San Juan 12:46 - Bible in Tzotzil de Chenalhó with Deuterocanon

⁴⁶ Vu'un luz c'otemun li' ta banamil. Scotol li boch'o ta xch'unicune mu xanovic ta ic' osil.

Tzotzil Zinacantan

⁴⁶ Li voꞌone coꞌol xchiꞌuc aluzicon yaꞌel, voꞌoxuc ti teyoxuc ta icꞌ osil yaꞌel ta scoj li mulile. Ti muchꞌutic chiyichꞌic ta muqꞌue mu xa bu tsaꞌ smulic.

Bible in Tzotzil de Chamula

⁴⁶ Yu'un saquilal osilun lital ta banomil yo' jech ti buch'u ta xc'ot ta yo'nton ta xch'unelune, mu xcom ta ic'al osil.

LEQUIL ACH' C'OP

⁴⁶ Vo'on li luzone, li tal ta sba balamil, ti much'utic chi xch'unique muc'bu tey chcomic o ta ic' osil.

Tzotzil San Andres

⁴⁶ Li joꞌone xojobal cꞌocꞌun avuꞌunic yaꞌel, joꞌoxuc li liꞌ to oyoxuc ta balumile. Scotol buchꞌutic ta schꞌunic ti joꞌon Yajcoltavanejicune, ta xpꞌijubic, jaꞌ ta xojtaquinic o li Diose.

Tzotzil de Huixtán

⁴⁶ Ho'oni luz c'otemun avu'unic ho'oxuc ti li'oyoxuc ti balumile. Scotol ti much'u xch'unoj ti ho'on Jcoltavanejun yu'unique, p'ijubenic xa hech chojtiquinic ti Diose.

San Juan 12:46 Iomraidhean Croise

Salmos 36:9

Yu'un vo'ot te oy ta atojol li nio' sventa cuxlejale; ta axojobal no'ox ta xquilcutic saquil osil.

Isaías 40:1

Li Muc'ul Dios, ja' li Dios avu'unique, jech chal: “Patbeic yo'nton, patbeic yo'nton li jteclumale.

Isaías 42:15

Ta jines li muc'tic vitse xchi'uc li bic'tal vitsetique; ta jtaquijes scotol li c'usitic te ch'iemique. Ta jc'atajes ta bats'i banamil li uc'umetique; ta jtaquijes scotol li sts'anleb vo'etique.

Isaías 42:7

Vo'ot chajambe sat li ma'satetique; vo'ot chaloq'ues tal ta chuquel li jchuqueletique; vo'ot chaloq'ues tal ti bu chuculic ta ic' osile.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 4:16

ja' li cristianoetic ti nacalic to'ox ta ic' osile laj xa yilic sac osil. Li boch'o oyic xa'ox ta sventa lajele xojoban xa luz ta stojolic”, xi ono'ox li j'alc'op Isaiase.

San Lucas 2:32

Ja' sac osil chc'ot yu'unic ec li yanlum cristianoetique; ja' slequilalic chc'ot li ateclumal Israele”, xi li Simeone.

San Juan 1:9

Li luz ti tsacubtas osil ta stojol cristianoetique, iyal tal li' ta banamil.

San Juan 3:19

Chbat stoj smulic yu'un ital xa li' ta banamil li luze. Pero li cristianoetique ja' la sc'anic o li ic' osile. Ja' muc sc'anic li luze, yu'un puru chopol li yabtelique.

San Juan 8:12

Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

San Juan 9:39

Li Jesuse jech laj yalbe: —Ti lital li' ta banamile ja' sventa tal cac' vinajuc c'u x'elan stalel li cristianoetique. Yu'un jech ac'o yilic osil li boch'otic mu xilic osile, xchi'uc jech ac'o comicuc o ta ma'sat li boch'otic xilic osil scuyojique —xi.

San Juan 9:5

C'alal li' to oyun ta banamile, vu'un luz c'otemun li' ta banamil —xi.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

Efesios 5:14

Ja' yu'un chc'ot ta pasel ti jech albil sc'oplale: “Lican, vo'ot ti vayemote; totsan tal ta stojol li animaetique, jech chlic yac' xojobal ta atojol li Cristoe”, xi.