San Juan 13:5 - Bible in Tzotzil de Chenalhó with Deuterocanon

⁵ La sq'ueb vo' ta pocobc'obal, lic spocbe yacan li yajchanc'optaque, la scusbe o ta poc' ti smacoj o xch'ute.

Tzotzil Zinacantan

⁵ Isqꞌueb voꞌ ta pocobcꞌobol, jaꞌ ispoc o li cocticotique. Cꞌalal laj spocboticotique, liscusboticotic ta toalla ti xchꞌicoj ta xchꞌute.

Bible in Tzotzil de Chamula

⁵ Laj taj une, lic sq'ueb vo' ta pocob-c'obal. Lic spocbe yacan ti yajchanc'optaque. Laj scusbe o ti yacantac ta poc' ti c'amal ta xchucbenale.

LEQUIL ACH' C'OP

⁵ Isq'ueb vo' ta pocobc'obol, ispocbe yoc li yajchanc'optaque, c'alal laj spoque, iscus ta cusob c'obol ti xch'icoj ta xch'ute.

Tzotzil San Andres

⁵ La sqꞌueb joꞌ ta pocob‐cꞌabal, la spocbun coccutic, joꞌoncutic li yajchanbalajeltacuncutique. Cꞌalal la spocbuncutique, la scusbuncutic li ta cusobbail sventa atimol ti schucoj ta schꞌute.

Tzotzil de Huixtán

⁵ Laj sq'ueb ho' ti poquet, lic spocbun cacantutic ho'ontutic ti yajchanc'opuntutique. Laj scusbun cacantutic ti poc', ja' ti smac xch'ute.

San Juan 13:5 Iomraidhean Croise

Génesis 18:4

Ta xquich' tal jlec'uc vo' ta jpocboxuc avacanic. Ts'acal xu' chacuxic to jliqueluc ta yolon te'.

Génesis 19:2

Jech laj yal: —Tata, avocolicuc ta jc'an te chbat vayanic jvoyuc ta jna. Xu' te xapoc avacanic. Ja' to sob oc'om xu' xabatic —xi. Itac'ovic: —Mo'oj, colavalbuncutic. Xu' li' no'ox chivaycutic ta xoral jvoyuque —xiic.

Génesis 43:24

Ts'acal laj yic'an batel ta sna li Josee. Laj yac'be vo' sventa tspoc yacanic, xchi'uc laj yac'be sve'el li sburoique.

2 Reyes 3:11

Li Josafate jech laj yal: —¿Me mu'yuc junuc yaj'alc'op Muc'ul Dios li'i, yu'un ac'o jac'betic c'usi tsc'an li Muc'ul Diose? —xi. Oy jun xchi'il ta abtel li ajvalil ta Israele jech laj yal: —Li' oy li Eliseo, xnich'on Safat, ti la xchi'in to'ox ta abtel li Eliase —xi.

Salmos 51:2

Pocbun o loq'uel ta j'ech'el li jchopolile; ch'aybun li jmule.

Éxodo 29:4

Ja'o xavic' batel xchi'uc xnich'nab li Aarón te ta sti' ch'ulna pasbil ta nucule. Albo ti ac'o atinicuque.

Isaías 1:16

Poco abaic, atinanic lec; loq'uesic scotol li achopolilic ta jtojole; comtsanic li c'usitic chopole.

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Levítico 14:8

“Li boch'o chich' lecubtasele, ac'o xchuc' lec sc'u'. Ac'o xjux scotol stsotsil sbec'tal xchi'uc sjol; ac'o atinuc lec, jech lecuben xa chcom o. Jech xu' xa ch-och batel te yo' bu apasoj acarpanaique, pero vucub c'ac'al te no'ox ac'o oyuc ta osilaltic. Mu to xu' ch-och ta scarpana.

