San Juan 12:34 - Bible in Tzotzil de Chenalhó with Deuterocanon

³⁴ Itac'ov li cristianoetique: —Li vu'uncutique ca'yojcutic ta smantal Dios ti cuxul o sbatel osil li Cristoe. ¿C'u yu'un chaval: ‘Persa chquich' joc'anel ta cruz vu'un ti Xnich'on cristiano lic'ote’, xachi? ¿Boch'oot cha'e? —xutic.

Tzotzil Zinacantan

³⁴ Itacꞌav ti jchiꞌiltaque: ―Caꞌyojbeticotic onox scꞌoplal ti muchꞌu stꞌujoj Riox chtal spasoticotic ta mantale. Tsꞌibabil ta scꞌop Riox ti cuxul o ta sbatel osile. Mi voꞌot ti chapasoticotic ta mantale, ¿cꞌu yuꞌun ti “jipil chicham voꞌon ti coꞌol crixchanootique”, xachie? ¿Muchꞌuot cheꞌe? ―xutic.

Bible in Tzotzil de Chamula

³⁴ Xi laj staq'uic ti jnaclejetic ta banomile: —Ta sventa ti oy c'usi tsots albil sc'oplale, oy bu ca'binojcutic ti cuxul sbatel osil ti Cristoe. Mi vo'ot ti Cristoote, ¿c'u cha'al ta xaval ti ta xquich' milel ti vu'un co'ol j'elantique? ¿Buch'uot un cha'e?

LEQUIL ACH' C'OP

³⁴ Itac'av li crixchanoetique: ―Li vo'oticotique ca'yojticotic ta smantaltac Riox ti much'u ta xtaque tale, cuxul o ta sbatel osile. ¿C'u yu'un ti chaval li vo'ote ti persa chich' jipanel ta cruz ti much'u Xch'amal crixchano ic'ote? ¿Much'u li Xch'amal crixchano ic'ot chavale? ―Xutic.

Tzotzil San Andres

³⁴ Itacꞌav li jchiꞌiltaque: ―Caꞌiojbecutic onoꞌox scꞌoplal li buchꞌu tꞌujbil yuꞌun Dios ti chtal sventainutique. Tsꞌibabil comel ta scꞌop Dios ti cuxul o sbatel osile. Mi joꞌot chaventainuncutique, ¿cꞌu chaꞌal jech chaval: “Persa chicham ta cruz, joꞌon li coꞌol crixchanoutique”, ti xachie? ¿Buchꞌuot chaꞌa? ―xutic.

Tzotzil de Huixtán

³⁴ Hech itac'av ti jchi'iltaque: ―Ca'yojbetutic sc'opilal ti Cristoe te ts'ibabil ti sun ti Diose. Chal ti sbatel osil oy ti Cristoe, ja' ti Jcoltavanej cu'untique. Mi ho'ot Cristoote, ¿c'u yu'un hech chaval: “Persa chimilat ti cruz, ho'on ti co'ol crixchanoucutique”, ti xachie? ―xchiic.

San Juan 12:34 Iomraidhean Croise

2 Samuel 7:13

Ja' chlic spasbun jbej ch'ulna cu'un. Mu xcac' lajuc o sc'oplal li yabtel ta ajvalilale.

Salmos 110:4

Li c'usi laj yal ta jamal Muc'ul Diose, mu xa sutes sc'op o, jech laj yal: “Vo'ot cha'och ta paleal sbatel osil; ja' jech avabtel chavich' jech chac c'u cha'al li Melquisedeque”, xi.

Salmos 72:7

Tuc' ac'o batuc yu'un scotol ti jayib c'ac'al cuxule; ac'o junuc o yo'nton c'alal to tsta yorail chlaj sc'oplal li ue.

