San Juan 12:43 - Bible in Tzotzil de Chenalhó with Deuterocanon

⁴³ Yu'un ja' la sc'anic ti lec sc'oplalic yu'un li cristianoetique; ja' jutuc sc'oplal laj ya'yic ti lec ac'o ilaticuc yu'un Diose.

Tzotzil Zinacantan

⁴³ Ti jmeltsanejcꞌopetique jaꞌ tsots scꞌoplal iyaꞌiic ti ichꞌbilic ta mucꞌ yuꞌun li crixchanoetique; jaꞌ mu tsotsuc scꞌoplal iyaꞌiic ti lec ch-ileic yuꞌun ti Rioxe.

Bible in Tzotzil de Chamula

⁴³ Yu'un ja' lec ta xa'iic ti ich'bilic ta muq'ue. Ja' mu sc'anic ta xc'ot ta stojolic yutsilal slequilal ti Diose.

LEQUIL ACH' C'OP

⁴³ Ti jmeltsanejc'opetique ja' tsots sc'oplal iya'iic ti ich'bilic ta muc' yu'un li crixchanoetique; ja' mu tsotsuc sc'oplal iya'iic ti lec ch-ileic yu'un ti Rioxe.

Tzotzil San Andres

⁴³ Li jꞌabteletique más la scꞌanic ti lec ta xꞌileic yuꞌun li crixchanoetique. Jaꞌ mu másuc la scꞌanic ti lec acꞌo ileicuc yuꞌun li Diose.

Tzotzil de Huixtán

⁴³ Ma'uc tsots sc'opilal ti yo'ntonic ti lec chc'ot sc'opilalic yu'un ti Diose. Ja' no'ox tsots sc'opilal ti yo'ntonic ti lec chc'ot sc'opilalic yu'un ti xchi'iltac ti abtele.

San Juan 12:43 Iomraidhean Croise

Salmos 22:29

Ja' yu'un scotol li boch'o tsnop ti lec xu' yu'unique ac'o yich'ic ta muc' li Muc'ul Diose; li cristianoetic ti ta ono'ox xc'atajic ta pucuque ac'o squejan sbaic ta stojol, yu'un mu xu' yu'un chcuxiic ta stuquic no'ox.

Proverbios 29:25

Me ja' chijxi'utic yu'un li cristianoetique, ta xchucvan jech chac c'u cha'al lasu; yan me ja' ta jpat co'ntontic ta stojol li Muc'ul Diose, mu'yuc xi'el chca'itic.

San Mateo 6:2

“C'alal me oy boch'o chacoltaique, mu me xavaq'uic ta a'yel, jech chac c'u cha'al tspasic li jlo'lavanejetic te ta nail tsobobbailetique xchi'uc ta xoraltique. Yu'un ja' no'ox tsc'anic ti lec sc'oplalic yu'un li cristianoetique. Melel li c'usi chacalboxuque, le'e yich'oj xa o smotonic ti jech tspasique.

San Lucas 16:15

Li Jesuse jech laj yalbe: “Li vo'oxuque chavaq'uic ta ilel ta stojol cristianoetic ti tuc' avo'nton avalojique, pero li Diose xotquin li avo'ntonique. Yu'un li boch'o chac' sba ta ich'el ta muc' ta stojol cristianoetique ja' mu'yuc stu ta stojol li Diose.

San Lucas 19:17

Itac'ov li yajvale: ‘Lec oy, vo'ot lequil j'abtelot cu'un. Ta sventa ti jun avo'nton laj aventain li jtaq'uin ti jutuc no'ox laj cac'bot comele, jech chacac'bot aventain lajuneb lum’, x'utat.

San Juan 12:26

Scotol li boch'o tsc'an ta xtun cu'une ac'o sts'aclinun batel. Ti bu chic'ote, te chc'otic ec li cajtuneltaque. Li boch'o ta xtunic cu'une, ta x'ac'atic ta ich'el ta muc' yu'un li Jtote.

San Juan 5:41

“Li vu'une mu ja'uc tal jsa' ich'el ta muc' yu'un li cristianoetique.

San Juan 5:44

Mu xu' avu'un chach'unic, yu'un ja' no'ox chac'anic ti lec ac'oplalic yu'un li cristianoetique. Mu ja'uc chac'anic ti lecuc ac'oplalic yu'un li Dios ti jun no'oxe.

San Juan 7:18

Li boch'o ja' no'ox chal c'usi oy ta yo'nton stuque, yu'un ja' no'ox tsa' ich'el ta muc' stuc. Yan li boch'o ja' chac' ta ich'el ta muc' li boch'o itacat tal yu'une, ja' melel li c'usitic chale; mu'yuc ta yo'nton ch-epalc'opoj.

San Juan 8:54

Itac'ov li Jesuse: —Ti vu'cun no'ox jtuc ta xcac' jba ta ich'el ta muq'ue, mu'yuc c'usi xloc' o. Pero ja' chiyac'un ta ich'el ta muc' ec li Jtote, ja' li Dios avu'un acuyojique.

Romanos 2:29

Ja' mero Judío chijc'ot ta sventa c'u x'elan li yut co'ntontique. Li mero circuncisión quich'ojtic chc'ote ja' ta yut co'ntontic, ja' ta sventa svu'el Dios; ma'uc ta sventa ti ts'ibabil xa lec ta vun quich'ojtic li smantaltac Diose. Li boch'o jech chac le'e ja' lec ch-ilat yu'un Dios; ma'uc lec ch-ilat yu'un cristianoetic.

Romanos 2:7

Li boch'o ja' tspasilanic o c'usitic leque, ti ja' no'ox oy ta yo'nton tsa'ic slequilal yutsilalique xchi'uc li c'usi mu sna' xc'a'e, ja' ch-ac'batic xcuxlejalic sventa sbatel osil.

1 Corintios 4:5

Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

2 Corintios 10:18

Yu'un li boch'o lec chal sc'oplal stuque muc vu'emuc yu'un; ja' vu'em yu'un li boch'o lec sc'oplal ta sventa Cajvaltique.

1 Tesalonicenses 2:6

Muc ja'uc la jsa'cutic ich'el ta muc' yu'un cristianoetic, me ja'uc vo'oxuc, me ja'uc ta yantic.

1 Pedro 3:4

Ja'uc me ta sventa ti lecuben yut avo'ntonique, xchi'uc ti oy smuc'ul avo'ntonique, yu'un ja' mu xlaj sc'oplal. Le'e ja' toj lec chil li Diose.

1 Samuel 15:30

Jech laj yal yan velta li Saule: —Laj xa jta jmul. Pero avocoluc ich'un to ta muc' jech chac c'u cha'al ajvalil ta stojol li moletique xchi'uc ta stojol scotol li jchi'iltactique. Chi'inun sutel sventa chbat quich' ta muc' li Muc'ul Dios cu'untique —xut.

1 Samuel 2:30

Ja' yu'un li Muc'ul Dios yu'un Israele jech chal: ‘Li vu'une caloj ono'ox ti j'ech'el chatunic o cu'un achi'uc avalab anich'nabe. Pero tana chcal ta jamal ti j'ech'el ta jtuch'boxuc o li avabtelique. Ja' chquich' ta muc' ec li boch'o chiyich'un ta muq'ue. Yan li boch'o chisbajune, mu'yuc stu chquil ec.