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

San Lucas 7:38

Li antse te ic'ot ta sts'el yacan li Jesuse, te lic oc'uc. Lic spocbe yacan ta ya'lel sat; la scus ta stsotsil sjol. Lic sts'uts'be li yacane; ts'acal lic xjax ta muil poxil.

San Lucas 7:44

Ijoyij li Jesuse, la sq'uel li antse; jech laj yalbe li Simone: —¿Me chavil c'usi tspas li ants li'i? C'alal li'och tal ta anae, muc xavac'bun vo' sventa cacan. Yan li ants li'i, laj xa spocbun cacan ta ya'lel sat. La scusbun ta stsotsil sjol noxtoc.

San Juan 13:10

Li Jesuse jech laj yalbe: —Li boch'o atinem xa ono'oxe mu xa persauc ta xich' poquel scotlijil. Xu' xa no'ox ja' chich' pocbel li yacane, yu'un atinem xa ono'ox. Li vo'oxuque sacoxuc xa, ac'o me muc acotolicuc —xut.

San Juan 13:6

C'alal ic'ot yo' bu chotol li Simón Pedroe, jech laj yalbe li Jesuse: —Cajval, ¿me smelol ti vo'ot chapocbun cacane? —xut.

San Juan 13:8

Li Pedroe jech laj yal: —Li vu'une mu xcac' apocbun o li cacane —xut. Itac'ov li Jesuse: —Me mu'yuc ta jpocote, mu xu' ta jchi'in jbatic —xut.

San Juan 19:34

Pero oy jun soldado laj to xenbe ta lanza xocon li Jesuse, jech ta ora iloc' xch'ich'al xchi'uc ya'lel sbec'tal.

Hechos 22:16

Ja' yu'un li' ta orae, mu xamala jal; ich'o vo', ac'o ta poquel amul, c'anbo vocol ta stojol li Cajvaltique’, xiyutun li Ananiase.

1 Corintios 6:11

Oy to'ox boch'o jech la spas avu'unic, pero li' ta orae pocbiloxuc xa, lecubtasbiloxuc xa. Tuc' xa avo'ntonic chayiloxuc Dios ta sventa li Cajvaltic Jesuse xchi'uc ta sventa li Espíritu yu'un Dios cu'untique.

Efesios 5:26

Yu'un jech la slecubtas, la spoc ta sventa li sc'ope.

1 Timoteo 5:10

xchi'uc ti lec sc'oplalic ta sventa yabtelique: me la sts'ites lec yalabic, me i'ic'van ochel ta snaic, me oy la spocbeic yacan li yu'untac Diose, me oy la scoltaic li boch'otic oy svocole, xchi'uc me oy c'usitic yan lec la spasique.

Hebreos 10:22

jech ac'o nopajcutic batel ta scotol co'ntontic, xchi'uc ta sventa ti j'ech'el jch'unojtic oe. Yu'un lecubtasbil xa co'ntontic, jech pocbil xa li c'usi chopol oy ta jol ta co'ntontique, xchi'uc pocbil xa jbec'taltic ta lequil vo'.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 5:6

Li Jesucristoe oy svinajeb ti ja' Xnich'on Diose, ja' ti c'alal laj yich' vo'e xchi'uc ti la smal xch'ich'ale. Ma'uc no'ox ti c'alal laj yich' vo'e, ja' te ivinaj noxtoc ti c'alal la smal xch'ich'ale. Ja' jech chalbe sc'oplal ec li Ch'ul Espiritue, xchi'uc ja' melel c'usi chal.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.

Jueces 19:21

Jech te laj yic' batel ta sna. Te laj yac'be sve'el li sburoe, xchi'uc te laj yac'be spoc yacanic; te ive'ic laj yuch'ic vo'.

1 Samuel 25:41

Li Abigaile la spatan sba ta banamil, jech laj yal: —Li vu'une bats'i tojol antsun no'ox; mu'yuc c'usi jtu o. Ja' no'ox xu' cu'un me chac'bun jpocbe yacan li smozotaque —xi.