San Juan 13:31 - Bible in Tzotzil de Chenalhó with Deuterocanon

³¹ C'alal loq'uem xa'ox batel li Judase, jech lic yal li Jesuse: —Li' ta orae chi'ich'at xa ta muc', vu'un ti Xnich'on cristiano lic'ote. Jech ch-ich'at ta muc' ta jventa ec li Diose.

Tzotzil Zinacantan

³¹ Cꞌalal ibat xaꞌox ti Judase, ti Jesuse jaꞌ yech lic yalboticotic: ―Ista xa yora chiyacꞌ ta ichꞌel ta mucꞌ ti Rioxe, voꞌon ti coꞌol crixchanootique. Jaꞌ noꞌox yech chcacꞌ ta ichꞌel ta mucꞌ uc.

Bible in Tzotzil de Chamula

³¹ Va'i un, c'alal loc' xa batel ti Judase, xi laj yal ti Jesuse: —Avi tana ti vu'un co'ol j'elantique, ta xvinaj ti jlequilale, ta xvinaj yutsil slequilal ti Diose ta sventa.

LEQUIL ACH' C'OP

³¹ C'alal iloc' xa'ox ech'el ti Judase, ti Jesuse ja' yech iyal chac li'i: ―Lavie ista xa yora chquich' ich'el ta muc' vo'on ti Xch'amal crixchano li c'ote, ja' no'ox yech ti Rioxe ich'bil ta muc' chc'ot cu'un uc.

Tzotzil San Andres

³¹ Cꞌalal loqꞌuem xaꞌox batel li Judase, jech lic yalbuncutic li Jesuse: ―Ista xa yora chiꞌaqꞌue ta ichꞌel ta mucꞌ, joꞌon li coꞌol crixchanoutique. Jech ta xꞌichꞌe ta mucꞌ ta jventa li Diose.

Tzotzil de Huixtán

³¹ C'alal iloc' xa batel ti Judase, hech lic yalbuntutic ti Jesuse: ―Ti ora to ti Diose chiyac'un ti pasel ti muc' ho'on ti co'ol crixchanoucutique. Ja' tspasat ti muc' uc ti Diose ti jventa.

San Juan 13:31 Iomraidhean Croise

San Mateo 8:20

Itac'ov li Jesuse: —Li vetetique oy xch'enic; li mutetique oy stasic. Vu'un ti Xnich'on cristiano lic'ote mu'yuc bu xu' ta jmochan jba —xi.

San Lucas 12:50

Ta persa chijelov ta tsots vocol. Te to chcatilan co'nton yu'un c'alal to chc'ot ta pasel.

San Juan 11:4

C'alal laj ya'ay li Jesuse, jech laj yal: —Li chamel ip cha'ye mu ja'uc sventa ta xcham o. Ja' no'ox sventa ac'o ich'atuc ta muc' li Diose, xchi'uc ac'o ich'atuc ta muc' ec li Xnich'on Diose —xi.

San Juan 12:23

Jech i'albatic yu'un li Jesuse: —Laj xa sta sc'ac'alil chi'ich'at ta muc', vu'un ti Xnich'on cristiano lic'ote.

San Juan 12:28

Ja' yu'un jech no'ox la sc'opan Dios li Jesuse: ‘Tati, ich'biluc ta muc' li abie’, xut. Jech oy boch'o ic'opoj ta vinajel, jech laj yal: “Laj xa cac' ta ich'el ta muc' ta aventa li jbie, pero ta to xcac' ta ich'el ta muc' yan velta”, xi.

San Juan 14:13

Scotol c'usiuc chac'anbeic ta jbi li Totile, vu'un ta xcac'boxuc, yu'un jech ich'bil ta muc' ac'o c'otuc ta jventa li Totile.

San Juan 16:14

Ja' ta xac'un ta ich'el ta muc', yu'un ja' jc'oplal chiyalbun; vo'oxuc chayac'boxuc ana'ic.

San Juan 7:39

Le'e ja' laj yalbe sc'oplal yabtel li Ch'ul Espíritu ti sc'oplal chich'ic li boch'otic ta xch'unique. Pero mu'yuc to'ox talem li Ch'ul Espiritue, yu'un mu'yuc to muyem batel ta lequilal li Jesuse.

Hechos 2:36

“Ja' yu'un acotolic ta sjunul slumal Israel, tsc'an chana'ic ta melel: li Jesús ti laj amilic ta cruze Dios laj yac' c'otuc ta Cajvaltic xchi'uc ta Jcoltavanej”, xi li Pedroe.

Hechos 3:13

Li Dios yu'un Abraham, yu'un Isaac, yu'un Jacobe, laj xa yac' ta ich'el ta muc' li Yajtunele, ja' li Jesuse. Ja' ti laj avaq'uic ta c'abal ta stojol Pilatoe. C'alal ta ox sc'an scolta li Pilatoe, li vo'oxuque muc xac'anic.

2 Corintios 3:18

Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.

Efesios 1:12

Yu'un jech ich'bil ta muc' chc'ot ta jventacutic vu'uncutic ti jmalaojcutic chtal li Cristoe.

Efesios 2:7

Yu'un jech chac' quiltic ti bats'i ep c'uxubinel sventa sbatel osile, ti ep sc'anojutic o ta sventa li Cristo Jesuse.

Efesios 3:10

Yu'un jech ta sventa steclumal Dios chlic sna'ic j'almantaletic te oyic ta vinajel ti ep ta chop sbijil li Diose, ja' li j'almantaletic ti tsots svu'elique ti tsots yabtelique.

Filipenses 2:11

Scotol cristiano ta jujuchop c'op chlic yalic ta jamal ti ja' Ajvalil stuc li Jesucristoe; jech ich'bil ta muc' chc'ot li Dios Totile.

1 Pedro 1:21

Ja' ta sventa ti laj ach'unic Diose, yu'un li Diose la xcha'cuxes loq'uel ta smuquinal, xchi'uc laj yac'be slequilal yutsilal. Ja' yu'un li vo'oxuque jun avo'ntonic ach'unojic li Diose xchi'uc apatoj avo'ntonic ta stojol.

1 Pedro 2:12

Lecuc me c'usi chapasic ta stojol li boch'otic mu'yuc yich'ojic ta muc' Diose. Ac'o me chal ac'oplalic ti chopol c'usi chapasique, pero c'alal chilic ti lec c'usitic chapasique, chalbeic slequilal Dios ti c'alal chtal chapanvanuque.

1 Pedro 4:11

C'alal me oy boch'o chc'opoje, ja' ac'o yal jech chac c'u cha'al chal li sc'op Diose. Me oy boch'o tsc'an ta xtune, ac'o spas ti c'u x'elan stsatsal ac'bil yu'un Diose. Scotol li c'usitic chapasique, ac'o ja'uc sventa ch-ich'at ta muc' Dios avu'unic ta sventa li Jesucristoe, yu'un ja' no'ox ich'bil ta muc', ja' no'ox oy svu'el sbatel osil. Jechuc.