San Juan 13:14 - Bible in Tzotzil de Chenalhó with Deuterocanon

¹⁴ Pero me la jpocboxuc avacanic, vu'un li Avajvalicun, vu'un li Jchanubtasvanejun avu'unique, ja' tsc'an ec ti jech chapocbe aba avacanic li vo'oxuque.

Tzotzil Zinacantan

¹⁴ Acꞌu mi voꞌon Avajvalicon, acꞌu mi Avajchanubtasvanejicon, pero ijpoc lavoquique. Jaꞌ me yech xapasic uc. Mu me xatoy abaic, coltao me abaic.

Bible in Tzotzil de Chamula

¹⁴ Vu'un ti Jchanubtasvaneje, ti Ajvalilun avu'unique, laj xa jpoc ti avacanique. Jech xapocbe abaic avacanic ta jujun tal un.

LEQUIL ACH' C'OP

¹⁴ Ti mi vo'on la Vajvalicone, la Vajchanubtasvanejicone ti ijpoc lavoquique ja' no'ox yech li vo'oxuque co'ol xapocbe aba avoquic.

Tzotzil San Andres

¹⁴ Acꞌo mi joꞌon Avajvalicun, acꞌo mi joꞌon Avajchanubtasvanejicun, pero la jpocboxuc avoquic. Jech me xapasbe abaic eꞌuc li joꞌoxuque. Mu me xatoy abaic, coltao me abaic.

Tzotzil de Huixtán

¹⁴ Ho'on ti Avajvalucune, ho'on ti Maestroun avu'unique laj jpocbot avacanic. Hechucoxuc me uc, mu me xatoy abaic, ac'o abaic ti abatinel ti stojol ti avermanotaque.

San Juan 13:14 Iomraidhean Croise

San Juan 11:2

Li Mariae ja' ti la smalbe muil poxil ta yacan li Cajvaltique, xchi'uc ti la scusbe ta stsotsil sjole. Ja' yixlal li Lázaro ti ip cha'ye.

Hechos 20:35

Laj cac'boxuc lec avilic ti tsc'an chij'abtejutique, yu'un jech xu' ta jcoltatic li boch'otic abul sbaique. Na'ic me ti jech laj yal comel li Cajvaltic Jesuse: ‘Ja' toj ech'em xcuxet yo'nton li boch'o ta xaq'ue; ja' mu sta jech li boch'o ta xich'e’, xi”, xi li Pabloe.

Romanos 12:10

Talbat xac'an abaic ta sventa ti co'ol ach'unojique. Talbat chavich' abaic ta muc'.

Romanos 12:16

Co'oluc me avo'nton acotolic. Mu me boch'o muc' spas sba avu'unic. Co'ol biq'uit xava'ay aba ta acotolic. Mu me boch'o toj bij scuy sba avu'unic.

1 Corintios 12:3

Ja' yu'un chcac' ana'ic, li boch'o ventainbil yu'un Ch'ul Espiritue mu xu' chchopolc'opojic ta sventa li Jesuse. Jech noxtoc mu'yuc boch'o xu' chal: “Ja' Cajval li Jesuse”, xi, ti me muc ta sventauc Ch'ul Espíritu chc'opoje.

1 Corintios 8:13

Ja' yu'un me ta scoj no'ox ti'bol chchibaj yo'nton li jch'unolajele, ja' lec mu jti'tic o ti'bol, yu'un jech mu xchibaj yo'nton ta jventatic.

2 Corintios 10:1

Vu'un Pabloun. Ta sventa smuc'ul yo'nton, yutsil yo'nton Cristo ta jc'anboxuc vocol ta atojolic, vo'oxuc ti oy chavalic ti biq'uit cac'oj jba c'alal te oyun ta atojolique, ti ja' toj tsots ta jpas jba c'alal nom oyune.

2 Corintios 8:9

Yu'un xavotquinbeic xa c'u x'elan slequil yo'nton li Cajvaltic Jesucristoe. Li stuque toj c'ulej, pero la spas sba ta me'on, yu'un jech vu'utic la yac'butic jc'ulejaltic.

Gálatas 5:13

Yu'un li vo'oxuque, quermanotac, la'ic'atic yu'un Dios, yu'un colem ac'o comanic o. Pero ta sventa ti colemoxuc xae, ma'uc yu'un xu' xa chapasic c'usiuc no'ox tsc'an li abec'talique. Ja' sventa ac'o acolta abaic, yu'un jech chac'anan abaic ta jujuntal.

Filipenses 2:11

Scotol cristiano ta jujuchop c'op chlic yalic ta jamal ti ja' Ajvalil stuc li Jesucristoe; jech ich'bil ta muc' chc'ot li Dios Totile.

1 Timoteo 5:10

xchi'uc ti lec sc'oplalic ta sventa yabtelique: me la sts'ites lec yalabic, me i'ic'van ochel ta snaic, me oy la spocbeic yacan li yu'untac Diose, me oy la scoltaic li boch'otic oy svocole, xchi'uc me oy c'usitic yan lec la spasique.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

1 Pedro 4:1

Ja' yu'un ja'uc me jechoxuc li vo'oxuque, cuchuc me avu'unic ec li vocol jech chac c'u cha'al laj yich' vocol li Cristoe. Yu'un li boch'o laj xa yich' vocol ta sbec'tale itsal xa yu'un o li mulile,

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.