'al. Ts'acal ta xibat yo' bu oy li Boch'o la stacun tale.

San Juan 7:39

Le'e ja' laj yalbe sc'oplal yabtel li Ch'ul Espíritu ti sc'oplal chich'ic li boch'otic ta xch'unique. Pero mu'yuc to'ox talem li Ch'ul Espiritue, yu'un mu'yuc to muyem batel ta lequilal li Jesuse.

Hechos 10:46

Yu'un laj ya'yic ti ta ora no'ox ic'opojic ta yantic c'opetique, ti laj yalbeic slequilal Diose.

Hechos 16:18

Ep c'ac'al jech la spas li tsebe, ja' yu'un chopol laj ya'ay li Pabloe. Ijoyij, jech laj yalbe li pucuje: —Ta jtacot loq'uel ta svu'el Jesucristo. Loc'an ta yo'nton li tsebe —xut. Jech ta ora iloc' li pucuje.

Hechos 19:12

Jech oy ep boch'otic ja' no'ox laj yich'beic batel spanyo, o me sc'u' li Pabloe, c'ot yac'beic ta sbec'tal li jchameletique jech icolic o, xchi'uc iloc' o li pucujetic ti ochem ta yo'nton cristianoetique.

Hechos 2:33

Jech noxtoc i'ic'at muyel ta vinajel te ta sbats'ic'ob Dios. Jech i'ac'bat yu'un Jtotic Dios li Ch'ul Espíritu ti yaloj ono'ox ta xaq'ue, ja' ti laj avilic laj yac' yalel tal li'i. Jech laj xa avilic, laj xa ava'yic.

Hechos 2:41

Li boch'otic la xch'unic c'usi laj yal Pedroe laj yich'ic vo'. Ta sc'ac'alil le'e i'epajic o li jch'unolajeletique; ja' oxmil (3,000) la xch'unic ta jun no'ox c'ac'al.

Hechos 4:16

Jech laj yalbe sbaic: —¿C'usi ta jpasbetic li viniquetique? Yu'un laj xa spasic sq'uelubil stsatsal Dios, yu'un icol yu'unic li vinique. Laj xa ya'yic scotol li jnaclumetic ta Jerusalene. Mu xu' ta xcaltic ti mu jechuque.

Hechos 4:33

Li yajtacbolaltac Jesuse bats'i oy lec stsatsal svu'elic c'alal la xcholic ti ta melel icha'cuxi li Cajvaltique. Bats'i ep i'ac'bat slequil yutsil yo'nton Dios ta stojolic.

Hechos 4:4

Pero ep boch'otic la xch'unic ti c'alal laj ya'yic li sc'op Diose; ja' vo'mil (5,000) xa ic'ot ta scotol li viniquetique.

Hechos 5:15

La sloq'uesanic tal scotol jchameletic yu'unic, xchi'uc svayabic, xchi'uc spopic; tal xmochananic ta xoraltic, yu'un bal to xa'yic me ic'ot snac'ubal ta sbaic jayibuc ti c'alal te ta xjelov li Pedroe.

Hechos 6:7

Jech ipuc o li sc'op Diose, i'epajic ta jyalel li jch'unolajeletic te ta Jerusalene. Oy ep paleetic la xch'unic ec.

Hechos 8:7

Yu'un ep li boch'otic ochem pucuj ta yo'ntonique, pero iloc' li pucujetique. C'alal iloc' li pucujetique, tsots i'avanic. Xchi'uc ep noxtoc boch'otic aluben yacanic xchi'uc coxoetic icolic.

Hechos 9:34

Li Pedroe jech laj yalbe: —Eneas, li Jesucristoe chascoltaot. Lican, meltsano comel avayab —xut. Ta ora ilic li Enease.

Hechos 9:40

Li Pedroe la stacan loq'uel scotolic, jech lic squejan sba; la sc'opan Dios. C'alal laj yo'nton ta sc'opanel Diose, la sq'uel li animae, jech laj yalbe: —Tabita, lican —xut. Jech lic svic' sat li Dorcase. C'alal laj yil li Pedroe, lic chotluc.

Romanos 15:19

xchi'uc ta sventa li senyailtac, li sq'uelubiltac ivinaj ta sventa stsatsale, xchi'uc ta sventa svu'el li Espíritu yu'un Diose. Ja' jech ipuc batel cu'un li Lequil A'yej yu'un Cristoe. Ba'yuc la jliques ta Jerusalén; ts'acal lic jchol batel ta buyuc no'ox c'alal to lic'ot ta Ilírico banamil.