Isaías 53:8

La xchuquic, laj yiq'uic batel ta chapanel; mu'yuc boch'o la spoj, mu'yuc boch'o laj yat yo'nton yu'un. La stu'pbeic o sc'oplal ta banamil, ja' ta scoj jmultic ti ep ituch' sbec'tale.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

Daniel 7:14

Laj yich' ac'bel tsots yabtel; laj yich' ac'bel svu'el, xchi'uc laj yich' ac'bel spas mantal. Li cristianoetic ta jujun lum, ta jujun banamil, ta jujuchop c'ope te chtunic ta stojol. Li yabtel i'ac'bate mu xlaj sc'oplal o; li yabtel ta ajvalilale mu xu' chich' tuch'bel o.

Daniel 7:27

Li yabtelic ta ajvalilal, ta pasmantale, li svu'el stsatsalic ajvaliletic li' ta banamile, ja' ch-ac'bat ta sc'obic li steclumal Boch'o te oy ta vinajele. Sbatel osil ja' tspasic o mantal; scotol li cristianoetic li' ta banamile ta xich'ic ta muc', te chtunic o ta stojolic’, xi.

Miqueas 4:7

Li coxoetique ja' xa scomelal Israel ta xc'otic; li boch'o nom chucbil ibatique ta xcac' pasuc ta jun muc'ta tsatsal lum. Vu'un li Muc'ul Diosune te ta jpas mantal o ta stojolic ta vits Sión li' ta ora xchi'uc c'alal to ta sbatel osil.

San Mateo 16:13

C'alal ic'ot Jesús ta nopol lum Cesarea yu'un Filipoe, jech lic sjac'be li yajchanc'optaque: —¿Boch'oun ta xalic jchi'iltactic, vu'un ti Xnich'on cristiano lic'ote? —xut.

San Mateo 21:10

C'alal i'och batel ta Jerusalén li Jesuse, xvochetic no'ox liquel scotol li cristianoetique. Jech laj yalic: —¿Boch'o le'e? —xiic.

San Mateo 8:20

Itac'ov li Jesuse: —Li vetetique oy xch'enic; li mutetique oy stasic. Vu'un ti Xnich'on cristiano lic'ote mu'yuc bu xu' ta jmochan jba —xi.

San Juan 10:34

Itac'ov li Jesuse: —¿Me mu jechuc ts'ibabil ta smantal li Dios te avich'ojique: ‘Li vo'oxuque xq'uexol Dios c'otemoxuc’, x'utatic yu'un Dios li jchapanvanejetique?

San Juan 12:32

C'alal chquich' joc'anel ta cruze, ja' jech ta xquic'an tal ta jtojol scotol li cristianoetique —xi li Jesuse.

San Juan 15:25

Ti jech chc'ot ta pasele, yu'un ja' chc'ot o ti jech ono'ox ts'ibabil comel ta mantaletic te yich'ojique: ‘Jech no'ox ti chiscontrainicune’, xi ono'ox ts'ibabil.

San Juan 8:28

Ja' yu'un jech laj yalbe yan velta: —C'alal chatoyicun muyel, vu'un li Xnich'on cristiano lic'ote, ja' to te chana'ic o ti Vu'une, xchi'uc ti mu'yuc c'usi ta jpas ta jventa jtuque, ti ja' no'ox ta jpas jech chac c'u cha'al xchanubtasojun li Jtot ti la stacun tale.

Romanos 3:19

Scotol c'usi chal li smantaltac Diose ta jna'tic ti ja' sc'oplalic li boch'otic oy ta sc'obic li smantaltac Diose, yu'un jech macal ac'o c'otuc yeic scotolic, jech ac'o sna'ic ti scotol cristiano ta banamil chich'ic chapanbel smulic yu'un Diose.

Romanos 5:18

Jech chac c'u cha'al ta sventa smul jun vinic quechel ta chapanbel smul scotol li cristianoetique, ja' no'ox jech ta sventa tuc' yabtel jun vinic xu' mu'yuc smul ch-ilatic yu'un Dios scotol li cristianoetique, jech xu' tstaic xcuxlejalic sbatel osil.

Hebreos 7:24

Yan li' ta orae mu sna' xcham o li Banquilal Pale cu'untique, jech mu sna' xlaj sc'oplal o li yabtel ta paleale.